غسيل الموتور

**ashrafnoby** · 01-06-2011 12:30 PM

بسم الله الرحمن الرحيم

ازى الرجاله عاملين ايه انا جت لى فكره كده بس عايز تقولولى رايكم بصراحه بعد ما العربيه عملت كام حاجه كده معايا وصوت التكيهات ظهر وغيرت فلتر الزيت ...............................
وفى بعض الاخوه قالولى لازم الكوستبنات تتنضف بس انا معرفتش تتنضف الزاى ومحدش قال..................................
قولت طيب انا ممكن فى غيار الزيت الجديد اجيب 8 لتر بنزين بعد ماصفى الزيت افضى ال8 لتر من مكان اضافه الزيت وانزل الشوائب والزيت المحروق واسيب الموتور لمد 4 ساعات وانفخ فيه بالهواء هل ده عادى ولا غلط وممكن يوثر على حاجه فى العربيه ولا لا
والخاطر ده جالى علشان كل الميكانيكيه بينضفو العربيه بالبنزين ومعروف
ان البنزين له سرعه تتطاير عاليه جدا

**mohamed_e36** · 01-06-2011 12:39 PM

فكره والله
متابع

**فادى محمد** · 01-06-2011 01:10 PM

خطرت الفكره دي ببالي بس ماحاولتش اجربها بس اعتقد مالهاش اي ضرر بس مالهاش فايده بالشكل اللي متخيله ..تنظيف الكوستبانات بطريقتين.
1- لو الكستبانات لسه في مرحله الاعياء ممكن تحط (فلوش اويل) مع غيار الزيت القديم قبل ماتغير وهو عباره عن ماده كاويه بتنظف اي كربون او رواسب في دوره الزيت بما فيهم الكوستبانات
2- لو الحاله متدهوره يبقي لازم تفك بيت الكامه اللي هو اول دورين في الموتور من فوق وميكانيكي محترم يطلع الكوستبانات ويفكها وينقعها في بنزين وينظفها بس مش اي حد بيعرف يعمل كده ,معظمهم بيقولك هاتلي طقم كستبان
+ملاحظه
لو فتحت بيت الكامه الموضوع ممكن يفتح منك وتكتشف انك لازم تشتري طقم كستبان لو سوسته كانت بايظه الكستبان الواحد جديد ب65ج واستعمال ب20ج +دلايل الصبابات(الشواكيش)لو مجروحه هتحتاج تتغير برده وسعرها نفس سعر الكستبانات ..الموتور فيه 8 كستبان و8 شاكوش .انا عملت الموضوع ده عند ميكانيكي صاحبي واضطريت اغير 3 كستبان و2 شاكوش بس مافرقش الا في صوت الموتور فقط بعد ماكان بيتكتك زي اللادا اصبح انعم من النعامه .واستني راي باقي العصابه.تحياتي.

**tananybasha** · 01-06-2011 05:01 PM

لا كلام بعد كلام فادى

**ashrafnoby** · 02-06-2011 09:45 AM

لو الكستبانات لسه في مرحله الاعياء ممكن تحط (فلوش اويل) مع غيار الزيت القديم قبل ماتغير وهو عباره عن ماده كاويه بتنظف اي كربون او رواسب في دوره الزيت بما فيهم الكوستبانات

شكرا ياعم فادى على المعلومه بس انا مش عارف ان الكوستبنات بايظه ولا لا لانى رحت للميكانيكى وقالى العربيه زى الفل ومتخليش حد يلعب فى العربيه بس انا قولت المره الجايه هعمل موضوع الفلاش ده وهجربه وهشوف الفرق قبل وبعد

**ashrafnoby** · 02-06-2011 09:50 AM

اعرف منيين ان عمود الكامه متاكل وبيطلع الصوت ده هل ليه علامه اعرف منيين من غير مااى ميكانيكى ميشتغلنى

**فادى محمد** · 02-06-2011 12:52 PM

المشاركة الأصلية كتبت بواسطة ashrafnoby

اعرف منيين ان عمود الكامه متاكل وبيطلع الصوت ده هل ليه علامه اعرف منيين من غير مااى ميكانيكى ميشتغلنى

صوت الكستبانات (تكتكه) بتظهر والموتور بارد اول ماتدوره الصبح وبتخف اول مالموتور يسخن انما عمود الكامه صوته (رزع) وهتلاقي الصوت مستمر ولو شيلت غطا التاكيهات هتشوف حالته.

-

-

الموضوع: غسيل الموتور

LinkBack

أدوات الموضوع

عرض

-

-

-

المواضيع المتشابهه

غسيل الموتور

غسيل الموتور

غسيل الموتور

غسيل الموتور صح ولا غلط

غسيل الموتور

الكلمات الدلالية لهذا الموضوع

المفضلات

المفضلات

ضوابط المشاركة