سيتي ستارز يمنع دخول الفتيات بصحبة الشباب انا لاقيت الموضوع دة في النت و علي الفيس هل الكلام دة حقيقي ولا لا لو حقيقي يبقي سيتي خرب :oops1: و الي بيحصل دة هبل فب هبل و ياترا لو حقيقي اية السبب
عرض للطباعة
سيتي ستارز يمنع دخول الفتيات بصحبة الشباب انا لاقيت الموضوع دة في النت و علي الفيس هل الكلام دة حقيقي ولا لا لو حقيقي يبقي سيتي خرب :oops1: و الي بيحصل دة هبل فب هبل و ياترا لو حقيقي اية السبب
نص الخبر
حاجه مبشره جدا وياريت باقي المولات تطبق نفس النظاماقتباس:
http://a5.sphotos.ak.fbcdn.net/hphot..._3774332_n.jpg
في واقعة هي الأغرب حتي الآن تحدث في القاهرة ، علقت ادارة مكز سيتي ستارز التجاري الضخم في مدينة نصر لافتة كبيرة علي مداخل المركز التجاري تشير الي منع دخول راكبي "الباتيناج" والشاب بصحبة أي فتاة ودخول الفتيات للمركز بملابس صيفية قصيرة أو بحمالات.
اللافتة اثارت استياء المترددين علي المركز التجاري وغالبيتهم من الشباب العصري ، الذين تم منع الكثير منهم من دخول المركز بسبب دخولهم بصحبة صديقاتهم، معلنين أن ادارة المركز باتت أكثر تطرفا من السلفيين الذين لا يرتادون أصلا هذه المراكز التجارية.
ويارب ينسوا كلمة السر دي (السلفين) الي بقيت عامله زي اللبانه في بوق اي حد
والي كانت زمان اسمها (الاخوان)
ربنا يهديكاقتباس:
انا لاقيت الموضوع دة في النت و علي الفيس هل الكلام دة حقيقي ولا لا لو حقيقي يبقي سيتي خرب و الي بيحصل دة هبل فب هبل
A.Yakout
طيب مهم حيخشوا كل واحد لوحدة ويتقابلوا جوة
هو اللى بيحصل هناك كتير شوية وقرار زى دة كويس طبعا
والله برافو عليهم، بجد أنا لما بكون هناك بكون مستاء جدا من المناظر اللي مش ظريفة، بس أعمل إيه طبيعة شغلي بتخليني أروح هناك.
اعتقد هو مش القصد منع دخول واحد وواحدة مع بعض....يعني لو شكلهم محترم هايدخلوا طبعا حتي لو البنت لابس قصير شوية...بس الفكرة ان سيتي ستارز اكتر من مرة كنت باشوف بنات شكلهم مش ستايل و لابسين لبس (استغفر الله) و تلاقيهم مش بيتفرجوا علي محلات ولا قاعدين علي كافيهات...تلاقيهم واقفين جنب عامود او حيطة و عاملين يبصوا للرايح و الجاي بطريقة مش كويسة و بعدين لو فضلت مراقبهم تلاقي في واحد شكله مش مظبوط يروح يكلمهم و واضح انهم عارفينه و بعدين يبعد عنهم...طبعا بيبقي الموضوع باين قوي و الامن ما يقدرش يقول لواحدة واقفة امشي من هنا لانها ما عملتش حاجة....الكلام ده انا شفته مرتين من كذا سنة كنت قاعد في كوستا مع واحد صاحبي هو اللي خد باله و انا قلتله "ان بعض الظن اثم" و بعدين قالي طبعا خليك متابع و فعلا بعد شوية جه شابين شكلهم عرب و بدأوا يتكلموا مع البنات و هوب نط الواد اللي شكله مش مظبوط و اتكلم شوية مع العرب و بعدين مشي و بعدين البنات مشيوا مع الشباب العرب...الكلام ده شفته من حوالي 5 سنين لما كنت باروح مع اصحابي..دلوقتي باروح مع المدام و الولاد و طبعا مش باخد بالي من الحاجات دي بس اكيد موجودة...و يمكن ده السبب لوضع التحذير عشان الامن يبقي عنده امكانية ان يمشي الناس دي لو شك في في سلوكهم....و الله اعلم
طب والكافيهات الى جوه لزمتها ايه
وبعدين لو اتنين مخطوبين هيمنع برضوا !!
