السادة ملاك الكورولا 2008
ما هو تقييمك للسيارة كورولا 2008 الجنوب افريقى الاتوتوماتيك (العادى)؟
من حيث الاداء -سعر قطع الغيار - العيوب- الدواخل -الخ
التقييم: ممتاز جيد جدأ متوسط ضعيف
عرض للطباعة
السادة ملاك الكورولا 2008
ما هو تقييمك للسيارة كورولا 2008 الجنوب افريقى الاتوتوماتيك (العادى)؟
من حيث الاداء -سعر قطع الغيار - العيوب- الدواخل -الخ
التقييم: ممتاز جيد جدأ متوسط ضعيف
السادة ملاك الكورولا الجنوب افريقى
اين ردودك..................................
1- الفتيس mmt لازم تتعود على النتشه اللى فيه
2- فى بعض الاحيان الفتيس وهو على الاول فى الـ E يعلق لغاية سرعة 40
3- يعنى الفتيس mmt جيد
4- الاداء والثبات ممتاز
5- الدواخل ممتاز
6- قطع الغيار لا يمكن تقييمها الان
7- الصيانة ومعاملة التوكيل ممتازة لانى كان عندى صوت فى الكوبلن وغيروه على طول
8- اتلفرش وكماليات العربية ممتاز
انا عاجز عن شكرك لاننى محتاج تقييم موضوعى للسيارة.
بس انا مش فاهم النقطة رقم 2 وهل موضوع النتشه ده طبيعى ولا عيب.
وهل السيارة الاتوماتيك العادية تنزل بهذا الفتيس (سعرها الحالى بالتوكيل 138 الف)
مع خالص تقديرى وامتنانى لردك........
س سؤال للاستاذ Hn_kamal حضرتك بتقول كان عندي صوت في الكوبلن و غيروه علي طول السؤال بقي هما غيروا الكوبلن ولا غيروا كاوتشة كوبلن ولا غيروا ايه بالظبط معلش بس لما تدخل جاوبني اسف للازعاج...........
Ibiiiiiiiiiiiiiiiiiiiiiiiiiiiiiiiizzzzzzzzzzzzzzzz zzzzzzaaaaaaaaaaaaaaaaa For Ever
ايوة يا باشا كل الأوتوماتيك بينزل ب ال Mmtاقتباس:
وهل السيارة الاتوماتيك العادية تنزل بهذا الفتيس (سعرها الحالى بالتوكيل 138 الف)
اليابانى فقط إللى بيجى من الخليج هو إللى الأتوماتيك بتاعه عادى مش MMT
شكرا على الردود السريعة....
من الاخ فهد وشاركى.
على العموم ارجو من ملاك الكورولا الجنوب افريقى الاخرين يقولوا لنا تقييمهم للسيارة، لان موضوع تغيير الكوبلن فى السيارة الجديدة بيقلق ولا ايه...............
بص يا سيدي فى واحد تانى فى المنتدي حصل عنده نفس المشكلة وشرحها كتالى:
وانا ماشي بالعربية علي الاتوماتيك .... لما ابطئ بالعربية علشان اعبر مطب صناعي مثلا ... بعد ما أنزل من المطب بأدوس شوية بنزين علشان العربية تشد معي .. أجد عداد الـ ار بي ام وصل مثلا للـ 3000 او اعلي شوية وصوت الماتور طبعا عالي ومع ذلك العربيه ماشية ببطئ ومش عايزة تجري ... وتنقل على التانى وصوت الماتور يعلى وطبعا بيعلى عداد الـ ار بي ام ...فبشيل رجلي من علي البنزين لحد ما العداد ينزل وصوت الماتور يوطي ويمكن بعد ذلك تنقل التانى وساعات اغير على المانيوال وانقل انا الى التانى
ياريت أكون وضحت
وشكرا
توضيح..
الكورولا الخليجي مش ياباني..
استرالي..
السلام عليكم
الكورولا فى الخليج تقفيل تايلاندى والكامرى استرالى
طيب وماذا عن تقييم السيارة الجنوب افريقى؟؟؟؟؟
موضوع التعليق الذى تفضل بشرحه الاخ العزيز مالك الكورولا بيقلق جدا جدا
لانى كان عندى سيارة اوتوماتيك من قبل وبصراحة عمرها ما كانت بتعلق ولا بتنتش!!!!
