لاحول ولاقوة الا بالله ايه موضوع رخص العربية ده

**raedegypt** · 05-06-2011 11:46 AM

احلى حاجه ان السعوديه مطبقه نظام نقل الملكيه فى البيع والشراء ومافيش حاجه اسمها توكيلات بهدف البيع والبيع لنفسه فالدوله تستفيد من اموال نقل الملكيه وبعدين حفظ لحقوق الناس من النصب . اتمنى الغاء حاجه اسمها توكيلات مكتوب فيها حق البيع والبيع لنفسه والتحايل دة . احنا عاوزين نحافظ على فلوس الناس ومنع هذا الباب للاحتيال

**behman** · 05-06-2011 02:37 PM

ما لو الدوله تسهل اجراءات نقل الملكيه و الفلوس الكتيرة اللى بتدفع كان كل واحد حيشترى عربيه حينقلها باسمه لكن بعيد عنك تروح الشهر العقارى تدفع فلوس و تروح المرور تتبهدل و تقف طوابير و تدفع فلوس حاجة مقرفة فعلا

+111111

**misoalex** · 06-06-2011 05:56 AM

المشاركة الأصلية كتبت بواسطة elewey

ما لو الدوله تسهل اجراءات نقل الملكيه و الفلوس الكتيرة اللى بتدفع كان كل واحد حيشترى عربيه حينقلها باسمه لكن بعيد عنك تروح الشهر العقارى تدفع فلوس و تروح المرور تتبهدل و تقف طوابير و تدفع فلوس حاجة مقرفة فعلا

لا ولازم تفحص

طيب انا بنقل الرخصه بأسمى افحص ليييييييييييييييييييييييي يييييييييييييييييه يا ولاد التيييييييييت

اسكت اصلى مفقوع من حوار نقل الملكيه والفحص كلفنى بتاع 700 جنيه واكتر عشان العربيه كان فيها تعديلات ومتنفعش تفحص بيها الكلام ده طبعا قبل الثوره

**lasth** · 06-06-2011 09:52 AM

بص على حد علمى انك لازم تروح التوكيلات الى هوة الشهر العقارى وتتاكد هناك ان العربية باسمة وان التوكيل سليم واتاكد من صحتة ووانت هناك انقل الملكية ليك وسجلها فى الشهر العقارى دى الخطوة الاولى والضرورية دى اكيد بعد ما تنوى على الشراء وتشوف المخالافات وكدة

**mlav_cbr** · 06-06-2011 09:13 PM

هى ايه مشكله التوكيل بالنسبالك انتى عايز تشترى عربيه ولا ورق ؟
انا بالنسبالى مثل الاخ اللى كتب انه شارى عربيه بتوكيل وهو توكيل يعنى اتنين توكيل والرخصه فيها لسه 6 شهور اروح انا بقى ليه انقل ملكيه دلوقتى او حتى ادفع فلوس عقد مسجل وانا مش متأكد انى هخلى العربيه ولا لا هى ديه الفكرة اللى يهمك فى الموضوع العربيه تعجبك وتكون سليمه و ورقها سليم حتى لو فيها 5 6 توكيلات والرخصه ساريه

**khalid_adel** · 07-06-2011 01:27 AM

المشاركة الأصلية كتبت بواسطة mlav_cbr

هى ايه مشكله التوكيل بالنسبالك انتى عايز تشترى عربيه ولا ورق ؟
انا بالنسبالى مثل الاخ اللى كتب انه شارى عربيه بتوكيل وهو توكيل يعنى اتنين توكيل والرخصه فيها لسه 6 شهور اروح انا بقى ليه انقل ملكيه دلوقتى او حتى ادفع فلوس عقد مسجل وانا مش متأكد انى هخلى العربيه ولا لا هى ديه الفكرة اللى يهمك فى الموضوع العربيه تعجبك وتكون سليمه و ورقها سليم حتى لو فيها 5 6 توكيلات والرخصه ساريه

+1
فعلا هو ده اللي انا عملته استفدت ب 9 شهور كانو لسه في الرخصه وبعد كده سجلت باسمي
الموضوع ده في مصر عادي جدا وهو ده المتعارف عليه
وان كنت لما ابيع مش حبيع غير بعقد مسجل لاني مش ناقص ادفع ضريبه رفاهيه 170 في عربيه انا بعتها خلاص :)

**virus2007** · 08-06-2011 05:57 PM

انا لسة بايع عربيتى والرخصة باسمى لتاجر

واشتريت عربية من تاجر وعليها تلت توكيلات

هى مفهاش مشكلة مش حاجة تدايق يعنى ... بس خلى بالك وشوف ترتيب الاسماء صح دى القصة كلها :)