الموضوع: اروح فين في اسكنددريه

بص لو حضرتك مهندس انصحك بنادي المهندسين جامد ومريح في خدماته والمنظر على البحر ظريف ولو عندك اولاد حيعرفوا يلعبوا والاكل جواه مش غالي.

لو مش كده خد البروجرام ده:

تروح المنتزة وديه فسحة متتعوضش وفيها امكان كتير اوي للفسح وحتلقي اكل سريع هناك بس انصحك تجيب فطارك من هناك سندوتشات واللزي منه وتقضي اليوم لحد المغرب وانته راجع لازم تعدي على بلبع اللي فسيدي بشر سيبك انته من كل مشويات اكلتها في اي حتة الاكل والقاعدة والسلطات جامدة اوي وجبتي المفضلة
- ربع مشكل (15جم) ورز برام(10جم) بالموزة
- او موزة ضاني (40جم)
على حسب ميزانيتك
وسلطات (5 جم) وشوف انته ممكن تنوع بين ده وده

بعد كده شوف مكان تصلي فيه واتمشي شوية على البحر بالراحة من سيدي بشر لحد بحري واركن عربيتك واتمشي على البحر وباليل لو ممكن تاخد ايس كريم من مكرم او عزة ولو ليك في ام على عليك وعالشيخ وفيق في اخر بحر

وبالتوفيق