عرض للطباعة
معروض عليا كابريس كلاسيك موديل 90 فابريقة دواخل و حالتها ( كلام صاحبها ) نظيفة جدا و لا تحتاج أي مصروفات و الدهان ممتا و لا يوجد بها أي خدوش و حالتها كموتور و عفشة مجددة بالكامل بقطع الغيار الأصلية .....
المهم صاحب العربية طالب 60 ألف ...
ايه رأيكم ش كتير المبلغ ده ؟
السعر المعقول للعربية دي كام ؟ أفكر جديا فيها لكن السعر ده هيخليني أفكر كتير جدا و احتمال ألغي الفكرة آسفا.
العربيه دى جامده جداً وأنا بعشقها ، وبصراحه أنا معرفش رينج سعرها كام .
بس ممكن أسأل حضرتك هى إيه ظروفها فى إستهلاك البنزين ؟! وأسعار قطع الغيار وتواجدها بسهوله ولا لأ ؟! وبالنسبه لحجمها هل هو مناسب ليك ولا لأ ؟!
انجكشن ولا كربراتير ؟
واعمل حسابك على ضريبة خيالية
واعتقد رينج سعرها في الاربعينات
انما 60 كتييير جدا
ده فيه عربيات منها ب 30 بس مش الموديل ده
بس هى كعربية ، بعيدا عن عيوبها في مصر فقط ، تستااااااااهل
أنا ماعرفش بصراحة سعرها كام. بس على إفتراض إنك في مصر الكابرس مش مناسبة لمصر!! دي عربية كبيرة حتتعبك في الزحمة و أمريكاني يعني أكيد حريقة بنزين. دا غير قطع غيارها اللي ماعرفش عنها حاجة بس أكيد نادرة وغالية. ودا كللو علو مو90!! الـ60 ألف دول يركبوك رينو ميجان 2006 فول أوبشن!
صاحبها بيقول 200 كيلو في السفر و 140 داخل المدناقتباس:
المشاركة الأصلية كتبت بواسطة bassem raafat
و بيقول قطع لغيار موجودة و معقولة في أسعارها
حجمها السبب الرئيسي في فكرة شرائها
مش عارف كربيرتير و لا انجكشناقتباس:
المشاركة الأصلية كتبت بواسطة amrelsaqqa
الضريبة أكيد مش كتير عشان الموديل
الزحمة مش مشكلة لأني لو نزلت وسط البلد (و ده نادر ) هنزل بالبطة ,و الركنة مش مشكلة الجراش موجود . و استخدام العربية دي هكون في السفر بس غالبا لأني بسافر كتير و بسوق مدد طويلة فمحتاج قعدة كلها أنتخة زي الكابريساقتباس:
المشاركة الأصلية كتبت بواسطة mhdside
الاستهلاك العالي ده مش هيكون مشكلة و ربنا يخلي ال80 دايما منور تنكات عربياتنا
قطع الغيار و الصيانة حسب كلام صاحبها موجودة و مش غالية
ممكن فعلا رينو بالسعر ده لكن مش دماغي خالص
متأكد انها كلاسيك
90 فيه منه موديلين
انهى شكل فيهم
1-و ده اخر موديل فى الكلاسيك
http://www.nileup.com//uploads/image...04c179c296.jpg
2- وده اسمه الصابونه
http://www.nileup.com//uploads/image...318593f073.jpg
حيث كدة إتأكد بس من توافر وسعر قطع الغيار والصيانة وصلي إستخارة وتوكل على الله طول ما هي داخلة دماغك كده. وإبقى إديني لفة :)اقتباس:
الزحمة مش مشكلة لأني لو نزلت وسط البلد (و ده نادر ) هنزل بالبطة ,و الركنة مش مشكلة الجراش موجود . و استخدام العربية دي هكون في السفر بس غالبا لأني بسافر كتير و بسوق مدد طويلة فمحتاج قعدة كلها أنتخة زي الكابريس
الاستهلاك العالي ده مش هيكون مشكلة و ربنا يخلي ال80 دايما منور تنكات عربياتنا
قطع الغيار و الصيانة حسب كلام صاحبها موجودة و مش غالية
ممكن فعلا رينو بالسعر ده لكن مش دماغي خالص
سواء كلاسيك او صابونهاقتباس:
المشاركة الأصلية كتبت بواسطة mazagangee
الضريبه 1147 جنيه
هيه التحفة الأولانية يا باشااقتباس:
المشاركة الأصلية كتبت بواسطة malibu
أوعدك لو أخدتها بتقرير مفصل مطول عنهااقتباس:
المشاركة الأصلية كتبت بواسطة mhdside
اللفة بقى هنشوف هتدفع كام فيها
ده في السنة الةاحدة ولا ال 3 سنين بتوع الترخيص ؟اقتباس:
المشاركة الأصلية كتبت بواسطة malibu
لأ فى السنه الواحده فقطاقتباس:
المشاركة الأصلية كتبت بواسطة mazagangee
لو كلاسيك ..كتيير عليها جدا 60 الف .اخرها 35 -37 لو 100%
