-
http://www.nilemotors.net/Nile/156758-4.html
الزيت ممكن يتفرغ من الطبة عادى
وفيه بنزينات فيها شفط
المشكلة انك مش هتعرفى تمشى بالعربية من غير زيت
الا لو فضتى الزيت فى البنزينة بالشفط وجبتيها بونش
اما تيجى بالسلامة سهل كل حاجة ترجع
الركنة : متسبيش المفتاح للسايس خاصة انه عارف انك مسافرة
كمان نقى مكان مفيهوش شمس
يعنى يكون فيه تندة و تلاحظى اتجاهات الشروق والغروب فيه
ورشى على الاطارات وجلد الابواب بودرة تلك
وحاولى تجيبى القوايم او تعمليها عند حداد
فيه منها بيتباع جاهز بس مش عارف فين
-
نصيحة لله متركينيهاش
اذا كان الواحد لما بيركن العربية تحت البيت بتتسرق وبتتبهدل وتتخربش وتتخبط
مابالك تركينيها عند سايس وما ادراك ما سايس في جراج
لأ ويبقى كمان عارف انك مسافرة وان مفيش حد حييجي يبص عل عربية لمدة سنة
انا رأيي تشوفي اي حد مضمون من قرايب حضرتك يحرك العربية ولو مرة في الاسبوع ويبقى يتابع طبعا ضغط الاطارات والزيوت
واهو بالمرة تبقي عملتي جميلة فيه
يعني ابن عمك ابن خالتك عمك خالك اي حد من الاقارب مادام في عربية وهو مضمون حرام العربية تبقى مركونة ومفيش حد يستفاد منها
بس شوفي راجل يكون كبير وعاقل في السواقة بدل ما تديها لشاب يطلع يشد بيها
ولو مفيش حد فانا ارجح فكرة ان حد ينزل يدورها كل يومين ويطلعها سنة قدام وسنة ورا ده حيبقى احسن من الرفع ومشاكلة
هذا والله الموفق بفتح الفاء على رأي عمر سليمان
-
انا بردوه مع راى انك لا تتركيها فى جراش اذا ما سرقت السياره سترسق قطع غيار منها توجهى لقريب او لزوجك اتركيها عندوه يحركها ليكى
-
انا هقول لحضرتك اقتراح تاني اعتقد ان في افادة اكتر ان شاء الله
انتي ممكن تأجر العربية لشركة وياسلام لو كانت معرفة والعربية هتجيبلك في الشهر 3000 جنية بالميت ان شاء الله
يعني في خلال السنة ال حضرتك مسفرها المبلغ الاجمالي هيكون 36000 . طبعا في اغلب الاحوال العربية هتتبهدل
يعني لما ترجعي بالسلامة ان شاء الله وفكرتي تبيعي العربية هتجيبلك بالميت برضوا ان شاء الله 40000 دي لو متبهدلة اوي
ساعتها هيكون معاكي مثلا (40000 + 36000)+ 76000 يعني مفرقتش كتير عن التمن ال كنتي شرياها بية
دا غير ان ركنتها مع تغيير الكوتشات والزيوت والسيور لما ترجعي ان شاء الله بالسلامة هتكلفك حوالي 5000 جنية ان ماكنش أكتر
وطبعا في حالة التأجير العربية بيكون مؤمن عليها والحافظ هو الله
-
الاراء اختلفت ما بين اللي بيقول انك تفرغي من الموتور الزيوت والمياه كاملة قبل ما تتركن
وفيه رأي تاني وانا بحبذه الحقيقة وهي تغيير الزيوت والمياه بأخرى جديدة تهيأة لركن السيارة نوعا من انواع الحماية للأجزاء المعدنية
-انا نفسي بميل للرأي دا-
ومن المنطلق دا بقول لحضرتك روحي غيري ليها زيت وغيري مياه الردياتير بأخرى خضراء او حمراء جديدة
وارفعي العربية على كدة او اركنيها على كدة وزوديها هوا وسيبيها بالعجل بتاعها متفكيهوش حتى واعملي حسابك في طقم كاوتش ميجراش حاجة بس عربيتك هتلاقيها تمام ان شاء الله
من ناحية تانية أنا بأيد الرأي التاني لو فيه حد انتي واثقة فيه يبقا اديله العربية يشغلها ويحركها مرة كل اسبوع مثلا وبكدة يحافظلك عليها -وطبعا تكوني عارفة قراية عدادك كام -
الرأي اللي صديقنا قاله بتاع الاجار ماديا هيكون كويس جدا بس العربية هتتبهدل وصعبان عليا ان عربية تكون عاملة عدد الكيلومترات دي تتأجر
بلاش يا فندم حرام
دي كأنك بتبيعيها وهتشتريها تاني بس لما تشتريها المرادي هتكون هلكانة وفي حالة مزرية يرسى لها فبلاش
لو حضرتك تحبي انا بركن عربيتي في الجراج ب 70 جنيه في الشهر ممكن تجيبيها هنا في الجراج وانا يوميا بكون في الجراج -دا مجرد عرض للمساعدة ليس إلا-
هو الجراج في ضهر بيتي طبعا
واوعي تسيبي مفتاح العربية لسايس الجراج طبعا !
