هل تلتزم بالحارة المرورية؟؟
عرض للطباعة
هل تلتزم بالحارة المرورية؟؟
بحاول علي اقد مقدر خصوصا" ان بسوق من غير رخصه وربنا يسترها
هيه فين الحارة المرورية?شاورلي عليها و انا التزم بيها
دي مجموعة خطوط بتتباعد و تتداخل مع بعض بدون سبب واضح او مفهوم..وساعات بتبقى مطموسة الملامح وهاتحتاج منظار معاك ف العربية عشان تشوفها
انت ممكن تبقى ماشي في الحرة بتاعتك وبعد شوية تلاقي نفسك خرجت برة الطريق
ايوا لاني برتاح كده و متعود و متعلم كده في مدرسة المرور
بس ده عرضني لمشاكل مع ناس كتيرة
الانتقادات اللي باخدها
اخر مرة كنت في القاهرة تاكسي مصر يمر بيني و بين ميكروباص
و صاروخ
طلعت برة الحارة و لزقت في الرصيف و انا ماشي الكاوتش حك علشان ميخبطنيش
انا بلتزم جدا جدا باللحارة بالزات على البحر و ابوقير بس بتنرفز لما الاقى الحارة بتاعتى مرة واحدة مش موجودة :( :( :( :( بتختفى دايما دة غير بقى سواقين التاكسى و المشاريع الى بيجبرونى انى اطلع من الحارة بس برجعلها تانى على طول
و اكتر حاجة بتغيظنى فى الملفات لما اكون ملتزم بالحارة فى الملف و الاقى كل الناس الى على الشمال بتحدف يمين :( :( بتنرفز جدا جدا جدا و الناس كلها بتعمل كدة للأسف بس انا بحاول برضة التزم بالحارة
بزمتك فى فى مصر حاجه اسمها حاره مرورية؟
انت لو بصيت على الاسفلت وطلع فى خوط من اساسه هتلاقى مليون خط فوق بعضها
واسهم وحاجه نجنن
سيبها على الله
ماهو علشان كده انا بقيت بحود في اخر حارة على الشمالاقتباس:
و اكتر حاجة بتغيظنى فى الملفات لما اكون ملتزم بالحارة فى الملف و الاقى كل الناس الى على الشمال بتحدف يمين :( :( بتنرفز جدا جدا جدا و الناس كلها بتعمل كدة للأسف بس انا بحاول برضة التزم بالحارة
http://tag-turbo0.mylivepage.com/ima...42725_7506.jpg
الصورة دى كنت بدور عليها من الصبح
شوفوا الحارات المرورية قى مصر
لو الشارع حارتين و الناس ماشية ثلاث حارات, يبقى غصب عنى همشى ثلاث حارات.
فى حاجات ثانية كتير:
الوقوف على أماكن عبور المشاه.
tailgating مش عارف أزاى بتتقال بالعربى و يسلام لو ضارب كزينون.
يبقى شارع حارة واحدة وانت ملتزم و تلاقى واحد راح على الجنب شوية عشان يسبق.
