الموضوع: حادثه بسيطه بالســــــــــــــــاجا لكن فتحت الايرباج

قدر الله وماشاء فعل
الحمد لله انها جات على قد كدة وكويس ان حضرتك بخير والف سلامة عليك

المشاركة الأصلية كتبت بواسطة megarekab

أحبائى الكرام ،،،،


سلام الله عليكم ورحمته وبركاته

للأسف تعرضت لحادث بسيط بالساجا وكان عبارة عن صعودى بالسيارة فوق الرصيف على سرعه ولكن ربنا ستر وسلم نظرا لان الرصيف ماكانش عالى أوى لكن للأسف الايرباج فتحت فى وشى وطلع منها دخان أبيض وبودرة بيضا جت على إيدى وتسببت فى حرق شديد فى ذراعى الايمن بالاضافة الى بعض الخدوش فى الذراعين بسبب البلاستيك المتناثر من الدريكسيون نتيجه فتح الايرباج.

المشكله دلوقتى فى حاجتين....

اولا طبعا الايرباج اللى فتح ده تصليحه مكلف جدا ومش عارف اعمل ايه ... سالت فى التوكيل بالتليفون قالولى الفين ونص .... لمبه الايرباج طبعا منوره على طول فى التابلوه وحزام الامان علق مش عارف ليه لا عاوز يلم ولا عاوز يطلع ومش عارف هل ليه علاقه بالايربج ولا لاء....
مفتكرش انها تبقى الفين ونص قط
اعتقد انك لازم هتغير الطارة كلها وحزام الامان كمان لازم يتغير لانه شد على جسمك ساعت الخبطة علشان يحافظ على وضعية الجسم
هل فتح الايرباج يطلع العربية من الضمان ؟ وهل ذهابى للتوكيل بالسيارة فى هذه الحالة سيتم تسجيل ماحدث على انه حادثه فى ملف العربية ؟ وهل فتح الايرباج يعنى تسجيل حدوث حادثه فى كمبيوتر العربية نفسها ؟؟؟؟لا طبعا مفهاش اي مشكلة لو حد شافها في التوكيل

الحمد لله رغم طلوع العربية فوق الرصيف لكن العربية من تحت ماحصلهاش حاجة الا خبطه بسيطة جدا جدا وغير مؤثرة جت فى القنطره الاماميه ورحت لسمكرى يبص عليها مابقاش مصدق ان فى قنطره بالصلابه والسمك ده وقعد يشكر فى اللى شافه فى العربية من تحت جدا جدا وبالرغم من الحادثه والنكد اللى اتنكدته الا ان كلام السمكرى بسطنى وزاد فى ثقتى فى العربية...

ثانيا ... موضوع حزام الامان .... هل هو مرتبط بالايرباج فعلا ؟ يعنى لو انا ماكنتش رابط حزام الامان ماكانتش الايرباج فتحت ؟ وهل لما الايرباج تفتح زى كده حزام الامان يعلق معاها ليه ؟

انا بفكر الغى حكايه الايرباج الجديد وامشى بالعربية كده وخلاص بس الدريكسيون شكله وحش كدا لانى لافف سلوتب شفاف على الدريكسيون وبالظبط فوق العلامه بتاعه بروتون اللى فى وسط الدريكسون وهو المكان اللى خرجت منه الايرباج... ولو سيبت الدريكسيون بالمنظر ده ....إيه الحل فى حزام الامان اللى مش عاوز يشتغل ده ؟؟؟؟!!!هيتغير هو كمانواعتقد هتكلفك شوية واكيد ممكن تلاقي اللي انت ايزه في احرفيين هيبقى ارخص من التوكيل بكتير

ياريت أصحاب الخبرة يدلونى اعمل ايه ؟ خايف اروح بيها التوكيل كده يقولولى فتح ونصب وهلم جره والعربية خرجت معرفش من ايه ولازم ايه وتتسجل حادثه ..... مع العلم ان صيانه الخمس الاف بتاعتى المفروض كان معادها الاسبوع ده وخايف اروح بالعربية بالمنظر ده....

أرجع وأقول قدر الله وما شاء فعل والحمد لله انها جت على كده والحمد لله ان العربية بالصلابه دى والحمد لله انى طلعت فوق رصيف واطى والحمد لله ان العربية طلعت فوق الرصيف ومشيت لان الرصيف لو كان عالى عن كده مع السرعه بتاعتى والصدمه كانت العربية اتفرملت فى الرصيف والعفشة كانت هتتبهدل دا غير ان الاطارين الاماميين كانوا هينفجروا والجنوط هتتعوج ....

