ما هي اكثر الاضافات افادة ؟؟؟؟

**mohamed hatem** · 24-04-2008 02:27 PM

سلام الله عليكم ...

يا ريت يكون موضوع جديد متقلش قبل كده ...... ويكون مفيد للناس كلها .... لان في ناس بتبقى عماله تشتري في الاكسوارات و الاضافات وتحطها في العربيات من غير متكون مفيده فلوس وخلاص
فحبيت نكتب كلنا عن تجربتنا عشان الغير يستفيد ويعرف اللي الاضافه اللي تضيف بجد .... فياريت مشكورين كل واحد يقول ايه نوع عربيته وايه الاضافات و الاكسسوارات اللي حطها وهل اضافة و فادت ولا لا؟؟؟؟؟

هبتدي بنفسي ... انا عندي اكسنت 1300 الشكل القديم وتم اضافة الاتي:

- فوجات الشكل الاصلي هالوجين ( طبعا ادت شكل حلو بس الاهم نورها بليل مفيد جدا مع النور الصغير و في الشبورة لانه فعلا جامد)
- جنوط 13" على نفس مقاس الكاوتش 175 (غير الشكل الجمالي العربيه فعلا بقيت ثابته فوق 110 وما فيش رجه ولا هزة ومستني اعرض الكاوتش ان شاء الله 185 عشان تبقى احلى )
- سبويلر كاوتش (بتاع ال Bmw ) (بصراحه لغاية دلوقت مالوش فايده او انا مش حاسس له فايده غير انه رسم العربية ومديها شكل اسبور بس)

وشكرا مستني ردودكم ... افيدونا

ان شاء الله وليست انشاء الله
الادارة 1

**MMamdouh** · 24-04-2008 02:41 PM

المقصود بالاضافات هنا اكسسوارات ولا تعديلات؟؟

MMamdouh

**mohamed hatem** · 24-04-2008 02:45 PM

الاثنين يا كبير ... لان في حتى تعديلات بتضر

**mohamed hatem** · 24-04-2008 02:53 PM

انا معاك يا ريس ان الموضوع انك تكون اتهنيت بالفلوس ... زي و كانك اشتريت اكل بمبلغ واتبسط منه .... بس المشكله ان في ناس بتبقى جربت اضافة او تعديل ويعود عليها بافساد حجات كتير في العربية
زي لما تجنط بمقاس معين اكبر من المفروض مثلا يعني

**MMamdouh** · 24-04-2008 03:12 PM

OK

اولا العربية لانوس 2 موديل 2001

التعديلات:

1- تركيب جنوط حديد 14 و كاوتش 14/60/185... التعديل زود ثبات العربية فى الملفات و على سرعات و حسن اداء الفرامل... ثقل وزن الجنوط اثر نسبيا على تسارع العربية بس مش بشكل سىء

2- تعديل الفرامل الامامية... تحسن فى قوة الفرامل يقارب ال 80%... العربية بقت تفرمل بجد و بقى عندى ثقة من ان العربية مش حتعمل اى حركة نص كم و انا بفرمل

3- تركيب فلتر هواء رياضى... فرق فى تسارع العربية و حسن الاداء... صوت الموتور بقى عالى بس مش صوت وحش زى علب الشكمان اللى ب 40 جنية تحت الكوبرى و الكلام دة... لما كان الفلتر راكب فى الحوض كانت العربية بتبقى تقيلة على لفات قليلة خصوصا لو الجو حر و ماشى ببطء و التكييف شغال.. لما نقلتة فى الاكصدام الامور اتحسنت كتييير

4- بوجيهات 2 شمعة... الفرق بسيط جدا جدا

الاكسسوارات:

1- طقم قواطيش بطارية خدمة شاقة و تقوية اراضى... فرق فى قوة النور العالى و الواطى و الدوارة

2- كتاوت تقوية نور امامى... زود قوة النور الامامى

3- انذار... تامين للعربية ضد السرقة و مفيد فى البحث عن العربية فى اماكن الانتظار الكبيرة

4- سنتر لوك... تامين للاربع ابواب عشان انا بنسى كتير الابواب اللى ورا مفتوحة

MMamdouh