وبعدين ايه السبب لمفروض يكون فى سبب
ياريت نفتكر موضوع الجلابية و نادي نقابة المنهندسين.
من حقهم يطلبوا الي هما عايزينه عند الدخول ده ملكية خاصة :)
وعلى فكرة هي مش بال"صرامة" دي, هي اقرب لاستاذ وائل مابيقول ..من غير ماقصد عنصرية طبقية ولا حاجة ..
بس لا مؤاخدة لو واحد و واحدة جايين من كفر ابو نملة مش حديخلهوم .... و واحدة جاية من "منشية ناصر" ولابسة ميني جيب مش حتدخل !
انا ساكن قدامه على طول .. و على فكرة يوم الخميس كمان .. مبيدخلوش شباب لوحدهم ... يعني لو في جروب شباب 5-6 بني ادمين مش حيدخلوا ...
السلام عليكم و رحمة الله و بركاته
فعلا, لو كان الغرض من الموضوع ده هو منع انتشار القرف اللى كنا بنشوفه قبل كده فى سيتى ستارز و مولات تانية غيره, يبقى برافو عليهم, هو ده المطلوب فعلا, يا نهار أسود :untitled 1::untitled 1: , ده الواحد كان بيشوف حاجات -أستغفر الله العظيم- مقرفة و العياذ بالله, ان شاء الله, يكون ده بداية لمنع القذارة اللى كانت بتحصل فى الأماكن العامة و عالكورنيش أودام التيلفزيون.
ماحنا بقالنا 60 سنة سايبين الناس تعمل اللى هما عاوزينه على قارعة الطريق, كانت ايه النتيجة, اتأخرنا و اتدهورنا الى أسفل الدرجات و أصبحنا كمصريين لا لينا سعر, لا جوه مصر و لا بره مصر.
يعنى حتى من باب التجربة و العلم بالشئ, أما نجرب حاجة لمدة 60 سنة و نلاقيها مش نافعة, نجرب حاجة تانية, يمكن تنفععععععععععععع, العقل بيقول كده, و لسه, لما يمنعوا استيراد الخمور و يقفلوا الكازينوهات و الكباريهات اللى فى الفنادق و فى شارع الهرم و يخلوا الناس اللى فى شرم و الساحل الشمالى تلبس هدوم و يارب كمان يفرضوا ضرايب 900% عالسجاير و يخلوا السجاير البلمونت أغلى من الكافيار !!!!!!! :16::16::16:
كله جاى فى السكة ان شاء الله, ماتستعجلوش, أصل ده لا هو عيب و لا حرام .
الي عرفتة وشوفتة قبل كدة في ستي ان ممنوع دخول شباب لوحدهم او من غير بنت او كدة ممكن اسرة ام وابناء غير كدة لأبيعملوا كدة في المناسبات منعاً للتحرشات وكدة
قرار ملوش أى لازمة .....كل واحد هيدخل لوحده و بعدين يتقبلوا جوه و لو معاهم عربية هيدخلوا من الباركنج عادى و محدش يقدر يكلمهم
أنا ساكن جنب سيتي ستارز ، كان بيجيلنا منه أشكال ضلمة ، بيقعدوا تحت بيوتنا وفيه منهم اللي يعمل حاجات مش كويسة ... حاجة مقرفة
ده غير إنه أصلا مول زبالة (آسف في اللفظ ، لكن هو كده فعلا) ، الواحد كره دخوله
بالنسبة للدخول كفرد ، منعوني قبل كده إن أخش ، وكانوا بيقولوا عائلات بس ، بس لولا إن والدتي كانت جوا في سبينيس علشان أشيل معاها حاجات ما كنتش دخلت
عمي عايش في المانيا ..
كل مايرجع مصر في الصيف يتريق عليا ...
