مساعده فى مقارنه بين نسان والنترا

**mustafamuha** · 03-06-2011 01:42 AM

طيب بس بالنسبه لموضوع عدم الثابت عند الملفات ده خطير شويه ولا انت ايه رايك ؟

**just4fun** · 03-06-2011 01:20 PM

الالنترا عربية كويسة بس ال صنى اقل ما يقال عليها best value for money و بعدين فرق السعر بينهم مش فليل عربية يابانى حمارة شغل بتستحمل طرق مصر موتور جبار صاج متين عوامل امان من اير باج و اى بى اس و شكلها شيك اوى و بردو دى ازواق

**mohamednagib** · 03-06-2011 03:53 PM

المشاركة الأصلية كتبت بواسطة just4fun

الالنترا عربية كويسة بس ال صنى اقل ما يقال عليها best value for money و بعدين فرق السعر بينهم مش فليل عربية يابانى حمارة شغل بتستحمل طرق مصر موتور جبار صاج متين عوامل امان من اير باج و اى بى اس و شكلها شيك اوى و بردو دى ازواق

تمام جدا :))))))

**mustafamuha** · 03-06-2011 04:02 PM

طيب انا سمعت ان موتور الصنى ضعيف يا ترى ده حقيقى ولا ايه وسمعت ان العفشه خشنع بس هيا خشنه حتى فى السوبر صالون ؟

**just4fun** · 03-06-2011 04:38 PM

ضعيف ازاى ده ما شاء الله 118 حصان انا معاك مش هيبقى زى الالنترا بس ده عشان الصنى وزنها اتقل و ده بيديك ثبات اكتر و الفرق فى قوة الموتور بين الاتنين حاجة بسيطة و بعدين الالنترا هينزل منها الشكل الجديد يعنى هيحرق اللى موجود دلوقتى و هيبوظ سوقها و العفشة مش خشنة اوى بالمعنى اللى متخيلة هى عشان رياضية عشان الثبات و طرق مصر الحلوة و مع الوقت بتلين و تبقى ناعمة و اعتقد بتبقى احسن فى السوبر صالون و ربنا يوفقك فى الاختيار

**mustafamuha** · 03-06-2011 09:45 PM

طيب بالنسبه للنيسان صنى 2012 الشكل الجديد هتنزل امتى ؟؟؟؟؟؟؟؟؟؟

**just4fun** · 04-06-2011 01:18 AM

2014 و طبعا هيبقى سعرها خيالى و حضرتك ممكن تدخل فى قسم النيسان هتلاقى كل اللى بتسأل علية فى مواضيع مثبتة

**mustafamuha** · 04-06-2011 01:56 PM

اه 2014 انا كنت فاكرها هتنزل قريب يعنى فى شهر 11 السنه دى طيب شكرا
بس معلش اخر سؤال انا سمعت ان الهيونداى الانترا 2011 لسه منزلتش مصر يا ترى ده صح ولا ايه
؟

**MarwanKh** · 18-06-2011 02:27 PM

هى الناس الى بتتكلم على ثبات الانترا ساقتها ولا ركبتها اصلا
الانترا ثاتبه جداا ماشاء الله و فى المناورات مالهاش حل بس عايزه واحد صاحى عشان الباور خفيف لو مش متحكم فيها هتفلت منك

**superb** · 18-06-2011 02:53 PM

هههههههههههههه ايه يا جدعان .. مفيش حد راكب النترا يرد عالناس دى .. خلاصة الكلام .. من كل النواحى .. اللى يجيب صنى و يسيب الألنترا .. يبقى كأنه بيجيب 128 و بيسيب ال جولف ... فى فرق سنين و الصنى تقفيل مصرى و فيها مليون مشكله .. لاكن الألنترا اداء و اللى بيقول ثباتها قليل يبقى يسوقها الأول