بصراحة لو كانت بتعلق يبقى ما تستهلش حتى 1 جم :confused:
I regret to inform you that my experience with my new corolla 2008 was disappointing.
I bought this car after long time comparing between many cars makings, then I decided to buy Corolla for its worldwide reputation and as granted automotive car, although it is expensive car and dose not have as many features as others.
I bought corolla 2008 (M-MT) made in south Africa with engine type 1ZR-FE Dual VVT-I that was 3 weeks ago
I discovered that the car performance is very poor, every time I drive the car I feel disappointed due to its very slow response to pick up speed in automatic mode besides engine stalling every time it changes gear in automatic mode in fact I feel very unsafe to overtake any other car in the road, that is sure not normal for this type of cars with this price.
To speed up in first gear to second and from second to third it takes very long time and the car never accelerate as expected and sometimes the gear does not accept to change from the first to second gear easily it goes to 3000 RPM and sure the car engine become noisy and in low speed the matter that enforcing me to change to manual mood.
Friend of mine reported the same problem and I advised another friend not to buy it for the same defect.
When I visited the agent to perform 1000km maintenance, I reported the problem there but it dose not seem to get more than temporary complains and simply he said it is the design of this engine ( IZR-FE Dual VVT-1) and it is generic and chronic problem for that model.
It is not at all what we expect from great car manufactures like TOYOTA.
I do believe it is a big problem and in this kind of problems we used to see great companies recalling the cars when failure pattern is there.
شكرا للسيد القدسى
شكرا لسياتك واتمني مشاركة اكتر من اصحلب العربية دية علشان نوضح الصورة ونتفق علي رئي واحد علي عربية السعر دة وبالمواصفات دية
اعتقد ان الموضوع ده موجود فى السيارات الاوتوماتيك العادية.
هل يمكن للسادة ملاك الكورولا افادتنا اذا كان الموضوع ده يختلف عن الاتوماتيك العادى من واقع خبراتهم ؟؟؟؟
على فكرة يا جماعة انا النهاردة عديت بعد الشغل عالطول على واحد صاحبى مشارك فى مركز خدمة عرفة بتاع تويتا إللى فى المطار و قالى الاتى عن الكرولا الجديدة:
إن جالوا 4 عربيات من الكرولا الجنوب افريقى بيشتكوا من العربية إن سحبها ضعيف قى و الفتيس إستجابته بطئية و ساعات بيعلق و لازم ينقلوا على المنايوال علشان ينقل فى السرعات البطئية و قالوا إن التوكيل معرفش يعملهوم حاجة و هو كمان معرفش يعمل فيها حاجة طبعا.
المفاجاة بقى ان كان عنده النهادرة تويوتا كورولا اليابانى إللى فتيس الاتوماتيك بتاعها عادى و قالى الراجل كان عنده المشكلة دى و هى إنه لما ينقل على N و يجى يدوس على البنزين الـrpm بيعلى طبيعى يجى ينقل على D و يدوس بنزين يلاقى البدال فصل و العربية ما بتعملش حاجة و طلع العيب من حساس البنزين عايز يتغير و على فكرة العربية كانت عاملة 8 الاف كم :eek: !!
و قالى إن الكرولا الخليجى تايلاندى فعلا مش يابانى إن الياريس من 2009 حتتجمع فى الصين و ماليزيا و خلاص مش حيبقى فيه كرولا أو ياريس يابانى :eek: !!
المفاجاة الكبيرة بقى قالى إن تيل الفرامل بتاع الكرولا الجنوب أفريقى بكام بـ 1100 جم !!!!!
و هو بيعوا بـ 950 جم !!! :eek: :eek: :eek: :eek: :eek:
على فكرة عرفة دا موزع معتمد لقطع غيار تويوتا الاصلية
ياريت ملاك تويوتا الكرولا الجنوب أفريقى يأكدوا او بنفوا المعلومة دى
شكرا للسيد شاركى
هل من الممكن ان نحصل على معلومات اضافية فيما يتعلق بتكلفة قطع الغيار؟
لانه من الواضح ان اسعار قطع الغيار ستكون قريبة من السيفيك!!!!!!!!!!!!