قالي انا لما بغيب عن المانيا 6 شهور ... بلاقي ناطحات سحاب اعلى و اماكن انضف !
بس لما بغيب عن مصر 6 شهور ... بلاقي لبس " اقصر " و اماكن " اقذر " !
سبحان الله :)
امال انا رحته مبشوفش المناظر دى ليه ......؟؟؟
ههههههههههه
أصل السلفيين مسكوا أدارة سيتى ستارز
ليه الخبر ده المنشور من أكتر من شهر محدش فى الصحافه علق عليه , ولا معرفوش يلبسوها للسلفيين لأنه سيتى ستارز
ايه ده هما اي حاجه يبقي سلفيين
انا خايف الصبح يبقي سيتي سلفي
هو الخبر ده بجد أصلا ؟؟؟؟ أشك فيه
هما كده كده ممنوع الشباب يدخلوا لواحدهم أيام الخميس و الجمعة .... بيدخلوا بس إللى بيركن فى الجراج ...
عشان فى بلاوى و أشكال ضالة بتيجى تصطاد البنات أوأشكال غريبة بتيجى ...
و هما عارفين إن لو فى بنات مع ولاد كويسين يا إما هيبقا شكلهم كويس أو هيجوا بعربيتهم .. انا شايف إن القرار ده وراه سبب أمنى ..
لان مش كل بنت مع ولد حتى لو مش مخطوبين يبقوا وحشين .. فى ناس كتير كويسين ...
الموضوع فعلا مؤكد وقديم كمان الموضوع تقريبا شبه من بعد الثورة مباشرة اتعلق وانا شفته بعيني ولكن بصراحة انا زرته اكثر من مرة لوحدي كمان محدش قالي ولا كلمة !!
:grin54::grin54::grin54: دة مطبق من امتى منا كنت هناك امبارح انا و 3 اصحابى وداخلين من الباب ولا حد قالنا رايحين فين من اساسه انا اعتقد انه بيبقى على حسب نظرة فرد الامن اللى واقف مش قرار عام
والله ياريت مش معنى الحرية هى تبقى انتزاع الحياء مهو سيتى استارز ده كان فية بلاوى والله كان بيحصل فيه مناظر اهل الواحد يخجلوا منها بنت مره زميلها بيلعب فى شعرها ولما التانى جه يعمل زيه زعلت اوى ههههههههههههههههههههههههه ههههههه
الله يرحم الحياء والتربيه
فى السعوديه فى بعض المولات بيمنعوا دخول العذاب ويقولك عوايل فقط (جمع عائله )
طبعا بستهبل وأقولوا مراتى جوه وبيدخلنى
أعتقد القرار دة للسيطرة على البغاء والدعارة اللى السياح العرب بيجوا يبحثوا عنها فى مصر
على فكرة حتى في الاوقات اللي بتبقى عائلات بس بيسيبوني اخش
هي نظرة .... انا شكلي اكبر من سني شوية (شكلي يدي 35 سنة) مع النضارة النظر و بتاع بيبقى شكلي راجل كبير فمبيقولوش حاجة و بالذات اني بادخل بالعربية من الباركنج
يعني هما كدة مفكرين ان هما خلاص نضفت البلد انا لو كان معيا صحبتي كنت بروح نعد علي كافية هناك حاليا بالمنظر دة عمري م هعتبوة برود داندي مول نعد علي الكافية الي هناك و نكون براحتنا نشيش و طريق احسن انتو مفكرين ب الي حصل دة بلدنا نضفت يعني يبقي شيلوة المولات كله الاول زي جنينه مول داندي مول مول الامير في شبرا و دة مليان كافيهات بغباء و من انضف الكافيهات و محلات في اماكن كتير الحياة مش هتقف علي سيتي كدة الي ماسكينوة خروبة خليهم يشربوة هما الناس الوحيدة الي هتخسر انا عن نفسي و و صحابي و زينا كتير عمرنا م هنعتبة
طيب وبالذمة دي حاجة تزعل؟