الحمد لله ثم الحمد لله ثم الحمد لله

فى إنتظار مقترحاتكم وافادتكم ومشورتكم .... أعمل ايه بالظبط فى الايرباج وحزام الامان والتوكيل ؟؟؟؟؟!!!!!

محمد عبد المجيد
الاسكندرية
ساجا - أبيض - أوتو - 5000 كم

الحمد لله انك بخير والحمد لله انها جت على اد كدا
والف سلامه عليك
بخصوص التوكيل اعتقد انهم هيسجلو ان الايرباج مفتوح علشان يخلوو مسؤوليتهم الكلام ده وهما بيستلمو العربيه علشان الصيانه
بخصوص الايرباج ياريت تتأكد من الرقم تاني في التوكيل لانها اكيد اغلى من كدا بكتييييييييير , لان الايرباج بيتغير مع وحدة الكنترول الخاصه بيه ( اعتقد بردو)
ممكن حضرتك تشيل الفيوز بتاع الايرباج علشان اللمبه بتاعته تطفي (اعتقد هتطفي اول ما تشيل الفيوز)
وبخصوص الحزام زي ما قال محمد انه لازم يتغير ومعتقدش انك هتلاقيه في الحرفيين نظرا لان العربيه جديده لكن ان كان موجود فهو كرم من الله ونعمه
كل حاجه واقفه على الكشف على العربيه وساعتها هتقدر تعرف انت هتتكلف كام
والف سلامه عليك والحمد لله انك بخير

الحمد لله انك بخير والحمد لله انها جت على اد كدا
والف سلامه عليك
بخصوص التوكيل اعتقد انهم هيسجلو ان الايرباج مفتوح علشان يخلوو مسؤوليتهم الكلام ده وهما بيستلمو العربيه علشان الصيانه
بخصوص الايرباج ياريت تتأكد من الرقم تاني في التوكيل لانها اكيد اغلى من كدا بكتييييييييير , لان الايرباج بيتغير مع وحدة الكنترول الخاصه بيه ( اعتقد بردو)
ممكن حضرتك تشيل الفيوز بتاع الايرباج علشان اللمبه بتاعته تطفي (اعتقد هتطفي اول ما تشيل الفيوز)
وبخصوص الحزام زي ما قال محمد انه لازم يتغير ومعتقدش انك هتلاقيه في الحرفيين نظرا لان العربيه جديده لكن ان كان موجود فهو كرم من الله ونعمه
كل حاجه واقفه على الكشف على العربيه وساعتها هتقدر تعرف انت هتتكلف كام
والف سلامه عليك والحمد لله انك بخير

حمد لله على سلامتك دى اهم شىء وعلى الرغم انى لا امتلك اى نوع من بروتون ولكن مع اصحابى وركبتها وسوقتها وخاصة جين 2 وانا بحترم العربيات دى وكمان وانا بربط العفشة عند واحد صنايعى بساله لو عايز اغير اجيب ايه شكر جدا فى الساجا بالأخص فربنا يبارك لك انت وكل مالكين العلامة دى ويحفظكم انتم وكل الى بيقودوا سيارات وان شاء الله تتحل المشكلة بسهولة

فداك والحمد لله أنك بخير

أيه يا شباب موضوع البودره البيضاء أيلى بتعمل حروق فى الأيدين ديه ؟؟!!!!

الف حمدلله علي سلامتك ..

بس موضوع البودرة الي عمل لك حرقان ده موضوع يقلق ؟ ياريت تفاصيل اكتر حرقان ازاي .. حصل اي تشوهات يعني ! وهل روحت للدكتور جدلية علشان تكشف ..



والف سلامة مرة تانية ..

المشاركة الأصلية كتبت بواسطة m_marwan

فداك والحمد لله أنك بخير

أيه يا شباب موضوع البودره البيضاء أيلى بتعمل حروق فى الأيدين ديه ؟؟!!!!

تحية طيبة
أنا فعلا شفت شخص معاه سيارة جين عمل حادثة بسيطة فتح الايرباج وذراعه بالفعل كان كأنه محروق مع الآم مستمرة وحرقة من هذه البودرة واستمر هكذا لمدة اسبوع تقريبا وكان الدكتور كتب له على علاجات الحروق مع عدم استعمال المياة مكان الحرق لحين تمام الشفاء لأن الحروح دي كانت بتعبي ميه وتتحول لصديد على الرغم من تأكيد ذوي الخبرة بأن هذه البودرة آمنة مش عارفة إزاي آمنه رغم اني شفت بعيني