-
كان نفسي اركب البلوبيرد عشان عربيه عائليه وكراسيها مريحة بدرجه غريبه وعزل الموتور بتاعها فوق الرائع ولكن
مطلوب مايلي:
1-توفير كل قطع غيارها عشان الناس تتطمن ليها وتقبل عليها.. للاسف احد الاعضاء هنا في المنتدى عمل حادثه بيها وقالي ان في حاجات مش لاقيها والتوكيل بعت يجيبها من بره ولسه ماجاتش ومقاس الكاوتش الاصلي بتاعها مش موجود في مصر.
2-سعرها عالي جدا... مطلوب سعرها ينزل شويه تبقى ب130 الف.
3-يبقى فيها مثبت سرعه ."بيتركب ب 1500 جنيه ولكن مش بحب لعب في الضفيره.
4-تنزل بالكاسيت العريض والجى بي اس. زي مابتنزل بره.
5-طاره مالتي فنكشن وبلوتوث للموبايل.
6- جهاز انذار: لان في الظروف الحاليه المفتاح الذكي لوحده مش كفايه.
ونفس التعديلات دي ممكن تتضاف على التيدا الجديده.
لو التعديلات دي اتعملت في البلوبيرد موديل 2012 انا اول واحد هبيع العربيه بتاعتي واحجزها ومش هسمع كلام حد يقولي سعر البيع بتاعها ضايع وممكن تخسر 40 الف جنيه ...لاني لو جبتها بالمواصفات دي عمري ماهافكر ابيعها.
وشكرا لاستاذ احمد مصطفى على مجهوده الرائع في قسم النيسان
ياريت نيسان تعملنا التعديلات دي وانا اول واحد هعملها دعايه للعربيه دي لانها معجزه من معجزات نيسان بموتور 1600
-
انا بقترح
زيادة عزل الصالون
تحسين مستوى الخامات وخصوصا الكراسى والفرش
فتحة سقف
تكون وسائل الامان فيها اساسى فى كل الموديلات
البوية تكون افضل شوية لان انا نص الاكصدام عندى البوية فيه طايرة بسبب حكة صغيرة
ومع الوقت والغسيل كبرت!
-
كان نفسي في:
1- فتحه سقف
2- مثبت سرعه
3- سينسور بارك في كمبيوتر العربيه مش بشاشه منفصله
4- بلوتوث في السي دي
-
بالنسبه للصني
كاوتش اعرض
كراسي جلد و تنجيدها يكون كويس
زرار تعليه و توطيه مستوى نور الكشافات من التابلوه
-
انا نفسى يكون
فتحة سقف
مالتى فانكشنز
كاسيت cd
اشارا بالمرايات
يا سلام بقى لويبقى الفانوس الخلفى ليد والفانوس الامامى فية فوج
-
وتون قاعدة الصالون مريحة لان الكراسى ناشفة
-
بجد فكرة تجنن ومقترحات هايلة
ومن الحاجات اللى حابب اشوفها فى نيسان صنى تحديدا اعادة النظر فيما يلى :
1- عزل صوت المحرك بشكل اكبر
2- اهتزاز عصا الفتيس وكفاءة ناقل الحركة
3- العفشة رياضية قياسيا لكل الطرازات
4- abs قياسيا لكل الطرازات وهى عندى افضل مليون مرة من وجود اير باج من عدمه نظرا لاهميتها فى كل وقت ع الطريق
5- كماليات السيارة تحفة بالنسبة لسعرها وامكانياتها ولا ينقصها الا تقليص الفارق فى الفروقات بين السوبر صالون والصالون ex
-
موضوع جميل بس قائمة الطلبات طويلة
- أعادة التعاقد علي توريد الأجزاء المحلية الصنع الداخلة في الصني مع موردين بمنتج ذي جودة أعلي
- تغيير فتيس العربية الأتوماتيك بموديل ذي تصميم أحدث ( و ليس cvt ) لتسبب الفتيس الحالي بهدر طاقة الموتور ببطء الأستجابة و زيادة أستهلاك البنزين
- كراسي السيارة الصني الأمامية سيئة للغاية و بتزيق بعد أستعمال بسيط ( مطلوب تغيير مصنع الكراسي الحالي لأخر بجودة أعلي )
- دهان العربية الخارجي سيء جدا جدا جدا و بيتبقع من العوامل الجوية أو أي أوساخ ( مطلوب زيادة جودة الدهان الخارجي )
- كاوتشات تركيب الزجاج بالأبواب نوعيتها رديئة جدا و التوكيل بيقول معلش عشان مصري !! ( مطلوب زيادة جودة كاوتشات زجاج الأبواب )
- زيادة تجهيزات الصني بكمبيوتر رحلات ( زي بتاع رينو لوجان مثلا ) و تغيير نوعية الكاسيت بنوعية أفضل
- أعادة النظر في سعر بيع النيسان الصني المجمعة محليا سواء بخفضه أو تثبيته مع زيادة كماليات السيارة الأساسية دون زيادة السعر
و النقطة دي بالذات لأن بديل الصني و هو رينو سكالا المصنعة بمصنع سامسونج بكوريا و التي هي أصلا الشكل الأحدث من الصني المنتجة محليا بمصر و لكن بالعلامة التجارية الخاصة برينو ( من ضمن مجموعة نيسان رينو سامسونج العالمية )
و الرينو سكالا مصنعة بجودة أعلي بكثير من الصني من حيث :
- بوية السيارة الخارجية بجوده عالية
- لايوجد عيوب بكراسي السيارة
- تقفيل و لحامات السيارة الرينو بجودة السيارات المصنعة بالخارج و ليس المجمعة بمصر ( يكفي أنك تفتح كبوت الرينو و جنبها النيسان حيث تجد بالنيسان أثار اللحامات الخاصة بالشاسيه و بالرينو لن تجد أثار اللحمات لأنها مصنعة أليا بجودة عالية )
- الرينو سكالا الواردة من كوريا و عن طريق السعودية لأن التوكيل المصري أستوردها من نظيره السعودى بالبدج المبرشم علي قائم السيارة و الذي يوضح باللغة العربية أن العربية مصنعة وفق لمواصفات السعودية ( من أعلي المواصفات بالخليج )
تباع السيارة الرينو سكالا بنفس سعر السيارة النيسان الصني المجمعة محليا تقريبا و بنفس الفئات بمسميات مختلفة مما يضع علامة أستفهام حول سعر الصني المجمعة محليا و تباع بسعر السيارة الواردة من الخارج بجودة أعلي
-
ياريت لو نيسان تعمل تأمين على السياره تبعها زي غبور ما عمل "الميزه انه لاقدر الله لو حصلت حادثه تودي العربيه التوكيل وتستلمها بدون ماتدفع ولا مليم وبدون ماتوجع دماغك بالمعاينه من شركة التامين لان التوكيل هو اللي بيعمل الكلام دا كله .
-
شكرا موضوع جميل وهائل
للصني
-فتحة سقف
-مثبت سرعه
-كاسيت (usb - bluetooth)
-اتساع اكبر
ده عن تجربتي
التيدا
-كاسيت (usb - bluetooth)
-حل نهائي لمشكلة قطمة الدركسيون
-تخفيض اسهار قطع الغيار او حتي تحمل نيسان 10% ضريبة المبيعات
وعلي الكل عموما
-زبادة مراكز الخدمة حني لايطول وقت الصيانه والحجز
-خدمة عملاء بقاعدة بيانات ومتابعه
Content Relevant URLs by
vBSEO 3.6.0 PL2