انا مش كييف جزم
انا بحب جداااااااا الكوتشيات وبالذات Adidas
كنت بجيب من فترة كدة و كنت في الميرغني
دخلت Adidas و Diadora و Puma مفيش حاجة عجبتني خالص وخصوصا اني مبحبش الكوتشيات ال runner
بحب الحاجة simple شوية
قلت أخش CAT وأهو بيبقي في كوتشيات
مالقتش كوتشيات حلوة الحقيقة
بصيت في الجزم
لقيت في حاجات حلوة
وعجبني ده .. بس مش CAT هو Hush Puppies Bennett



هو مريح وجميل جدا
بس عيبه ... أو مش عارف عيبي انا ولا أيه
انا متعود علي الكوتشيات وطبعا ممكن تتخبط في حاجة ولا بيحصلها حاجة
والكلام ده ماينفعش مع الجديد :(
خد خرابيش كتير في وشه
من حد خبطني أو رجلي اليمين بتسلم علي رجلي الشمال أو في دواسات البنزين والفرامل والدبرياج
مش عارف بقي أيه حل الخرابيش ده
غير ان لو أتترب شوية وحبيت أمسحه بحس انه بيتخربش من المسح .. حتي لو أستخدمت منديل !