لازم اخد غرز معرفش امشي في خط مستقيم هو انا راكب قطار ولا حاجه
والله بحاول إني ألتزم بيها على قد ما أقدر
المضحك إني زمان أول ما تعلمت سواقة كنت معتقد إن الخطوط الموجودة على الأسفلت الهدف منها إنك تجعلها في منتصف العربية وأنت ماشي عشان لما يكون في ضباب أو شبوره وفضلت على إعتقادي دة يمكن حوالي 3 سنين ..... هههههههههه
اينعم بحالو اكون ملتزم 90 % مالم يجبرني اي هيكل معدني متحرك بجواري ان انتقل بسرعة لحارة اخري بدل من الانتقال للاخرة
وكمان بحب التزم ابدا بعدم التخطي طول ما الخط الابيض المتصل موجود
واللي بشوفوة ماشي في حارتين متعمد
يعني عينة اللي يحط الخط الابيض في وسط العربية وماشي
ممكن اكرهة في عيشتة وفي اليوم اللي فكر فيه يسوق في مصر
واخرها في طريق العبور من 3 ايام والله كنت هالبسة في بلدوزر من غيظي
انا مرة عربية مرسيدس عند حودة بتاع مدينة السلام و انتا رايح النزهة
زنق عليا و كنت هلبس في ميكروباص واقف لولا ربنا ستر
كان كل همي اني اجيبه
و لما جيبته لقيته قاعد عمال بيبص في الموبايل
مسيبتهوش مشيت قدامه و كل شويا اوسعله علشان يعدي وكل ما يخش شويا اكون كاسر بكل قوتي
و الله ما سيبته الا بعد ما نشفت دمه
أنا حاولت بس يأست و بالتزم بيها لو الشارع فاضي و الناس بتتصرف زي الناس يعني تقريبا مابلتزمش بيها
هلتزم بالحارة المرورية تبعا لقانون المرور وللا قانون الشارع المصرى؟؟؟
الحارة اليسرى للأسرع فى قانون المرور وللأبطأ فى قانون الشارع
واللى بيقول انه بيلتزم بالحارات أحب أسأله إزااااااااااااى؟؟
هل تقدر تكمل مشيك على 90 كم/س بس فى الحارة الشمال وللا كل 100 متر هتقابلك عربية ترلة ولا كارو وللا أى ماركة ماشية على 40 وأحيانا أقل؟؟؟ هتفضل ملتزم بالشمال برضه؟؟؟
والتخطى اللى مفروض يبقى من اليسار... لا يمكن حدوثه فى شارعنا إلا من اليمين لأن من أمامك لن يترك لك اليسار أبدا لتمر..
هو الشارع المصرى كده شماله يمين ويمينه شمال
ويبدو إن دى حقيقة واقعنا كله : معكوس
على طرق مصر اسكندرية الزراعى مفيش حاجه اسمها حارات خالص
النقل الثقيل فى الشمال والكارو فى الحارة اليمين والميكروباص ماشى على التراب بعد الاسفلت والاتوبيس فى النص
وكله على كله من الاخر سلطه يعنى الحته الفاضيه امامك ادخل فيها بسرعة قبل الى خلفك ما يدخلها ويزنقك
اما من المظلات الى التحرير بحاول التزم ولكن سؤ اخلاق الميكروباص بيخلينى اتجنن وابلطج عليهم واعمل غرز وازنق عليهم خاصتا لما بكون بالعربية الادا
طبعا انا بالتزم بيها و بادى اشاره لما باغير من حاره لحاره
بس المشكله انى لما بسوق فى اى محافظه من محافظات مصر الناس بتلتزم بالكلام ده الا فى القاهرة بحس ان الناس بتتعمد متلتزمش بى الكلام دة
على قد ما اقدر و غالبا ده بيكون على الطرق الصحراوية ،انا النهارده كنت راجع من القاهرة و ما خرجتش بره الحارة غير خمس او ست مرات بسبب العربيات النقل بس جوه البلد لا يمكن طبعا التزم بيها طول ما فى زباليين سايقين عربيات لونها اسود فى برتقالى و عربيات 100 راكب اسمها ميكروبات و حبة شباب فرحان بنفسه و كاتب اسمه على الزجاج الخلفى
بحاول على قد ما اقدر
بس زي ما في في الطب حاجة اسمهاAntibiotic وفي الكمبيوتر Antivirus
هتلاقي في مصر Antisystem يعني الناس يشوفوا فين النظام ويبعدو عنه
الطريق الثلاث حارات بيتحول الى خمس حارات طب ازاي هاتلتزم
تعريف الحارة المرورية في مصر هو حدود عربيتك واحمد ربنا وماتطلبشي اكتر من كدة واهو احسن من مفيش
يعني على قد ما الشارع يكفي عربيات هيبقى هو ده عدد الحارات المرورية
ثم مش لما يصلحو الشوارع اصلا يبقو يفكروا يعملو حارات مرورية
انت بتكلم بجد هوا فية حاجة اسمها حارات مرورية فى مصر
انا عن نفسي لما بجري باخد شمالي لو بالراحه باخد يميني.