الموديل ده قطع غياره داخليه و خارجيه موجوده و اسعارها حلوه
بالنسبه لنقطة 200 كيلو فى الصفيحه ,استحاله و اتحدى صاحب العربيه فيها
اقتباس:
المشاركة الأصلية كتبت بواسطة malibu
أنا برضه شايف ان ده السعر المعقول ليها
200 كيلو في الصفيحة معلومة مشكوك فيها جدا لكن ده كلام الراجل
من موقع Fuel Economy of the 1990 Chevrolet Caprice
استهلاك الكابرس موديل 90 :
جوة البلد فقط: 15 ميل لكل جالون = تقريبا 130 كم / صفيحة
على السريع فقط : 23 ميل لكل جالون = تقريبا 195 كم / صفيحة
متوسط الاستهلاك : 18 ميل لكل جالون = تقريبا 150 كم / صفيحة
اقتباس:
المشاركة الأصلية كتبت بواسطة amrelsaqqa
ممتاز
تقريبا زي ما صاحبها قال , و مش أكتر من استهلاك ال 504 بكتير و ربنا يخلي البنزين ال 80
العربية زي اللي في الفيديو ده بالظبط ( على كلام صاحبها أنا هشوفها الجمعه )
YouTube - ‪Test Drive the 1990 Chevrolet Caprice Classic (Start Up, Engine, Tour)‬‏
ماهو زي أرقام الكتالوج تشك فيها لازم لإن عربيه قديمة عمرها ما هتعمل إستهلاكها الطبيعي معايا في السعوديه على سفر وسرعة ١٢٠ ثابته العربيه بتعمل ١٨٠ في الصفيحة جو البلد (في السعوديه وفي بلد فاضيه) بتعمل ١٤٠ وأوقات ١٣٠ وده كإنك ماشي في التجمع مثلا أو أحسن كمان يعني جوه القاهرة لو عملت ١٠٠كم يبقى كويس قوي
حضرتك مقولتش موتورها كام ؟؟؟
لو موتورها 3.8 بلاش (قطع غياره قليله جدا ) و ضعيف عليها
الاستهلاك على الطبيعه فى مصر غير اى كلام على الورق
عربيتى 4.1 v6 و اعلى رقم جبته على سفر 150 كم\الصفيحه بدون تكييف
تقييم العربيه
1- الحجم
الاربع اركان مكشوفين للسائق فبتسهل المناوره على الطريق و الركن
2-العفشه
ناعمه لاقصى درجه و متحسش باى حاجه على الطريق و عاليه عن الارض .و انسى المطبات
3-التكييف
يقارن بمرسيدس الفينات مع انه امامى فقط والمروحه سرعتين
4-الثبات
مكلبشه فى الارض . عرض العربيه و وزنها معوض ارتفاعها عن الارض
5-الصالون
انتريه بتاع البيت :C_laugh[1]:
6-الدركسيون
الباور زى الهوندا
العيوب :_Alshmokh11:
البنزين و الضريبه ديه كلنا عارفنها
1- قطع غيار العفشه اغلى حاجه فيها .لانها معمره جدا و مبتفكرش فيها
كل سنتين او ثلاثه هتغير جلب مقصات امامى وشكرا على كده (8 جلب .الواحده الاصلى ب 60 جنيه USA grade A )
2- علو صوت الموتور مع قدم تكنولوجيا الفتيس بيخلى صوت النقله مسموع و محسوس للركاب
3- هتدفع تمن التكييف بنزين
4- لو مره نقصت مياه او الريداتير اتخرم منك و سخنت زياده الفرن هيتشرخ منك(زهر و خامته ضعيفه ) شرخ صغير مش هتشوفو بس هيجننك
حلها ...لو بتسخن زياده و الجوانات سليمه و مفيش اى تسريب هتغيير الفرن بواحد استانلس عموله بنفس القطر الداخلى للفرن القديم (من 1000 ل 1500 حسب الصنايعي)
لو افتكرت حاجه تانى هكتبها
سعرها باى حال من الاحوال ما يزدش عن 35000 لو ايه بالذى..
اوعى تشترى بالمبلغ ده السعر لايساوى الاداء وحتخسر كتير لما تيجى تبعها
رحت شفت العربية تاني قبل ما اكلم صاحبها .... طبعا هيه واقفة في الشارع
الدهان نظيف جدا
مفيش بارومة
الرفرف اليمين ورا فيه خبطة من فوق مش عارف ازاي !!!! بس مش مؤثرة
الاكصدامات نظيفة و مفيهاش خبطات و الكروم بتاعها كويس و غالبا الأصلي بتاعها
النيكل بتاع الشبابك يهتان في حتت كتير و مخبط أو متني في حتت كتيرة برضه بشكل واضح .
الفرش شكله كويس و نظيف
السقف الجلد الداخلي مش موجود و هتحتاج تفصيله أو شراء فرش للسقف من الداخل .
الكاوتش الموجود بتاعها شكله كده عايز يتغير بس الطاسات الأصلية موجودة فيها .
طبعا الماكينة و الفيتيس و العفشة معرفش عنهم حاجة لأني مجربتش العربية أنا شفتها من بره بس .
