فرامل اليد

**mazenzyad** · 04-06-2011 02:23 PM

النهاردة حصل معايا موقف غريب و عاوز رايكو يا وحوش :
كنت طالع بالعربية مطلع قاسى شوية ووقفت فى منتصف المطلع ، و جيت اطلع تانى فشديت فرامل اليد عشان اخد الاول و مترجعش منى العربية لورا ، فوجئت ان العربية بترجع لورا برضو و الفرامل مش موقفانى فطبعا زعلت جدا ازاى العربية عاملة 4500 كم و يحصل كده مع الهاند بريك ؟؟
السؤال التانى :
لما بكون مركب معايا اربعة اشخاص فى العربية و انا الخامس بلاحظ ان دواسة الفرامل بتمسك العربية بتقل يعنى محتاج ادوس جامد بوضوح على الدواسة عشان الفرامل تكلبش و مبتمسكش غير فى اخر الدواسة ( يعنى لو موقف مفاجىء يبقى هاموت اللى قدامى و افرمل بعد ما اعدى عليه ) و لكن لما بكون لوحدى فى العربية الدواسة بتبقى طرية و حساسة و بتجمع معايا بدون ضغط جامد .
هل كده محتاج زيارة للتوكيل و لا ايه رأيكو - مع الشكر

**engahmedamin** · 04-06-2011 02:37 PM

بالنسبة للهاند بريك .. محتاج تشدها على الآخر عشان تمسك كويس معاك .. خصوصا لو فى مطلع شديد اوى زى ما قلت كده
روح جربها تانى فى نفس المطلع و شد الهاند بريك على آخره و جرب .. لو مامسكتش معاك يبقى لازم توديها التوكيل و هما هيبوصولك عليها و يعملولك اللازم ان شاء الله

بالنسبة لدواسة الفرامل .. منطقى ان لما الوزن اللى فى العربية يزيد تحتاج قوة فرملة اكبر .. و ده عشان قوة القصور الذاتى بتكون اكبر .. لكن مش لدرجة الفرق الرهيب ده برضه ... ممكن تخليهم يكشفولك على الفرامل فى التوكيل لو حاسس ان الموضوع مستاهل و الفرامل بتحتاج ضغط جامد اوى ..
و ابقى طمنا عليك يا وحش

**Xlance2010** · 04-06-2011 05:56 PM

القصور الذاتى هو سبب احتياج السيارة للضغط على الفرامل بصورة اقوى وذلك يتناسب طرديا مع حمولة السيارة وعدد ركابها وهذا منطقى بالطبع

**wassim_nasser** · 04-06-2011 05:58 PM

المشاركة الأصلية كتبت بواسطة engahmedamin

بالنسبة للهاند بريك .. محتاج تشدها على الآخر عشان تمسك كويس معاك .. خصوصا لو فى مطلع شديد اوى زى ما قلت كده
روح جربها تانى فى نفس المطلع و شد الهاند بريك على آخره و جرب .. لو مامسكتش معاك يبقى لازم توديها التوكيل و هما هيبوصولك عليها و يعملولك اللازم ان شاء الله

بالنسبة لدواسة الفرامل .. منطقى ان لما الوزن اللى فى العربية يزيد تحتاج قوة فرملة اكبر .. و ده عشان قوة القصور الذاتى بتكون اكبر .. لكن مش لدرجة الفرق الرهيب ده برضه ... ممكن تخليهم يكشفولك على الفرامل فى التوكيل لو حاسس ان الموضوع مستاهل و الفرامل بتحتاج ضغط جامد اوى ..
و ابقى طمنا عليك يا وحش

--------

خلاصة الخلاصة

**kamatsho** · 04-06-2011 07:07 PM

عادى يا باشا هتعمل رجلاش على فرامل اليد .. او تشد عليها شويه من عند الهاند لو انت مش شادد عليها

بالنسبه لموضوع الفرامل لما تكون محمل ... ده الطبيعى وبيحصل معانا كلنا

متقلقش يا باشا

**abo_pasem** · 06-06-2011 12:49 PM

المشاركة الأصلية كتبت بواسطة mazenzyad

النهاردة حصل معايا موقف غريب و عاوز رايكو يا وحوش :
كنت طالع بالعربية مطلع قاسى شوية ووقفت فى منتصف المطلع ، و جيت اطلع تانى فشديت فرامل اليد عشان اخد الاول و مترجعش منى العربية لورا ، فوجئت ان العربية بترجع لورا برضو و الفرامل مش موقفانى فطبعا زعلت جدا ازاى العربية عاملة 4500 كم و يحصل كده مع الهاند بريك ؟؟
السؤال التانى :
لما بكون مركب معايا اربعة اشخاص فى العربية و انا الخامس بلاحظ ان دواسة الفرامل بتمسك العربية بتقل يعنى محتاج ادوس جامد بوضوح على الدواسة عشان الفرامل تكلبش و مبتمسكش غير فى اخر الدواسة ( يعنى لو موقف مفاجىء يبقى هاموت اللى قدامى و افرمل بعد ما اعدى عليه ) و لكن لما بكون لوحدى فى العربية الدواسة بتبقى طرية و حساسة و بتجمع معايا بدون ضغط جامد .
هل كده محتاج زيارة للتوكيل و لا ايه رأيكو - مع الشكر

والله كأني باحكي الموقف إللي حصللي بالظبط
كنت طالع شارع طويل وعالي والعربيات وقفت قدامي مسكت فرامل فا وقفت وجيت اطلع علي الاول وشديت فرامل اليد وباسيب الدبرياج لقيت نفسي ريحت علي إللي ورايا وخبطته ومش قادر اقف طبعا موقف عصيب وسمعت اسامي حيوانات كتير منه
فا رحت متعزم ودايس بنزين ورافع الدبرياج جامد رحت ماشي
الظاهر المشكله متكرره