Frv & Fsv & Verna

**angry_devil** · 02-06-2011 12:31 AM

السلام عليكم ، يمكن دي تكون أول مشاركة ليه بس محتار جدًا بين الفيرنا والبرليانس frv / fsv طبعًا كالعادة الكل بيقول أبعد عن الصيني مع اقتناعي أن البرليانس غير اي عربية صيني تانية ، فبرجاء الإفادة من مستخدمي البرليانس للإفادة بالنسبة لقطع الغيار والاستخدام بعد فترة كويسة ولا ؟ وشكرًا مقدمًا

**bassem.kamal** · 02-06-2011 01:39 AM

بص في كتير سألوا الاسلئة دي بس لو دورت و بحثت كتير في المنتدي هنا بتاع البريليانس هتلاقي كل حاجة انت عايزة من غير سؤال و يمكن هتلاقي اجابات و معلومات مش هاتيجي علي بالك...
بس مبدأيا كله تمام و البريليانس مكتسح الصيني في مصر و متفوق برضو في الامكانيات في عربيات تانية و المواتير محدش اشتكي من مصيبة يعني تخليه يبيع العربية ... يعني دور كدة في الموقع و قلب كويس هتلاقي كل حاجة

**Ashraf_Ibrahim** · 02-06-2011 09:57 PM

انا مش هقلك غير ان وكيل بريليانس في مصر هي المجموعة البفارية وهي وكيل بي ام هنا في مصر !
اعتقد مستحيل التوكيل دا يغامر باسمه في حاجة مش كويسة !
انا معايا فيرنا على فكرة بس دي كلمة حق تتقال !

**sv065** · 03-06-2011 12:13 PM

المشاركة الأصلية كتبت بواسطة sorsar2004

اشكرك بشدة .. و مفيش حاجة اسمها صيني الايام دي .. ما احنا معلش ساعات بنركب قطع غيار صيني في عربيات كوري و ياباني ... و المهم في جميع الحالات انك تكون محافظ عليها في مواعيد الزيوت و الصيانة الدورية عموما بتاعتها .... و ساعتها كله هيبقي تمام مدام انت محافظ عليها صح و مهتم بكل حاجة فيها و دة مش بريليانس ... دة اي عربية كدة
انا كنت بايع عربيتي بالكيس بتاعها !!! و معايا 3 سنين بس عشان لما ابيع محدش يقول ان في خدشة ... بس و ربنا يباركلنا في اي حاجة تبقي معانا

أتفق تماما وهذا الراي

**bassem.kamal** · 03-06-2011 02:00 PM

انا كان ليا سؤال صحيح ... اخبار ال byd اية معاك الاتوماتيك؟!!! .... و سعرها في السوق كام ؟؟؟ و الحياة فيها اخبارها ... انا كنت راكبها مانويل مانويل تاكسي و كانت واسعة و ناعمة و جميلة بسم الله ماشاء الله ... ف عاوز اعرف اخبرها اية و كدة
و ربنا يباركلك فيها أولاً

**sharl** · 03-06-2011 07:48 PM

السلام عليكم ، يمكن دي تكون أول مشاركة ليه بس محتار جدًا بين الفيرنا والبرليانس frv / fsv طبعًا كالعادة الكل بيقول أبعد عن الصيني مع اقتناعي أن البرليانس غير اي عربية صيني تانية ، فبرجاء الإفادة من مستخدمي البرليانس للإفادة بالنسبة لقطع الغيار والاستخدام بعد فترة كويسة ولا ؟ وشكرًا مقدمًا

يا باشا البريليانس مينفعشى تتقارن بالفيرنا انت بتقارن ايه بايه و محدش يقولى صينى البريليانس دى بالذات frv حاجة حكاية بجد