ايه ياعم ده كله
ده العربيه طلعت مقلب وشرك
براحه بس
متهيألي موضوع السحب ده انا مش معاك فيه لن في ناس اعرفهم جربوا القديمه والجديده وشكروا جامد في سحب الجديده
اما مشاكل الفتيس فأظن ان المشكلة بتاعت الياباني اللي هيا اتوماتيك عادي بتاعت حساس البنزين هتبقى غير مشكلة الفتيس MMT
اما بقه موضوع ان التيل 1100 جنيه
أولا احب ان اعرف هتغير بعد اد ايه يعني كام كيلو تقريبا
لو اكتر من 80 الف او 100 الف يبقى ماشي
لو اقل يبقى تغور الكورولا كلها على بعض
ده يبقى نصب
والحمد لله الذي هداني للدايهاتسو والله بجد نعمة ما بعدها نعمة
وموضوع ان الكورولا اللي بيقولوا عليها ياباني انها تايواني
ده شئ متوقع علشان احنا قولنا قبل كده ان تويوتا قالت ان الكورولا بعد 2007 مش هتنتج في اليابان
وعلى فكره الكورولا الجديده منزلتش في اغلب اوروبا
وموجود مكانها الأوريوس بس حاجه تانيه خالص
عالعموم انا هحاول اجربها في اقرب فرصه ونشوف الكلام اللي يودي في داهيه دي
ادي اخرت التكنولوجيا والتيب ترونيك
بص يا ابو عبدالله دا مش كلامى دا صاحبى إللى مشارك فى المركز و قالى إن سحب العربية ضعيف لحد نقلة التالت و متهيألى ملاك الكرولا الجنوب افريقى ممكن يأكدوا او بنفوا الكلام دا
دا حقيقى دى مشكلة فى الفتيس الاتوماتيك العادى و مالهاش دعوة بفتيس MM-T
للاسف يا ابو عبدالله بيتغير زيه زى غيره يعنى تيل فرامل عادى
على فكرة غبور بيبيع تيل الفرامل الأصلى للمازدا بـ 900 جم و دا من كلام واحد زميلى فى الشغل ماعه مازدا 3 و قالى إنه بيجيبوا من الكويت فى حدود 600 جم !!!
حتى فى اليابانى مش نافع التيب ترونيك و التكنولوجيا :D
العربية دى شكلها كده حتبقى كارثة على التويوتا فى مصر :D
يا اخونا مشكلة الفتيس دية اعتقد اني قولتلكم عليها قبل كدة اقراوء بس تجربتي مع الكورولا الي مكملتش شهر معايا ولما بقراء كل يوم الكلام هنا بتأكد اكتر واكتر انة بالفعل فية مشكلة. يا ريت نأخد اكبر عدد من أراء مالكي الكورولا الجديدة برضة
شكرا
الاخ ابوعبدالله
كلامكك غير صحيح الكورولا الجديدة موجودة فى اوروبا وعليها اقبال.
ولكن نريد الان تقييم السيارة من حيث الفتيس وقطع الغيار............
شكرا على الموضوع
يا جماعة سحب الكوررولا مش وحش نهائى عاوز اعرف انتم جبتم الكلام دا منين
وبعدين النتشه اللى فى الفتيس دى والله اقل بكتير من اللى بتقولوه
البيجو والميجان والاوكتافيا فيهم نتشه ودا طبيعى لان الفتيس مش اوتو عادى
حضرتك الكلام دا من ملاك العربية إللى فى المنتدى و زميلنا أحمد سامى إللى جرب العربية و من واحد صاحبى مشارك فى مركز صيانة لتويوتا .
