إستفسار عم مدارس اللغات بمدينة نصر

**Mahmode** · 31-05-2011 10:56 PM

السلام عليكم يا جماعه. أنا بنتي قدامها سنة وتدخل مدارس. وأنا دلوقتي بأعمل إستقصاء عن مدرسة لغات مناسبة. ممكن أي حد عنده معلومة عن مدرسة يقولها. المعلومة تشمل هل المدرسة دي كويسة, هل المدرسة دي وحشة, أسعار المدرسة الفولانية كام و كده. أنا بأتكلم في رينج حتى 10آلاف في السنة أو كحد أقصى 15ألف. لو حد يعرف حاجة عن مدرسة الرواد ومدرسة الفاروق يريت يقول. وشكرا

**Mahmode** · 01-06-2011 05:16 PM

مفيش أي أب أو أم في مدينة نصر هنا؟؟؟؟؟؟ ولا أنا دخلت حتة غلط

**heshamzaky** · 01-06-2011 05:24 PM

ولادى فى مدرسة cis كايرو أنترناشونال أسكول المستوى التعليمى بها ممتاز جدا على فكرة و أعتقد المصاريف فى حدود 6000 تقريبا
بس سمعت ان السنة دى حا يزودو علشان أخدو الايزو مش فاهم حا يجى على دماغنا و لا اية
المستوى التعليمى ممتاز و الفصول كل فصل حوالى 22 تلميذ فقط و الفصول نظيفة جدا و معاملتهم مع الاطفال جيدة للغاية
المدرسة فى نفس الشارع الى فية مدرسة الرواد . الرواد أعتقد لغاية أبتدائى فقط و مش حلوة ناس حولو منها ل cis

**Dojuar** · 01-06-2011 05:29 PM

المشاركة الأصلية كتبت بواسطة mhdside

السلام عليكم يا جماعه. أنا بنتي قدامها سنة وتدخل مدارس. وأنا دلوقتي بأعمل إستقصاء عن مدرسة لغات مناسبة. ممكن أي حد عنده معلومة عن مدرسة يقولها. المعلومة تشمل هل المدرسة دي كويسة, هل المدرسة دي وحشة, أسعار المدرسة الفولانية كام و كده. أنا بأتكلم في رينج حتى 10آلاف في السنة أو كحد أقصى 15ألف. لو حد يعرف حاجة عن مدرسة الرواد ومدرسة الفاروق يريت يقول. وشكرا

الراجل ده جابلك الخلاصة...و هو السبب بعد الله سبحانه أنو خلى ابني فيها:

المشاركة الأصلية كتبت بواسطة heshamzaky

ولادى فى مدرسة cis كايرو أنترناشونال أسكول المستوى التعليمى بها ممتاز جدا على فكرة و أعتقد المصاريف فى حدود 6000 تقريبا
بس سمعت ان السنة دى حا يزودو علشان أخدو الايزو مش فاهم حا يجى على دماغنا و لا اية
المستوى التعليمى ممتاز و الفصول كل فصل حوالى 22 تلميذ فقط و الفصول نظيفة جدا و معاملتهم مع الاطفال جيدة للغاية
المدرسة فى نفس الشارع الى فية مدرسة الرواد . الرواد أعتقد لغاية أبتدائى فقط و مش حلوة ناس حولو منها ل cis

معلومة أكيده بتاعة زيادة الأيزو ديه؟؟

**Ayman-Ahmed** · 01-06-2011 05:32 PM

لسة اللى عندى مدخلش مدرسة ولكن بما ان زوجتى مدرسة فترشيحاتها كانت :

-MSE مصر 2000 الحديثة فى التجمع الخامس (حوالى 10000 بالباص)

-المصرية للغات فى التجمع برده (نفس الرينج تقريبا)

-الفاروق (تتميز بتعليمها الدينى)(اغلى حاجة بسيطة)

اهم حاجة تروح لاى مدرسة قبل ما تقدم فيها وتعمل Tour مع المشرفة.