في الملفات و الكباري و المنحنيات بعد الكباري مش بتجاوز اي عربيه ايا كانت.
و لو لقيت حد علي الشمال و مهدي بديله كلاكس و اشاره شمال
و الله خد يمينه يبقي كتر خيره.
ما اخدش يمينه يبقي هو اللي جابه لنفسه
حفضل اكلكيس له و اديله الاشاره و اصدعه
و اشغل النور العالي و اضايقه في مرايه الصالون
ما جابش نتيجه
يبقي اجي قدامه و اهدي خالص و اقرفه في عيشته و اخليه يقول حقي برقبتي.
كل دا بعمله لما ابقي راجع بالليل و رايق
اما لو مستعجل بكتفي اني اعدي و ازنق عليه اوقع قلبه و بس :)
انا بلتزم بس هيا اللي مش بتلتزم بيا علي فكرة ههههههههههههههههههههههههه ههه
بجد مش قادر امسك نفسي من الضحك
انا فعلا بحاول واركز علي هذا الاساس وفجأة الشارع بعد ما كان حارتين بقا حارة واحده والخ
ما شاء الله يا كريم
انا ملاحظه ان سلوكك فى الفتره الاخيره بقى عدوانى جدا ومش بعيد تقلب ارهابى بعد شويه:chris: انا حاسه انك بتنزل الشارع عشان تنتقم من الناس اللى نزلوا وقت مرور سعادتك :049::049:
عن نفسى بلتززززززززززم جدا على الطرق السريعه بالحاره المروريه وبالاشارات شمال ويمين وانتظار دول اهم حاجه على الطرق السريعه
لكن جوه القاهره بئه اااااااااااااسمحلى لما يبقى فيه مرور الاول ابقى ادور على حاره بعدين :funny34d::funny34d:
في الطرق المفتوحة نعم
في وسط البلد مبشوفش الأسفلت من كتر العربيات و الزحمة
انا بحاول طبعا اني التزم بس اللي بيمشي هنا في مصر الباقي بيعتبروه ماشي غلط
هي كده الطرق في مصر
مصر بترجع مرشدين بينا
I was doing a test to get my driver license in austria and while driving i had the tester sitting beside me and I switched the lane when turned right, then he screamed and almost jumped out of the car and told me he won't sit again beside me :)
elomhem hadit elragl wa zabtou le3'ayet ma a7'dt elrou7'sa :)
على رايكم جميعا ... هي فين ؟؟؟؟؟؟؟؟
بحاول قدر المستطاع الالتزام بالحارة لكن خد عندك تعليقات للصبح من الناس اللى عاوزة تتخطى العربية كمان مفيش فى مصر اهتمام اصلا بالطرق عشان يهتموا بالحارات خد عندك مثلا المحور قبل الاصلاح و هنروح بعيد ليه كوبرى اكتوبر فى مطبات و حفر خاصة الجزء من الدقى حتى غمرة
معلش انا عندي سؤال
هي فين الحارات المروريه في مصر
قولي طريق واحد عليه حاره مظبوطه ممكن الواحد يعتمد عليها
ياعم الحاج انت في مصر
لما تلاقي الواحد ماشي 30 وماسك الشمال وتديله كلاكسات ونور يزعق ويقولك اعملك ايه اطير يعني
ياريت نلغي الموضوع ده اصلا
يا جماعة يا جماعة الخطوط اللي في الارض دي مش عشان حارات و دياولو دي عشان الشوارع يبقي شكلها حلو ... تخيل ان انت ماشي في شارع كله اسود ............................................ايه الإكتئاب ده ...فعشان كده حطو شوية من الابيض ده decoration
و كمان انا سمعت من واحد صاحبي ان فيه بره حاجة اسمها شوارع و بيبقي شكلها كده برضه و فيها خطوط بيضا فممكن هما عملوا الخطوط دي عشان المدقات بتاعتنا تبقى شبه الشوارع
انا بحاول بقدر الأمكان التزم بالحاره المروريه بس للأسف...
