السلام عليكم
شكرا لكل الأخوة الذين أفادوني بأراءهم وفي إنتظار باقي اللأراء لنقطع الشك باليقين.
algo2000
شكرا يا باشا على سرعة الرد
حازم خضر
شكرا يا باشا وعدت ووفيت .... بس إنت مش شايف إن الموضوع دة غريب شوية إنه مفيش تقفيل؟ هو عملي لأن لو في تقفيل في المكان ده ممكن الرجل تخبط فية دايما عند التنقل بين الدواسات. على الجانب الاخر انا سألت في توكيل تويوتا ومسؤل المبيعات قالي إن الأماكن دي بتتقفل فعلا بس في موديلات أخرى من الياريس إللي بتحتاج فيوزات أكتر وإللي بينزل منها air bag تحت الدريكسيون لحماية أرجل وركبتين السائق في حاله لا قدر الله حادث. إية رأيكم في الكلام ده؟
دموع الثلج
إزيك إنتي وعربيتك عاملة إية معاكي..... ما تقلقيش انا كنت موسوس 50% وتوكيل الرزق خلاهم 100% :) :)
بس ياريت تبصي عندك وتقولي لقيتي إية
بالنسبة للخرابيش سيبيها تاخد وقتها العربية لسة جديدة وياما حتشوفي .... عاوز أقولك إني كل يوم (في أي مكان) لما بركن بحس إني رايح لقضايا برجليا..... وزي ما بيقولو إللي يخاف من العفريت بيطلعله :( يعني أرجع ألف حوالين العربية ولازم ألاقي خربوش او حكة وإمبارح والحمد لله نقره :( :(
ودة من البهايم واسف لإستخدام الكلمة ... لأنهم إنعدم منهم العقل عند فتح الباب ومع إني والله دايما بسيب مكان واسع بيني وبين إللي جنبي! سيبيها تاخد وقتها ولو مضيقاكي قوي إديها طبقة شمع.
هيرو باشا
كل ده ولسة ما بصيتش..... هو المسافة بين الدريكسيون والدواسات بعييييييدة للدرجة دي :) :)
المفضلات