الموضوع مش صعب اوى كده
انا واختى كنا بنساعد والدتى من واحنا صغيرين متعودين نرتب ونساوى ونغسل وهى تعبت وانا عمرى 15 سنه واتوفت بعديها بسنتين وبقيت بغسل وانشر واطبخ وامسح واعمل كل حاجه انا واختى لغاية لما اختى دخلت كلية طب بيطرى وكانت قرفانه منها وقالت لى انا ووالدى ياما الكليه يااما شغل البيت طبعا بتتحجج علشان تسيب الكليه قولنالها الكليه اهم لانها كانت عاوزه تسيبها وتدخل اداب وكنا رافضين مش كفايه انا سيبت الهندسه علشان كانت فى اسيوط وتعب امى خلانى ماقدرتش اسافر واسيبها ودخلت تجاره وخلصت الكليه الحمد لله واشتغلت فى شركة ادويه محترمه اجى اقولها يابنتى ساعدينى تقولى يااما الشغل يااما شغل البيت انا برجع تعبانه ( قال يعنى انا قاعد عاطل مش باشتغل) برده نفس الحكايه قولتلها لا الشغل طبعا اهم والنتيجه انى بقيت متدبس فى كل شغل البيت وباعمل كل حاجه صحيح انها لو فكرت ساعدتنى ودية تقريبا بتبقى مره فى الشهر بتكون طريقة ترتيبها وتنظيمها افضل منى 100 مره لانها تقريبا موهبه عند الست مهما الراجل يحاول مايقدرشى يوصلها بس يعنى الامور ماشيه والرجاله مش حتموت لو فكرت تقوم بشغل البيت
هما خلاص اتعودوا على الراحه يعنى انت دلوقتى تقدرتستغنى عن العربيه والموبايل والتكييف وباقى الكماليات ده غير ان معظم الستات دلوقتى بتشتغل فصعب يقوم بكل حاجه لازم الراجل يببقى ليه ايد مساعده فى البيت