اقتباس:
أحبائى الكرام ،،،،
سلام الله عليكم ورحمته وبركاته
وعليكم من السلام
للأسف تعرضت لحادث بسيط بالساجا وكان عبارة عن صعودى بالسيارة فوق الرصيف على سرعه ولكن ربنا ستر وسلم نظرا لان الرصيف ماكانش عالى أوى لكن للأسف الايرباج فتحت فى وشى وطلع منها دخان أبيض وبودرة بيضا جت على إيدى وتسببت فى حرق شديد فى ذراعى الايمن بالاضافة الى بعض الخدوش فى الذراعين بسبب البلاستيك المتناثر من الدريكسيون نتيجه فتح الايرباج.
فتحت مرتين الاير باج فى و البودره و الدخان معملوش ليا اى حاجه يا اما انت عندك حساسيه يا اما المواد بتاعت الاير باج جيل قديم ( المواد الكيميائيه الى بتسبب تفاعل الانفجار وبتنتج غاز خامل نيتروجين تكنولوجيا قديمه فى الاير باج الى عندك
المشكله دلوقتى فى حاجتين....
اولا طبعا الايرباج اللى فتح ده تصليحه مكلف جدا
مش مكلف للدرجادى اولا بتتغير الكبسوله الى فى التاره و بتعمل ريست لليونت نترول بتاعت الاير باج بتون موجوده فى الطابلو عملتها فى الحرفين بيلغى تسجيل الحادثه و بيهيئها لاعاده الفتح لا قدر الله تانى ( الريست اتكلف 500 ج )
ومش عارف اعمل ايه ... سالت فى التوكيل بالتليفون قالولى الفين ونص .... لمبه الايرباج طبعا منوره على طول ( عادى امشى زى ما انت عايز بيها و هيا منوره مفيش مشاكل )
فى التابلوه وحزام الامان علق مش عارف ليه لا عاوز يلم ولا عاوز يطلع ومش عارف هل ليه علاقه بالايربج ولا لاء....
فى حاله انك كنت رابط الحزام وقت الحادثه بيتغير من الاخر لانه بيضرب مكنت ربطه مبيتغرش
هل فتح الايرباج يطلع العربية من الضمان ؟
لا طبعا ميطلعاش
وهل ذهابى للتوكيل بالسيارة فى هذه الحالة سيتم تسجيل ماحدث على انه حادثه فى ملف العربية ؟ وهل فتح الايرباج يعنى تسجيل حدوث حادثه فى كمبيوتر العربية نفسها ؟؟؟؟
بتتسجل فى الكنترول يونت بتاعت الاير باج لس لامن مبتتسجلش على الاى سى يو
الحمد لله رغم طلوع العربية فوق الرصيف لكن العربية من تحت ماحصلهاش حاجة الا خبطه بسيطة جدا جدا وغير مؤثرة جت فى القنطره الاماميه ورحت لسمكرى يبص عليها مابقاش مصدق ان فى قنطره بالصلابه والسمك ده وقعد يشكر فى اللى شافه فى العربية من تحت جدا جدا وبالرغم من الحادثه والنكد اللى اتنكدته الا ان كلام السمكرى بسطنى وزاد فى ثقتى فى العربية...
كده كده القنطره بتبقى قويه جدا و ليها سمك معين و مبتتكسرش بسهوله دا فى مختلف العربيات حتى الصينى امال بتحمل وزن المكنه ازاى
سيبك من كلام لسمكرى ولا بيفهمو فى البطاطا ولا كوز الدره
ثانيا ... موضوع حزام الامان .... هل هو مرتبط بالايرباج فعلا ؟
اه مرتبطين
يعنى لو انا ماكنتش رابط حزام الامان ماكانتش الايرباج فتحت ؟ وهل لما الايرباج تفتح زى كده حزام الامان يعلق معاها ليه ؟
الايرباج ملوش فيه بيطلع بيطلع وقت الحوادث لا قدر الله سواء بحزام او لا
انا بفكر الغى حكايه الايرباج الجديد وامشى بالعربية كده وخلاص
منصحكش
بس الدريكسيون شكله وحش كدا لانى لافف سلوتب شفاف على الدريكسيون وبالظبط فوق العلامه بتاعه بروتون اللى فى وسط الدريكسون وهو المكان اللى خرجت منه الايرباج... ولو سيبت الدريكسيون بالمنظر ده ....إيه الحل فى حزام الامان اللى مش عاوز يشتغل ده ؟؟؟؟!!!
تغيره
ياريت أصحاب الخبرة يدلونى اعمل ايه ؟ خايف اروح بيها التوكيل كده يقولولى فتح ونصب وهلم جره والعربية خرجت معرفش من ايه ولازم ايه وتتسجل حادثه ..... مع العلم ان صيانه الخمس الاف بتاعتى المفروض كان معادها الاسبوع ده وخايف اروح بالعربية بالمنظر ده....
حدد انت عايز تعمل ايه التوكيل غالى بره ارخص بس المشكله ان عربيتك جديده و ممكن متلقيش حااجتها استعمال اعتقد هتكلفك 1000 ج بالريست لكنتول الاير باج و تغير الحزام و الكبسوله انصح الحرفين
أرجع وأقول قدر الله وما شاء فعل والحمد لله انها جت على كده والحمد لله ان العربية بالصلابه دى والحمد لله انى طلعت فوق رصيف واطى والحمد لله ان العربية طلعت فوق الرصيف ومشيت لان الرصيف لو كان عالى عن كده مع السرعه بتاعتى والصدمه كانت العربية اتفرملت فى الرصيف والعفشة كانت هتتبهدل دا غير ان الاطارين الاماميين كانوا هينفجروا والجنوط هتتعوج ....
زت
الحمد لله ثم الحمد لله ثم الحمد لله
فى إنتظار مقترحاتكم وافادتكم ومشورتكم .... أعمل ايه بالظبط فى الايرباج وحزام الامان والتوكيل ؟؟؟؟؟!!!!!
محمد عبد المجيد
الاسكندرية
ساجا - أبيض - أوتو - 5000 كم
يا ريت اون افدتك لو احتجت حاجه قولى
تامر محمود عزت