وربنا يوفقك لما يحبه ويرضاه.

**heshamzaky** · 01-06-2011 05:35 PM

و الله سمعنا كدة بعد ما مدام كريمة أخدت ايزو ههههههههههههههه
حا يبان ساعت دفع الفلوس .
هو كل سنة بيزودو حوالى 10 بالمائة تقريبا و حتى الابليكشن الى كان الاول ب 50 جنية بقى ب 100 جنية حتت ورقة متصورة ب 5 قروش لا أكثر و لا أقل و الكشف الطبى كان السنة الى فاتت ب 200 جنية أسنان و نظر و باطنة
بص أنت بتدفع فلوس بس بصراحة بتلاقى قصاد الفلوس خدمات يعنى السنة الى فاتت مجددة الفصول بتاعت ال كى جى تماما . باركية ألمانى على الارضيات و ولى الامر هو الى بيورد فلوس هههههههههههههههه
بس بيعملو أنشطة كتير جدا جدا بصراحة و حفلات و ترفية ممتاز للأطفال و المهم المستوى التعليمى ممتاز طالما بتتابع مع طفلك مش سايبة كدة و السلام

**Ghosts** · 01-06-2011 05:41 PM

طب لو ملقيتش مدرسة كويسة فى مدينة نصر .... هتعمل أية ؟
دور على المدرسة الكويسة .....
بعيدة .....
قريبة ....
مش مشكلة .....
المهم البنت تتعلم صح .....
أعرف ناس كتير دخلوا بناتهم مدرسة رمسيس كوليدج .....
الصراحة كلهم بيشكروا فيها .....
بيقولوا أن بناتهم بيتكلموا English مش فى الفصل وبس .....
لأ وفى الحوش كمان أثناء الفسحة ......
مدرسة فعلآ ممتازة ......
و قدرت تحافظ على سمعتها لأكتر من 100 سنة .....
ربنا يوفقك فى الأختيار .

**Mahmode** · 01-06-2011 05:54 PM

شكرا يا جماعة على المعلومات دي. شكرا أستاذ هشام حابقى أبص على CIS دي. أول مرة أسمع عنها الصراحة. أنا كده كده لسا ما لفتش فا لسا مش سامع أوي أنا قولت أبتدي ألف على النت ألأول.

أستاذ أيمن شكرا لأقتراحاتك. هوا أنا مستبعد التجمع الخامس عشان المسافة فحسيبه آخر خيار لو ما عجبتنيش ولا مدرسة في مدينة نصر (وده إحتمال ضئيل)

بالنسبة لأستاذ Ghosts صعب تبقى مدينة نصر كلها مافيهاش مدرسة كويسة. هي بس القصة في التكاليف فا لو ملقتش مدرسة كويسة بتكاليف معقولة حاضطر أوديها مدرسة كويسة وأغلى بس في مدينة نصر. أنا ضد إن الطفل يروح مدرسة بعيدة. حيتبهدل ويتعب في السكة رايح جي كل يوم. حرام.

**heshamzaky** · 01-06-2011 06:05 PM

العفو يا أستاذ على أية و بص المدرسة القريبة نعمة لا تتخيلها مش حا تحس بيها الا وقت الزحمة و القرف بتاع زحمة المرور و خروج المدارس و الطفل يروح فى نص ساعة بدل ما ينام فى الباص بتاع المدرسة و يتعب

**nevozaky** · 01-06-2011 06:18 PM

المشاركة الأصلية كتبت بواسطة dojuar

الراجل ده جابلك الخلاصة...و هو السبب بعد الله سبحانه أنو خلى ابني فيها:

معلومة أكيده بتاعة زيادة الأيزو ديه؟؟

والله حضرتك مدرسة القاهرة الدولية .كايرو انترناشيونال سكول خدت الايزو من سنة 2008 .والسنة دى اخدوا الجودة من الوزارة بالاضافة الى الايزو .وبالنسبة للمصاريف انا سمعت انها هتبقى السنة دى فى حدود 7000 جنيه .