سنة 1998 كنت أرخص سيارتي في المرور وعند الفحص كانت امامي سيارة 128 واثناء الفحص الفني لها اكتشفوا ان العربية نصين وقام مسؤول الفحص بلفت نظر صاحب العربية ووراله اللحام في السقف وقال له الأفضل ترجعها
سنة 1998 كنت أرخص سيارتي في المرور وعند الفحص كانت امامي سيارة 128 واثناء الفحص الفني لها اكتشفوا ان العربية نصين وقام مسؤول الفحص بلفت نظر صاحب العربية ووراله اللحام في السقف وقال له الأفضل ترجعها
السلام عليكم و رحمة الله و بركاته
أنا آسف للخروج من الموضوع, بس أنت فكرتنى بحكاية ملكية خاصة دى.
فى كندا , العربية بيكون تقريبا عليها نمر من ورا بس و مفيش أودام, أو يمكن ده كان فى المقاطعة اللى أنا كنت فيها Saskatchewan و كان فيه Option أنك ممكن تضيف اسمك الأول أو جزء منه للوحة بمقابل مادى, لأن أنا شفت عربية, نمرتها مكتوب عليها -غير بيانات اللوحة- كلمة DEB, فاللى كان معايا, قاللى على الحكاية دى و يومها قاللى ممكن تلاقى صاحبة العربية دى اسمها Debora مثلا.
أنا شمعت أن منصور العيسوى لو جبناله 85 مليون توقيع, ممكن يوافق على الفاميه الغير معتم :untitled 1:.
طب لو المرور كشف ان العربيه ملحومه نصين هيعمل ايه ولا اى حاجه كل الى هيعملوا هيدور على السمكرى الى لحم النصين وهيشمع الورشه بس
يا جماعة الحكاية منتشرة أكثر فى العربيات غالية الثمن والمستورده استعمال الخارج بس مش معنى كده إن كل العربيات ملحومة طبعا الغش فى المجال ده كتير لخراب الذمم إلا من رحم ربى
من اكثر العربيات اللى بيتعمل فيها الموضوع ده العربيات الكابورليه زى الجولف رابت و2 و3 والبى ام دول اكثر الأنواع اللى بيتم فيهم موضوع اللحام
وعلى فكره العربيات دى بالذات ما بتترخصش الا فى مرور الدراسه عشان يخضوعها لجهاز كشف اللحمات باليزر
لا حول ولا قوة الا بالله
انا شايف ان الموضوع اسهل من كده بكتيير والعربية الفابريكة بتبان بسهولة جدا عن العربية الملعوب فبها , استحالة البوهية المرشوشه تبقي زي الفابريكة حتي لو اللي بيرش ده احسن واحد يرش علي مستوي العالم , ولازم تلاقي مكان فك وتركيب في حتت كتير في العربية زي التابلوة والكراسي وبيبقي فيها اثار تراب وشحم وخرابيش في الطابلوه والبيبان والصالون حتي لو اتغسلت واتلمعت 100 مره , وفي حاجات هاتلاقيها راكبة في العربية مابتزلش في كماليات العربية المصري للموديل ده , يعني مثلا مفيش مرسيدس 200 موديل 1990 فيها ايرباج في مصر , شكل الجنوط اللي تنزل في الموديلات المصر يختلف عن المستورد , يعني مثلا جنوط النيسان السوبر صالون المصري هاتلاقيها مختلفة عن جنوط النيسان المستورده , وكذلك لو لقيت دايو جولييت مركبة جنوط حديد او جنوط استيراد تعرف ان العربية دي فيها مشكلة لان عمر الجولييت ما بتنزل بجنوط حديد , وماركة الزجاج لازم تبص علي الاربع ابواب والبربريز والزجاج الخلفي وتلاقيهم علي الاقل بنسبة 80% زجاج فابريكة , يعني مش معقولة كل زجاج العربية اتكسر واتغير وده سهل انك تعرف الزجاج الاصلا للموديل من اللي راكب حديث , ومثلا شكل الثماش المستخم في الفيرنا للعربيات المصري يختلف عت شكل القماش المستخدم في التنجيد للعربيات المستورده وكذلك نفس الحال للانوس ماينفعش الاقي لانوس موديل 2002 فيها كراسي لانوس1 او فيها ايرباج ,
وحاجة كمان مايتفعش مثلا عربية موديل 1990 والاقي الحوض والقوايم من الداخل مافيهاش خرابيش لازم تلاقي خرابيش معمولة بحكم الزمن ولالستخدام ودي بتفرق عن الخرابيش المفتعلة من الصنايعية بتوع البوهية لاظهار قدم البوهية ,, ولو شكييت في عربية اوي مفيش مانع من افتعال خربوش صغير في الحتة اللي انت شاكك فيها ولو لقيت البوهية ليها عمق اكتر من 2 مل يبقي دي مرشوشه 100% ,
واخر حاجة اثناء تجربو السياره تحاول تحش في مطبات كتير وتركز مع العربية لضدور اي اصوات من الشاسية او بيبان العربية او الزجاج او صوت جامد من العفشة , وبعد كده تجري بيها علي 100 او 120 وتحاول تلعب بيها يمين وشمال وتاكل مطباط هواء وتاكل مطبات من جنب وجنب لا , لو العربية فيها اي حاجة لازم هاتحس , عشان استخالة كل الصنايعية السمكري والميكانيكي والبوهيجي والعفشجي والكهربائي اللي اشتركو في نجميع السياره يكون كلهم شغلهم 100% لازم هاتلاقي حد سايب حاجة وراه
السلام عليكم و رحمة الله و بركاته
كلام جميل و ممتاز جدا, بس مين التاجر ابن الحلال أوى ده, اللى هيسيبك تعمل كووووووووووووول الحاجات دى فى عربيته و بعد كده, يا تشترى يا متشتريش.
أنا من رأيى أن أصعب مكان ممكن تفحص فيه عربية, هيكون سوق السيارات بتاع مدينة نصر, لأنه من الصعب أنك تطلع واحد واقف بعربيته فى السوق و تاخده بره الاسوق عشان ترفع العربية و تفحصها و بعد كده يا تعجبك و تتفقوا عالسعر و تشترى ياماتعجبكش و تمشى, أنا لا زلت أرى أنه من الأفضل أن اللى بيشترى عربية يكون بره السوق, يعنى يدور فى اعلانات الجرايد أو الوسيط أو النت أو يوصى سمسار, لأن بكده هيكون عنده حرية أكتر أنه يرفع العربية و يفحصها زى ماهو عايز.
و ربنا ييسر الأمور و يبعد عنا ولاد الحرام الteeeeeeeeeet .
انا سيارتى ملحومه وانا الى لاحمها بعد تعرضها لحادث الحمد لله مكنتش انا الى سايق وبقالى ثلاث سنوات ماشى بيها ملحومه مطبات وجرى لحد 185 وهبد ورزع وزى الفل واحسن مما كانت قبل الحام لانى دعمتها بزيادة