يار يت تتعمم في كل مول وفي كل مكان بنروحه عالاقل الواحد حيترحم من المناظر المقززة اللي بيشوفها
ربنا يهدى الجميع ...ويلهمنا الصواب
على فكرة يا جماعه بلاش ناخد المواضيع بسطحيه ولا بتطرف ولا اي حاجه تانيه
لان بمنتها البساطه سيتي ستارز مش هدفه انه يمنع البغاء ولا الدعارة ولا اي حاجه من دي خاااااااااااااالص
هو كل الموضوع انه عايز يحافظ على مستوى المول فقط لا غير
لاني بروح كتير مع المدام وبشوف بنات وستات لبسها فظيع ومثير بكل مبالغ فيه بس ناس معاها فلوس ولبسهم كده اصلا ومش بيقصدوا منه صيد الشباب
الفكرة هي انهم مش عايزين المول يبقى بيئه مش اكتر لكن لو انت وا انتي الاستيل بتاعك كده خلاص ما حدش ها يتكلم
فياريت الموضوع ما يتقلبش بقى تطرف والكام اللي احنا بس بنفكر فيه وسيتي ولا على باله حاجه من دي خالص
والاستاذ االي بيقول انهم مش ها يدخلوه هو وصاحبته ما يخافش مدام شكلكوا مناسب لشكل المول العام كمستوى ها يدخلك ومش هايكلمك
ياريت نكون فهمنا وما نخلطش الامور
الكلام دة بيحصل لما بيكون فيه زحمه والمول ممتلىء فقط وخاصه فى الاعياد والاجازات غير كدة اى حد بيدخل
انا مستغرب ان في ناس فرحانه من الي حصل يعني حضرتك قبل الي كان بيحصل مكنتيش بتروحي الغردقة شرم مارينا اي حته من الحتت دي بلاش كل دة الرحاب دي الحياة فية هناك عادي و اللبس الرسمي هناك للبنات الكت و الجيب القصير و عادي اية المشكله في دة
انا مع حضرتك انهم معملوش كدة عشان حاجة و عشان يحافظة علي مستوي المول و دة شيء اكون انا حبة و عايزوة و فعلا انا عن نفسي لما بكون رايح بيكون شكلي و شكل الناس الي معيا يليق بالمكان بس يعني بنت لابسة كت اقولة لا مينفعش هي طريقة لبسة كدة واحدة عايشة كدة و انا عن نفسي مش شايف مشكله في الكت احنا بس الي بلد غريبة اوي و مفكرين ان اللبس لية دعوة ب الاداب دي حرية شخصية
فعلا ربنا يهدي الجميع
يا استاذ مش كل الناس رأيها زي بعضها وحضرتك طرحت موضوع اكيد له مؤيد او معارض
الاعتدال مطلوب في كل شئ هوا ما منعش دخول غير المحجبات مثلا هوا منع الزي المبالغ فيه زي ما في اماكن بتمنع دخول المنقبات .. عادي
وبعدين اوكي الملابس دي حرية شخصية .. بردو النقاب حرية شخصية ليه بيرفضوه؟
انا فعلا مش باروح شرم ولا الغردقة عشان المناظر اللي فيها انا رحت شرم مرة واحدة قبل الزواج وكان شئ يندى له الجبين ..واكيد لو شفت حاجة كدة اثناء مشاهدة فيلم باغير القناة
لا اعتقد ان العري هو الدليل على التقدم ففي كل الاديان السماوية اشد الناس تدينا اكثرهم حشمة حتى الراهبات في الكنائس يرتدون رداء طويل وغطاء للرأس
انا اعتقد لما واحدة بتكون محتشمة او لابسة عادي مش بتثير حفيظة احد
لكن الخروج عن النص في الملابس بيستفز الكتيرين
انا انسانة معتدلة وليست متطرفة .. وباروح نوادي ومولات و سينما و با تابع الموضة وباجاريها
لكن
والاناقة لا تتنافى مع الحشمة
والتحضر لا يتنافى مع الحشمة
واخيرا باقول ان دة رأي شخصي ولا افرضه على احد
