شكرًا يا د.أحمد
ضحكتني وخليتني أتفكر كمان (أيوة بالتاء)
أحييك على طريقتك الحقيقة
عرض للطباعة
انا ناس قرايبى متجوزين ماشاء الله بقى لهم 20 سنة وهو رغم انه ظروف شغله بتخليه يجى يوم او 2 فى السبوع لازم يدخل يساعدها فى المطبخ ويكنس بالمكنسة .. وبيعمل الحاجات دى قدامنا لا بيفكر فى رأى الناس ولا بتاع المهم انه بيراعى ربنا فيها وخلاص ده رغم انها مبتشتغلش وبتجيب واحدة تنضف من فترة لأخرى
لكن فى رجالة كتير مستحيل تعرف حد انها اخدت برأى الزوجة لحسن يقولوا عليه معرفش ايه مع ان الرسول عليه الصلاة والسلام اخذ برأى زوجته والناس كلها عارفة كده ايه المشكلة يعنى
ده طبعا لو معروفة برجاحة عقلها لأن عواطف المرأة بتغلب عليها
ففى صلح الحديبية امر الرسول عليه الصلاة والسلام الصحابة ان يحلوا احرامهم و ينحروا الذبائح ويقصوا شعورهم فلم يستجيبوا فغضب غضبا شديدا
فأشارت عليه بأن ينحر هديه ويحلق رأسه فعمل برأيها فلما رأوا ذلك نحروا وحلقوا
موضوع روووووعه . فى اوله موتنى من الضحك و فى اخره علمنى و ادانى حكمه بس اوله دى اجدع نصيحه و بما انى لسا متجوزتش هفضل فاكرهالك لحد ماتجوز و اجرب بقا هههههههههه
.. بس فعلا الواحد ليه يتجوز واحده مدام هو بينكد عليها طب مكنش يتجوزها من اصله الا اذا كان متدبس بقا. و اهم اهم حاجه يتقى ربنا فى مراته و يراعيها لأنها بتتعب جااامد على فكره انا والدى لحد دلوقتى بيدخل المطبخ و بيساعد والدتى لأنى مليش اخوات بنات و بيعمل معاها كل شغل البيت عااااادى جدا رغم انه لواء جيش يعنى فى شغله بيشاور لحاجه تتعمل لوحدها و فى البيت بيساعد عادى و برضه الراجل راجل و الست ست و والدتى بتقدره فوق الوصف مش زى ما فى ناس بتقول مدام الراجل بيعمل كده يبقا اى كلام و بياكل عيش فى البيت
ياااااارب الاقى واحده تستاهل علشان ابقا كده لأنها لو ماتستهلش بقا مش هعمل النصايح دى بس لاااا دا هيبقا فى تعويييييير
الموضوع فعلا فى اوله يخدع انا مبقتش مصدقة ان صاحب الموضوع هو اللى عامله لأنى عارفة مواضيعه التانية: )
هو تقدير الطرف الاخر بيتوقف على اصله سواء رجل او امرأة يعنى ممكن واحدة تشيل عنه كتير هى واهلها فى الجواز لو عنده اصل هيقدر ويعوضها لما ربنا يكرمه ولو قليل الأصل هيقول انه خدها بالرخيص ومتعبش فيها واول ما ربنا يكرمه هيدور على غيرها اصغر بقى وكده
وبرضه لو هى محترمة هتقدر انه بيساعدها ولو معندهاش اصل حلمه عليها ممكن يخليها تسوق فيها
وطبعا نتمنى لك واحدة كويسة بس سواء تستاهل او ل انت بتعامل ربنا فيها
أنا أعرف ناس متجوزيين
أما الراجل كان نفسه في طفل تاني , و مراته يعني صحتها مش كويسة قوي
قالتله مستعدة بس بشرط انك أنت تتولى رعايته , انا كفاية عليا واحد جنب شغل البيت
و الراجل تولى مسئولية الطفل التاني في كل حاجة ( ما عدا الرضاعة طبعا :) ).
