الكل يدخل يشكر غبور ( بجد مش بهزر )

**SALLAM569** · 06-06-2011 01:05 AM

يا عم اتقى الله يجعل لك مخرجا انت من ساعة ما اشتريت العربية شغال الفار دخل المصيدة الجزء الأول و الفار دخل المصيدة الجزء الثانى و شكرا غبور ..
فار ايه و مصيدة ايه اللى انت بتتكلم عليهم احنا قاعدين فى حديقة حيوانات انا مش عارف انت بتعمل كدة ليه و ايه الفايدة اللى هتعم عليك لما تبوظ سمعة العربية انت خليت الأقرع يشد فى شعره من كلامك !!!!!
يا راجل دة انت لو معاك 128 مش هتتكلم عنها كدة ..
عمال تكره الناس فى عربيتها وخلاص .
بصراحة العربية جميلة و انا شايف انها مفيهاش عيوب و مش عاوز حد غبى مع احترامى للأخوانا الأغبية يقولى اكيد فيها عيوب اقوله عرفت منين انت معاك لوجان يقولى لأ بس اكيد فيه عيوب و انا شايف ان كل العيوب التوكيل بيحلها
مثال: فى ناس عندها اهتزاز فى دواسة البنزين و التوكيل بيحل هذه المشكلة .
فى ناس عندها تصفيرة غريبة بعد 120 و انا كان عندى نفس العيب و التوكيل عاليجلى هذه المشكلة و الحمد لله و طلع عيب صغير فى قفلة الكبوت ..
بالنسبة للأهتزاز الفتيس فهذه المشكلة بتنتهى تماما بعد 3000 كيلو ..
غير كدة العربية ممتازة و تستحق الفلوس اللى تتدفع فيها انا مش بقول كدة علشان هى عربيتى بالعكس هى عربية ممتازة و الدليل انها اكتسحت السوق خلال سنتين فقط و الكل اجمع انها عربية محترمة سواء اللى معاه لوجان واللى مش معاه لوجان و بعدين رينو و وكلاء eim مش هيحطوا اسمهم على عربية غير و هما واثقين انها عربية محترمة و هتحقق نجاح و بالفعل العربية حققت نجاح باهر و كمان نزلها قطع غيار خارج التوكيل و فى مختلف المحافظات و بعدين انت لما تبوظ سمعة توكيل رينو يبقى بوظت سمعة توكيل كيا لأن كيا و رينو واااااااااااحد و من المعروف انهم من افضل التوكيلات فى مصر ..
انا بصراحة العربية عجبانى جداااا و كل يوم اقتناعى بيها بيزيد اكثر و عشقى ليها بيزداد بصراحة انا بحب عربيتى جدااااا و مش هتقدر تكرهنى فيها ..
العربية باسم الله ما شاء الله ناعمة و جراية و ثابتة و اقتصادية و عفشتها جميلة لدرجة انى حاسس ان انا راكب ريشة و الدبراج ناعم و من افضل الدبرياج اللى انا لمسته فى حياتى و حكاية اماكن ازرار الزجاج و الكلاكس فأنا حبتها و لقيتها لذيذة جدااااا و مميزة العربية عن العربيات الكورى و اليابانى و الألمانى و الماليزى ....
و العربية بتتميز بالبساطة و مش معقدة زى باقى الرينو و بسهل على اى ميكانيك انه بشتغل فيها و كذلك الصالون يتميز بالبساطة مع مواد محترمة للغاية ...
احنا بصراحة قلنا خلينا واقعين شوية و منجيش على الراجل و نحاول نساعده بس ملقناش مبرر حضرتك عمال تبوظ فى سمعة العربية و انت مش فاهم بتكتب و بتقول ايه ( اسف على هذا اللفظ ) انت ايه يا جدع يا ساااااااااااااااااااااااا اااااااااااااااااااااتر بطل بقة و حرام عليك انت عامل بالضبط زى اللمبى لما عمل حادثة و دخل فى بقة واحد مع احترامى للأخونا اللمبى ..
فى لنهاية انا عارف انى هتوقف و اسف على شوية اللفاظ اللى مكنش المفروض اقولها بس اعمل ايه كل واحد و ليه طاقة و هو بينرفزنى جداااا انا هبطل ادخل على قسم اللوجان بسببه ....