على فكرة الفتيس مش بينتش دا بيعلق كمان يعنى بيوصل إنه مابينقلش النقلة إللى بعده إلى لما تنقل للمانيوال و دا ما بيحصلش فى الميجان و الأوكتافيا و البيجو و لا فى أى عربية تيب ترونيك
على فكرة دا برضه من ملاك الكرولا لدرجة إنهم عملوا شكوى لتويوتا بره علشان يشوفوا حل للمشكلة دى لإن تويوتا مصر ماعندهومش حل ليها حتى الان
ربنا معاكو في كل الحاجات دي وإن شاء الله يكون في حل . بس على ماعتقد إن عدم التعود على العربية
أو الفتيس يمكن بعد ١٠٠٠ تتذبت إسأل الناس اللي سيقه في الشارع عشان ممكن العيب في الكام عربية الممتللكه لرواد المنتدى ، الكلام دة من وجهت نظري. عشان نعرف دي حالة فرديه ولا عامة ؟؟
دى يا مصطفى حالة عامة فى الكرولا و التوكيل عارف كده على لسان أحد ملاكها فى المنتدى
طيب اخبار الكورولا النقل المانيول ايه.
سعرها 130 الف وبها كماليات كثير.....
هل سيكون سعر اعادة البيع جيد مثل الاوتوماتيك.
ما هو رأيكم................
اعتقد ان الاتوماتيك هو الى مطلوب فى الاساس ولو عملت استطلاع حتلاقى ان اكثر من 85% من الكورولا فى مصر اتوماتيك
تحياتى......يا باشا.......وانا اتصلت بتويوتا فى مصر و قالو لى ان الحجز الان ممكن الواحد يستلم بعد شهر ونصف......ولازم أخذ القرار الان لان الوقت ضيق لحين سفرى الى مصر
عمر
السلام عليكم
اولا احب اني اوضح اني من اول 20 لملاك كورولا 2008 الكاملة في مصر وده كان في الافراج الجمركي لشهر 1
اولا: بالنسبة لسحب العربية ممتاز جدا جدا ويفوق ااي العربية
ثانيا:بلنسبة لتعليق الفتيس علي الاول وعدم انتقاله للثاني بسهولة عانيت من الموضوع ده فتره لحد ما لقيت طريقة
لما بيعلق معايا علي اي غيار اديله غيار اعلي من الشفتات اللي ورا الدريكسيون وانا علي ال E الاتوماتيك يعني مش لازم احول علي مانيوال وده علي فكرة يمكن لاني اساس الفتيس مانيوال
وتغيير الغيار وانت اتوماتيك من الشفتات اللي ورا الدريكسيون مكتوبة في الكتالوج
ثالثا:في مشكلة عندي بس مش عارف اذا كانت عند حد تاني
في بعض الاحيان لما اجي ارجع R
ساعات بيجي علي طول وساعات لما اجيب الr بيعلق والشاشة عندي تكتبn وتقعد تنور وطفي وتقعد تصفر لمدة ثواني وبعدين تجيب ال R
رجاء الافادة وشكرا
توضيح بسيط للاخوه الكرام اللي قالو ان الكورولا 2008الخليجي مش ياباني. لأ هي ياباني 100% وانا شايفها في التوكيل بنفسي .Made in Japan
طيب هل معلومة ان اصل الفتيس مانيوال دي مؤكده يا جماعه..؟؟
انا كنت حابب اعرف معلومات اكتر..
علشان لو كده.. يبقي التعليقات اللي حاصلة دي من الناس زيها بالظبط زي التعليقات اللي اثيرت من الناس اللي جربوا الاوبل استرا الجديدة.. (واخد بالك يا مصطفي فاروق؟؟..)
وقالوا ان الفتيس بتاعها بيتأخر و بينتش و الكلام الكتير ده..
وكل الكلام ده طلع نتيجة ان الفتيس ده مش فتيس اوتوماتيك.. ده فتيس مانيوال بس اوتوماتيك في النقل بس..
لو امكن بس ممكن اي حد من الناس اللي معاهم العربية يقولي الفتيس بتاعها الاوتو الجديد ده اسمه ايه بالظبط,, و ندور علي الموضوع ع النت و نعرف القصة بتاعته ايه..
The Name Is 'mmt'
Let Us Know What You Have Found.
Regards,
ارجو الاطلاع على التقرير التالى حول مصنع كورولا فى جنوب افريقيا:
http://www.akhbarelyom.org.eg/sayara.../122/0111.html