ولا اود ان يكون النقاش مجال للخلاف ابدا
الموضوع هيدخل فى سكك مش هى سكتنا
نتكلم بالعقل كدة , هل سيتى ستارز مرة واحدة قلب وبقى تابع للسعوديه
سيتى ستارز مش مكان للدعارة والكلام الكبير دة لان لو على الدعارة فهى فى اى مكان ممكن تحصل
ومش معنى ان البنت لابسة قصير انها مش محترمة , ولا معنى ان بنت لابسه نقاب انها نازلة من السماء
انا مسلم والحمد لله وليا اصحابى مسحيين وبنخرج ونروح سيتى ستارز وصدقونى مسلمين ومسحيين مش بيعجبنا لبس بنات بتلبسوا هناك , لان طبيعه الشعب المصرى هى الاحتشام فى اللبس وفى حياتنا عامه
فى نقطة تانى ان البس بيدل على مستوى الشخص الاجتماعى والفكرى والوسط الى اتربى فيه
فى ناس اتربت على انها ما تلبسش حجاب وبتلبس قط وفعلا بيكونوا محترمين جدا
وفى بنات اتعودت انها تلبس حجاب
وفى بنات مقتنعة بالبس المحتشم
فكرة منع الولاد من الدخول مع البنات اعتقد انها مش هتتنفذ لان المول كلوا مليان كافيهات واعتقد انها مش هتوافق على حاجة زى كدة ولو اتنفذت البنت هتدخل والولد وراها ومحدش هيقدر يتكلم معاهم
بالنسبه للبس سيتى ستارز معمول لطبقة معينه فى الشعب المصرى الى بتشترى منوا وبتجيب منوا هدومها واعتقد انها الطبقة الى بيفكر يمنع دخولها واكيد المحلات مش هتوافق على حاجة زى كدة
للاسف فى بنبرة فى مداخلات بعض اصدقانا واخوتنا فى المنتدى انهم بيحسسونا ان القرار دة اكنوا غزة فى بيت الكفار وانحنا انتصرنا
وبردوا ناس بتقول ان القرار دة تخلف وتراجع للخلف
مع احترامى لا البنت المنقبه ولا البنت الى لابسة قصير هتقدم ولا هتاخر للبلد
واكبر دليل على كدة التطور الرهيب والتقدم فى دول اوربا مع انتشار الانحلال الاخلاقى فى الوقت الحالى , وبردوا التقدم الرهيب للامة الاسلاميه لما كنا متماسكين بدينا وكنت اوربا غرقانه فى الجهل
احنا نحمد ربنا ونبعد عن الشبوهات والى مش بيحب يشوف الحاجات دى ما يرحش سيتى ستارز وما فيش اكتر من المولات فى مصر
الله ينور عليك
بس انا مخنلف معاك فى اخر نقطة
معلش مافيش حد يقدر انه يجبر حد انه مايدخلش سيتى ستارز او غيرو
اى مكان فى الكويس او الوحش
وزيها زى لو بنتفرج على التيليفيزيون
لو ماعجبناش اى مشهد او فيلم بندير القناة
بالتالى لو ماعجبناش اى منظر برضو ندير وشنا
لان المكان مفتوح للجميع واى حد يقدر انه يدخل
لان دى حريات شخصية واحنا مش هانحاسب الناس على اللى بتعملو
ليهم رب يحاسبهم
كل واحد يخلى نفسه من بيته وهله وخلاص ويتصرف زى ماهو عايز
احنا مش هانحجر على حد
وتقبل كل تحياتى
بالظبط كده .. طبعاً حقهم يطبقوا سياستهم الخاصة ما دام المكان ملكية خاصة مش عامة .. و اللى مش عاجبه ميروحش.
الفكرة فى "الضمير أبو وشين" اللى بيطلع فى الأوقات دى .. للتوضيح لو فرضنا جدلاً إنهم منعوا دخول اللى لابسين الجلباب أو المنتقبات السنتر, كانت الدنيا قامت و مقعدتش و غالباً مكنتش هتلاقى نفس الكلام إنها سياستهم و حقهم و اللى مش عاجبه ميروحش!