الريحه صعبه اوى!!!!

**elfashn** · 03-06-2011 06:22 AM

سلامو عليكو. انا معايا e36 وكل ما اجى اشغل التكييف فى البدايه تطلع ريحه كمكمه او حاجه معفنه اوى الكلام ده فى بدايه التشغيل فقط لمده 20 ثانيه ومع العلم انى مغير الفلتر من قريب وكان قبل تغيير الفلتر كانت الريحه موجوده برضع وقلت اول ما هاغير الفلتر هتروح بس لسه موجوده ولما سألت الكهربائى قالى لازم تجيلى من بدرى افك الطابلوه وانضفلك الكويل واغسله . مع ان اداء التكييف كويس ومش مضايقنى بس غير الريحه.مش عارف رأيكو ايه مش ممكن تكون الريحه ليها سبب تانى خايف اروح وافتح على نفسى فتحه وفك طابلوه وشحن فريون تانى وقعده عند الكهربائى.

**AhmeD_KhaleD** · 03-06-2011 06:55 PM

انا عندى نقس المشكلة دة فى الفانتزيا 2011 بعد 6 شهور من شراء

**M_Marwan** · 03-06-2011 06:59 PM

شغل التكييف على السخن لمده عشر دقائق وأن شاء الله المشكله تتحل

**BMW30** · 03-06-2011 11:09 PM

تقريبا بتكون فضلات حيوان قطه مثلا لأن الموضوع دا شوفته ف الكارينز 2011 برضه

**pepsi007** · 04-06-2011 12:49 AM

انا كانت عندي نفس المشكله و حلتها الحمد لله
اولا هتلاقي في اسبينس في ستي استار حاجه اسمها قاتل حشرات التكييف علبه شبه كان البيبسي بحوالي ٥٠ ج بتتفتح زي الكان بالظبط المهم تشغل السياره و تشغل التكييف و تقفل البوابه الخارجيه و تفتح العلبه و تسبها في الدواسه الاماميه و تخلي المروحه سرعه عاليه و تنزل من العربيه و تقفل كل الابواب و الشبابيك و تسيب التكيف شغال لمده من ١٠ ال ١٥ دقيقه و بعدين تفتح كل الابواب من غير ما تدخل السياره و تسبها تتهوا شويه و انشا الله كل المشاكل هتتحل و طمنوني

**elfashn** · 05-06-2011 05:44 AM

المشاركة الأصلية كتبت بواسطة m_marwan

شغل التكييف على السخن لمده عشر دقائق وأن شاء الله المشكله تتحل

العربيه مفهاش سخن. بارد بس

**elfashn** · 05-06-2011 05:45 AM

المشاركة الأصلية كتبت بواسطة bmw30

تقريبا بتكون فضلات حيوان قطه مثلا لأن الموضوع دا شوفته ف الكارينز 2011 برضه

هيه فعلا الريحه زى ماتقول كده بس حلها ايه

**elfashn** · 05-06-2011 05:50 AM

المشاركة الأصلية كتبت بواسطة pepsi007

انا كانت عندي نفس المشكله و حلتها الحمد لله
اولا هتلاقي في اسبينس في ستي استار حاجه اسمها قاتل حشرات التكييف علبه شبه كان البيبسي بحوالي ٥٠ ج بتتفتح زي الكان بالظبط المهم تشغل السياره و تشغل التكييف و تقفل البوابه الخارجيه و تفتح العلبه و تسبها في الدواسه الاماميه و تخلي المروحه سرعه عاليه و تنزل من العربيه و تقفل كل الابواب و الشبابيك و تسيب التكيف شغال لمده من ١٠ ال ١٥ دقيقه و بعدين تفتح كل الابواب من غير ما تدخل السياره و تسبها تتهوا شويه و انشا الله كل المشاكل هتتحل و طمنوني

يعنى ايه حشرات التكييف ؟؟؟هو التكييف ليه حشرات؟؟ولا ده مجرد اسم؟؟ عموما المشكله عندى مش حشرات المشكله فى الريحه الصعبه الىبتظهر مع بدايه شغل التكييف. واذا كنت حضرتك كان عندك مشكله الريحه دى وجربت الكان دى وفعلا نهت الريحه عندك من العريبه فيا ريت تأكدلى المعلومه وياريت تحطلى اسم العلبه لو انت لسه فاكر او حتى العلبه دى كان لونها ايه. وشكرا لردك