و كمان بيدخل هو يطبخ في الأيام اللي مراته بتكون راجعة من الشغل تعبانه.
انا بقى اعرف واحد مراته دكتورة فى الجامعة وعندهم بنت وولد وبقى لهم بتاع 12 سنة واهله هم اللى ضاغطين عليه عشان يخلف عيال كتير وهى رفضت قال لها هتجوز عليك وطلبت منه الطلاق : (
هيا ستات زمان كانت بتعمل ايه يا جدعان :
1- ما كنش فيه غسالة اتوماتيك
2- الثلاجة بتيجى بالعافية والحجز
3- مفيش تكييف طبعا
4- مفيش عربية ولو فى مشوار او عزومة الذهاب المواصلات
5- مفيش غسالة اطباق
6- مفيش تليفون ارضى ولا موبيل طبعا
7- لب البطيخ كان بيتعمل ويتاكل
ودلوقتى الواحدة من دول لو ماكنش عندها كل الكماليات تبقى مش راضية
طبعا حضرتك متجوز علشان كده عارف الكلام ده كله
احنا مبنعترضش على اننا نريح الزوجات ومفيش مشكله اننا نساعد بس في النهايه شيل وانا أشيل
يعني مثلا أساعد مراتي في حاجات صعبه عليهه أو حتى علشان أعبرلهه إني مقدر اللي بتعمله بس في المقابل تساعدني هيه برضه بالجو المناسب والبعد عن النكد
أنا والله مراتي كانت عارفه عني كل حاجه وكنت بشركهه في كل كبيره وصغيره وبأمانه كان ده بيفرق على الواحد كتير لما مثلا تمر بموقف صعب وتحس ان فيه حد جنبك ومدام اللي معاك واقف معاك ويستاهل يبقا الواحد عمره ميستخسر فيه حاجه
طيب هو كل الموضوع ان الزوج هو اللى بيعكنن
امل الستات مابتعكننش،
خدوا عندكوا شوية بقى
1- تبقى عندك مشوار فى ميعاد محدد وهى تعد تتدلع لغاية ما تتأخر ساعة مثلا وانت لابس ومستنى
2- تعد تستناها تنزل من البيت او من اى مكان 5 دقائق ونازلة وبعد ساعة 60 دقيقة 3 دقائق ونازلة وانت اغلى مع نفسك
3- تبقى معزوم فى مكان على الغداء وتصمم انها تنزل تلف فى ازحم مكان فى مصر تدور على حاجة مش مهمة وممكن ماتجيبش حاجة وتروح على السحور
4- تبقى مش عاوز تزعلها وتعملها 50 حاجة وفى ال51 تتعب تقوللك انت مش بتعمللى حاجة
5- لما هى تقف فى المراية ساعة عادى وانت لو سرحت شعرك دقيقة زيادة (حتى لو اصلع) تبقى حوار
6- تنزل تجيب حاجة فى 5 دقائق تنزل معاك ترج بعد 4 ساعات ونفسك اتقطع
7- هى تهتم باللبس مثلا ولما انت تهتم بعربيتك تقوللك انت بتحبها اكتر منى
وحاجات كتـــــــــــــــــــــير تانية :)
الحاجه دي بالذات كانت بتغيظني وخصوصا لما ابقي عند نسايبي وممكن ابقي سايبها طول النهار هناك وقاعدين مع بعض وتبقي شبعانه منهم طول النهار ولما اجي امشي وخلاص هنركب العربيه تفضل اكتر من نص ساعه واقفه بتسلم علي دي وبتبوس دي وبتتكلم مع دي وكنا بنتخانق بس مع الوقت عرفت اني بضايق كده دلوقتي لما ابقول يلا ابوها وامها نفسهم يقولولها قوي بسرعه عشان جوزك ميزعلش حتي لو كنا لسه داخلين البيت
يعني مراتك علي ماتعودها