الموضوع: مشكلة بعد التشحيم وغسيل الموتور .. النترا

المشاركة الأصلية كتبت بواسطة semsem kane

طيب دلوقتى حضرتك المفروض ان عندك معظم ادوات التغذية تحت الغطاء البلاستيك اللى على الماتور

طيب يبقى حضرتك هتعمل الاتى :

1- هتفك الغطاء البلاستيك وتشيل البوجية وتكشف علية وعلى السلك بتاعة من الاتجاهين يعنى اللى جاى من الاسبراتير واللى داخل للبوجية

هو انا فعلا اشتريت طقم بوجيهات جديده انهارده وحركبهم بكرة ان شاء الله

2- دلوقتى حضرتك لو عندك الفتيس الاتو يبقى المفروض انك ماتجيبش اى مياة ناحية الكنترول المثبت على الفتيس لان دة ممكن يعمل لخبطة فى الحساسات بتاعتة فلازم يتنظفوا كويس بالهواء المضغوط

العربية مانيوال

3- لو عندك لمبة الاعطال نورت بعد الغسيل يبقى كدة فية حساس مش قارى كويس لان كل حساس ولية فولت معين لازم يوصل للكنترول لو ماوصلوش هتلاقى اللمبة نورت ودة طبعا عشان فية عوائق على الفيش

لا الحمد لله مفيش اى انوار منوره :)

لكن مسألة ان العربية تاخد كام مشوار عشان المياة تنشف طيب مالمياة دية لما تشنف مش هتتبخر هتسيب اثر ترسبات ( صدأ ) على الحساس وبردة هيدى قراية ضعيفة

انهارده مسوقتش العربية وبرده حاسس ان موضوع انها تمشى كام مشوار ده اى كلام

ركز على نقطة الفتيس طالما بيبقى عندك نتشة وتجميع بطىء , ويفضل انك تشيل كابل البطارية وانت بتنظف العربية بعد كدة

شاااااااااااكر للأهتمام

المشاركة الأصلية كتبت بواسطة ruin scud

للأسف اكبر غلط انك تغسل الموتور في العربيات الجديده وخاصة لو الموتور سخن لأن الصاج بيبقى سخن والمياه بارده فممكن ياثر على الموتور
عموما هو ممكن تكون البوجيهات من الميه مرطبه بسبب بخار الماء ولو مشوار طويل ممكن ترجع زي الأول ده على ابسط الظروف واحسنها
انما لو العربيه عملت مشوار كبير وبرده زي ماهي انصحك تروح للتوكيل ويكشف على العربيه ويتاكد من البوجيهات والسلوك لأن ضغط المياه شديد وممكن يكون خلى سلك يخرج من مكانه وبلاش تغسل بالجاز نهائيللموتور عشان بينشف الخراطيم والكلبسات وبيخليها عرضه للكسر من اي حاجه وده خاصة لما يكون الماتور سخن وتحط عليه مياه بارده مره واحده
ولو على غسيل الموتور ولازم يعني في سبراي فوم بيتباع ب 25 جنيه وامن على الدواير الكهربيه وفي نفس الوقت بيطلع الشحم ابقى هاتو ورشو انت على الموتو وبعد كده بالهواء وانفخو كويس

فعلا كنت بستخدم الاسبراى ده
بيس المره دى ماخدتش بالى انها غسل الموتور بالمياه