لما كلمت الراجل حسيت اني هشوف عربية زيرو بس لما اتفرجت على العربية زعلت جدا ..... ليه أقول عن عربيتي حاجات مش موجودة فيها !!!! هوه اللي هيشتري مش فاهم للدرجة دي و لا دي نصاحة و لا صياعة و لا ايه بالظبط ؟؟!!!!
لما كنت عايز ابيع البطة قلت للي كان هيشتري كل حاجة عنها و خليته جربها مسافة 50 كيلو شوارع داخلية و سريعة و التكييف و كل حاجة و قلتله على العيوب اللي مش ظاهرة فيها عشان تكون البيعة حلال ........
ليه التصرفات الغريبة دي مش قادر أفهم !!!! أنا قفلت من العربية دي و من المستعمل كله مادام دي ثقافة سوق المستعمل في مصر
سياسات تشويق للسلعه يا باشا : ))اقتباس:
المشاركة الأصلية كتبت بواسطة mazagangee
اقتباس:
المشاركة الأصلية كتبت بواسطة bassem raafat
لا يا باشا
ده كدب صريح
التسويق أو التشويق مش انك تدي معلومات غلط ,,,,,, لأ انت تقول الصح و تقول مميزات و تشكر في السلعة ...
السلام عليكم و رحمة الله و بركاته
أنا قريت التوبيك كله و قريت آراء كل الأخوة الأفاضل اللى اتفضلوا و قالوا رأيهم.
أنا من رأيى, أنك لو مانتش هاوى, بلاش من العربيات دى خالص, لأنك لما بتشترى عربية, بتشترى عربية ليك و للزمن, يعنى مابتشتريش عربية, لما ربنا يكرمك كمان كام سنة و تجيب عربية أعلى و ليكن Cadillac Escalade مثلا, تدلل على الكابريس اللى معاك عشان تبيعها, هاوى بأه, يبقى اشتريها و ربنا يعينك عليها, بس هاوى دى معناها, اللى هو بيشترى العربية اللى عاجباه بصرف النظر عن أى حاجة, زى أنك تلاقى واحد مثلا, عاوز يركب عربيةJaguar Xj6 مو 1985 مثلا, اللى هى مستحيل تلاقيلها قطع غيار فى أى مكان لأن بكل بساطة, مافيش تاجر هيجيب حاجتها و هو عارف يقينا أنها مش هتتباع, و اللى بيبقى هاوى, بيكون الفلوس عنده مالهاش اعتبار, المهم أن الشغلة تتعمل و خلاص و ممكن من كتر حبك للعربية, تبعت تجيبلها حاجات من أميركا لأنك مش لاقيها فى مصر.
بالنسبة للسعر فى عربية زى دى, معروف أن اللى بيشتريها, هتقعد فى أرابيزه طول العمر تقريبا, السعر كتير جدا, كبيرها 30000 جنيه و ياريت صاحبها مايوافقش.
بالنسبة للضريبة, فعلا, هى فى حدود ال1100-1200 جنيه للسنة الواحدة.
بالنسبة لأن قطع غيارها موجودة و أسعارها معقولة -أنا مش عارف معقولة من أنهى ناحية- بس طبعا, الكلام ده مش صحيح 100%, هى حاجتها موجودة بس هتدور عليها و مافيش الأوبشن بأه بتاع العربيات اليابانى مثلا, اللى هو لو أنت بتدور على مكنة استيراد و بتمشى فى السوق تنقى و تختار, لأنك راكب كابريس مش راكب بومة.
أنا بالنسبة لاستهلاك البنزين, أنا مش عارف اذا كان يمشى معاها ال80 و لا لأ, بس حتى لو كان المكتوب عالنت أنها بتعمل 190 كم فى الصفيحة خارج المدن, ده صحيح لما تكون العربية لسه جديدة و فى الطرق بتاعتهم, اللى هوا من كتر مالطريق فاضى, العربية لازم فعلا يكون فيها مثبت سرعة يا اما رجلج هتقف و ده حصل معايا أنا فعلا, لكن الطرق اللى عندنا هنا فى مصر, لا تعتبر خارج المدن على الاطلاق لأنك طول ما أنت ماشى عمال تزود و تهدى و بالذات لو طريق زى بتاع القاهرة-الاسكندرية الزراعى مثلا و طرق تانية كتير زى دى, أما بالنسبة لجوه البلد, فحدث و لا حرج, مستحيل يكون استهلاك الكابريس زيه زى البيجو 504 مثلا, غير منطقى على الاطلااااااااااااق.
و ممكن تعمل تجربة و تنزل تسأل على قطع غيارها و تشوف مدى توافرها فى الأسواق عند التجار عندكم عشان تبقى عارف كل حاجة.
و ربنا ييسرلك الأحوال و تلاقى العربية اللى أنت بتتمناها و أفضل.
اقتباس:
المشاركة الأصلية كتبت بواسطة mazagangee
احسن حاجة انك بعدت عنها لأنها كانت حتقرفك في البنزين و قطع غيارها و كمان اكيد مش اي حد بيصلحها