**karimnet** · 06-06-2011 01:26 AM

شكراً لغبور ان من سوء فهمهم و سوء صيانتهم و ضياع انتجاهم و ردائتهم

اخترت اللوجان

**akerima** · 06-06-2011 10:57 AM

حقولكم علي المفاجأة الكبري

اخونا ابو مريم مطلعش معاه لوجان؟؟؟؟؟؟؟؟؟؟؟؟؟

**engahmedamin** · 06-06-2011 11:09 AM

المشاركة الأصلية كتبت بواسطة akerima

حقولكم علي المفاجأة الكبري

اخونا ابو مريم مطلعش معاه لوجان؟؟؟؟؟؟؟؟؟؟؟؟؟

عرفت ازاى ؟؟؟!

**akerima** · 06-06-2011 12:47 PM

عشان اللوجان اغلي فئة فيها لما غلت كانت ب 70000 ج والراجل في احد مشاركاتة قال انه حيبعها بخساره 23000ج ب 50000ج يعني هوا شاريها موديل 2010 ب 73000ج شوفتوا ازاي بالعقل كده يبقي معاه ولا لأ ؟؟؟؟؟؟؟؟؟؟؟ وفي حد فيكوا يا ملاك اللوجان اشتراها ولا حتي حيشتريها بالمبلغ دا انا عن نفسي شاريها 06/2010 ب 67500 ايام ما كانت ب 68000 بخصم 500ج من عند الطارق في الاسكندرية يعني مش ب 70 ولا 73 موديل 2010 ولا اية ؟؟؟؟؟؟؟؟؟؟؟

المشاركة اهي عشان تصدقوني

http://www.nilemotors.net/Nile/223900-abou_mariam.html

**frhateg** · 06-06-2011 04:19 PM

المشاركة الأصلية كتبت بواسطة tamer61

يا عم ابو مريم إرحمنا شويه .... دا حتى الرحمه حلوه . توكيل رينو فعلا من التوكيلات القليله المحترمه إللي في مصر وعلشان كده في حاجه غلط أو في حاجه مش كامله في القصه وعموما مهندسين التوكيل برضه بيقولوا حاجه تانيه لما سالتهم على الموضوع بتاعك "وبالمناسبه كلهم ناس محترمه جدا ومتعاونين جدا مع كل الناس " علشان كده أنا بقول إن في حاجه غلط.

يا ريت تقول لنا مهندسين التوكيل قالوا لك ايه .

**engahmedamin** · 06-06-2011 05:32 PM

المشاركة الأصلية كتبت بواسطة akerima

عشان اللوجان اغلي فئة فيها لما غلت كانت ب 70000 ج والراجل في احد مشاركاتة قال انه حيبعها بخساره 23000ج ب 50000ج يعني هوا شاريها موديل 2010 ب 73000ج شوفتوا ازاي بالعقل كده يبقي معاه ولا لأ ؟؟؟؟؟؟؟؟؟؟؟ وفي حد فيكوا يا ملاك اللوجان اشتراها ولا حتي حيشتريها بالمبلغ دا انا عن نفسي شاريها 06/2010 ب 67500 ايام ما كانت ب 68000 بخصم 500ج من عند الطارق في الاسكندرية يعني مش ب 70 ولا 73 موديل 2010 ولا اية ؟؟؟؟؟؟؟؟؟؟؟

المشاركة اهي عشان تصدقوني

http://www.nilemotors.net/Nile/223900-abou_mariam.html

كلامك منطقى يا استاذ akerima
بس هو ممكن يكون شاريها بالقسط ؟؟

**akerima** · 06-06-2011 05:58 PM

المشاركة الأصلية كتبت بواسطة engahmedamin

كلامك منطقى يا استاذ akerima
بس هو ممكن يكون شاريها بالقسط ؟؟

يا باشا حتي لو شاريها بالقسط يبقي ماخسرش لسة حاجة حياخد من هنا ويسد هنا - وهوا فية قسط فايدتة 5000ج بس ؟؟؟؟؟؟؟ دا فين دا وانا اروح اشتريلي عربيتين تلاتة

**engahmedamin** · 06-06-2011 06:04 PM

المشاركة الأصلية كتبت بواسطة akerima

يا باشا حتي لو شاريها بالقسط يبقي ماخسرش لسة حاجة حياخد من هنا ويسد هنا - وهوا فية قسط فايدتة 5000ج بس ؟؟؟؟؟؟؟ دا فين دا وانا اروح اشتريلي عربيتين تلاتة

ابقى هاتلى انا كمان عربيتين تلاته .. بس لوجان طبعا