مابستمرش كتير بسبب الناس اللي ممكن تمشي بالراحه قوي في الشمال..
وناس تانيه تمشي بسرعه قوي عاليمين..
ده غير التاكسيات والميكروباصات..
وربنا يستر طريقنا جميعا
لسه ما طلعتش رخصة بس ان شاء الله لما اسوق لازم حالتزم:)
بأحاول وعمري ماعرفت اعملها غير في صلاح سالم بعد واحدة بالليل او في الصحراوي
غير كدة مستحيل عشان زي ماناس قالت ساعات تبقى ماشي ومركز في حارتك تلاقيها مدخلاك في رصيف او طلعت بيك برة الطريق او اي لخبطة تقريبا اللي بيخطط الشوارع مش عارف لزمة الخطوط دي ايه وفاكرها لتزيين الشوارع بلا خط ابيض بلا حارات بلا وجع دماغ
ازاي في وسط كمية تييييييييييت اللي سايقة في السوارع وتيييييييييييييييييييت سواقين التاكسي (معظمهم) وتيييييييييييييييت بتاع الميكروباص (برضة معظمهم ماعدا كام واحد)وتيييييييييييييييييي ت اللي الرخصة راحتلهم عالبيت من غير حتى ميكونوا بيعرفوا يحركوا العربية والعجوزاللي متبت في الدريكسيون وخايف يتحرك واللي واقفة على الشمال وعايز تركن عاليمين وموقفة الشارع وراها واللي طالعة من تقاطع بتسرح شعرها في مراية العربية (مطلخبطة وفاكرة نفسها بتبص في مراية الحمام) ومحطة الميكروباص او الاوتوبيس اللي الركاب واقفة واخدة حارة كاملة من الشارع وبييجي الميكروباص يقف وييجي اللي وراه يقف بس جنبه (عشان فهلوي ) وييجي التالت اذكى منهم كلهم ويقف في اقصى الشمال وواحد تاني طلبت معاه يقف في مطلع الكوبري (ماهو الزبون عايز ينزل هنا والزبون دائما على حق) والتاكسي اللي ييجي يمين وتسيبلة الحارة اليمين وانت معدي من جنبه يكون البيه رفض الزبون وطلبت يطلع تاني عالطريق ولو في زحمة ولا حاجة والعربية اللي قدامك اتحركت وانت لسة مكانك اللي جنبك هينط قدامك وفي معظم الأحوال اللي بيعمل الحركة دي بيكون غشيم ولازم تبعد عنه سنة يعني هتطلع من حارتك برضة بس مش بمزاجك
حد يقوللي هيلتزم ازاي بالحارة في وسط العالم دي من غير مايتخبط ولا يضطر يطلع من حارته
ايوة ملتزم بيها
بصراحه احنا معندناش حاجه اسمها حاره مروريه اصلا اللهم الا نادرا
لكن انا بصراحه باحاول التزم قدر الامكان
لكن احيانا باضطر انى ابلطج زى سواقين التاكسى والميكروباص واعمل زيهم لانى لقيت ان مافيش مكان للمحترمين
للاسف بلتزم و بحس ان حد قتلنى لما يدى اشاره و يرمى عليا عشان ياخد مكانى بحس انى عايز انزل اكله
الاشاره مش معناها انه يعدى و كمان هو يقف مكانه و انا لو عايز اعديه يبقى يعدى و لازم عربيتى تكون كلها وراه و انا اللى أذن ليه بس هنا الناس متعوده على الدراع
و بجد بحس بخنقه و انا ماشى فى الحاره وواحد مصمم انه ييجى قدامى
هو في طرق في مصر أساسا عشان يبقى فيه حارات مرورية
بحاول اقنع نفسى ان الخط المستقيم اللى انا ماشى فيه حاره