مستحيل تعملي كدة !
وربنا يباركلك في سفرك !
-
أسفه جدا على تأخيرى فى شكر كل من ساعدنى بالمعلومات المفيده القيمه وربنا يجازيكم خير يارب على مشاركتكم لى
شكرا على العرض للأخ أشرف ابراهيم ربما افكر فى عرضكم الكريم وشكرا جزيلا
-
من 2007 لحد 2011 و مغيرتيش زيت الا مره واحده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا نهار ابيض
العمر الافتراضى لافضل الزيوت التخليقيه للمواتير لا يتعدى 6 شهور و لازم الزيت يتغير بعدها حتى لو العربيه متحركتش من مكانها خالص . ربنا يستر و المكنه تكون سليمه
نصيحه ارفعى العربيه فى اى جراج موثوق بيه و لما ترجعى بالسلامه ان شاء الله ابقى اعملى الشغل اللى فيها مره واحده
ربنا يوفقك
-
الى الأح الكريم سامى عمر
انا قريت ان موضوع صلاحية الزيت لمجرد شهود دى اكذوبه كبرى علشان شركات اللى بتنتج الزيوت تكسب ارباح كبيره جدا من المبيعات ....والدليل ان عربيتى ماشيه زى الفل بس يعنى من نهاية 2007 الى 2011 مشيت اربع الاف كيلو بس بمعدل 4كيلو يوميا فقططططططططططططط ... وعلشان كده صعبان عليا ابيعها حتى ب 70 الف وكمان خايفه عليها من الركنه بالجراج وغالبا مش هقدر اأجرها لأن الموضوع ده له ناسه أسفه مش قصدى أقصد له ناسه من ناحية المعرفه بالسوق وقيم الأيجارات والاعيب اصحاب محلات التاجير وبهدلة العربيه المتوقع وهى على الزيرو تعتبر خساره كبيره فعلالالالالالالالالا ... من كل الأراء اللى فاتت أعتقد ان افضل شىء بالنسبه لى انى أغير الزيوت ( بس لى سؤال هو زيت المحرك هو نفسه زيت الموتور)؟ وكمان زيت الفتيس ...هو فى زيوت تانيه بتحتاجها العربيه؟؟؟؟؟؟؟ المهم هغير باذن الله الزيوت ومايه الردياتير وهنفح العجل زياده وأخلى أختى اللى مش بتعرف تسوق اصلا كل اسبوع يعنى تدور الموتور وترجعها سنه ادام وسنه ورا لمدة 5 او عشر دقايق ...ان شاء الله اعتقد ان العربيه هتكون تمام ومش هغير الكاوتشات كمان بعد عام من سفرى ان شاء الله وهرجع لو كان ليا عمر الاقيها تمام ومن غير اى خساير .......وبرده مستنيه تعليقاتكم
-
انا مع الراى الى بيقول متركنهاش فى جراج وخلى اى حد يحركها ويتابعها سريعا جدا كل فترة وبردوا تبقى فى جراج
يعنى مثلا كل اسبوع اى حد يحركها ويدورها ويمشى بيها شوية ويرجعها تانى
فى جراج فى العباسية كبير ... هى ساحة كبيرة تبع الجيش ورا برج مصر للسياحة
الجراج دا جمب بيتى على طول الناس بتركن فيه عربيتهم بالسنة
الشهر لعربية مركونة 24 ساعة ب 200 جنية
بس حتحتاجى غطا عشان المكان مش ضل بس المكان امن وكويس
-
الأح الكريم اللى ساكن جنب ساحة انتظار ميدان العباسيه.....بتقول حضرتك انه تبع الجيش وانه امن ...يعنى فى حد بالجراج ممكن يحرك العربيه كل فتره ولا تقصد حد من قرايبى اللى يحركها
Content Relevant URLs by
vBSEO 3.6.0 PL2