35 ثقب و ثقب هدية

**esam123** · 22-06-2011 05:02 AM

حصلت معاية فى شارع السودان الساعة 3 بالليل وانا مروح بس انا كنت دايس على زجاج فعلا ولكن الراجل زودها اوى وكان معاية زوجتى والاولاد وقالى الحساب 210 وهو باصص فى الارض من الادب والاخلاق وحظة انو وقع معاية وجبهالو على بالطة قسم الشرطة او هعلقك على باب المحل وفى النهاية دفعت 30 جنية وتحيا قلة الادب مع الاشكال الوسخة

**samsong** · 22-06-2011 10:14 AM

ربنا كريم وسترها معاك
210 يعني قرب تمن كاوتش جديد

**beckeryahia** · 24-06-2011 06:02 PM

يا باشا كلام حضرتك بيفكرني بموقف حصل معايا ,, بس انا ساعتها خليت دم الصنايعي يغلي وكان هايجيلة جلطة بسببي,, كان في يوم سنة 2005 معايا عربية اكسيل وكان الكاوتش اللي فيها تعبان اوي , وكنت اشتريت 4 فرد جديده وحطيتهم في الشنطة علي اساس اني ابقي اركبهم , المهم اتشغلت وسافرت بالكاوتش القديم , وانا عند ميدان الجيزه كده حسيت ان الكاوتش الامامي مريح سنة , دخلت عند واحد بتاع كاوتش هناك وقعد يقولي برده خش يمين وخش شمال واطلع قدام وهوووب نزلت في حاجة زي حفرة صغيره كده شكلها كلها مسامير .. قلتلة اكشف علي الكاوتش , المهم الراجل بكل نشاط وحيوية سااب الشغل اللي في ايده ومسك العجلة وحطها في المية وكل مل يلاقي خرم يحط مسمار , لقي 16 خرم في اول فرده ,, انا فهمت طبعا فا قلتلة اكشف بقي علي الاربع عجل عشان انا مسافر , فا يكل نشاط وحيوية برده كشف عليهم وطلع 11 خرم تاني , المهم بعد ما كشف ورفع ونزل وركب ورفع وكشف قالي يبقي كلة 27 خرم في 7 جنية ايامها يبقي الحساب 190 جنية , فا روحت صادمة صدمة عمرة الاول وقلتلة راكبلي داخلي في العجل ,, بكام الداخلي قالي ب 30 جنية ,, قلتلة استني هاروح اشترية من بره واجيلك تركبة عشان بره بيتباع ب 25 جنية ,, فا بكل حرقه دم فالي خلاااااص ب 25 جنية وهو هايموت من الغيظ عشان ماعرفش ينصب عليا ,, قلتلة ولا اقولاك انا عندي فكره احلي خد راكبلي الاربع فرد الجداد دوول وامري لله , وطلعتلة الاربع فرد من الشنطة وساعتها بقي ,, لاقيتة مسك في خناقي ويقولي انت جاي تستعبط علينا وتعطلنا عن اكل عيشنا , الناس اتلمت وفصلت بينا وانا اللي عمال اقولهولة يا نصااب يابن التييت انت واللي جابوك , في الاخر الواد اللي عندة ربطلي العجل القديم مكانة ومشيت ركبت الكاوتش الجديد عند واحد جنبية وبعتلة الكاوتش القديم كمان الفرده ب30 جنية ,,,, الموضوع اللي حصل ده كلة عشان حس اني انا غريب عن منطقتة ولقي العربية ملاكي الفيوم فا قالك اللي نطولة من قفي الصعايده فايده.

**Youssef.Awad** · 25-06-2011 01:17 AM

المشاركة الأصلية كتبت بواسطة beckeryahia

يا باشا كلام حضرتك بيفكرني بموقف حصل معايا ,, بس انا ساعتها خليت دم الصنايعي يغلي وكان هايجيلة جلطة بسببي,,............
, فا روحت صادمة صدمة عمرة الاول وقلتلة راكبلي داخلي في العجل ,, بكام الداخلي قالي ب 30 جنية ,, قلتلة استني هاروح اشترية من بره واجيلك تركبة عشان بره بيتباع ب 25 جنية ,, فا بكل حرقه دم فالي خلاااااص ب 25 جنية وهو هايموت من الغيظ عشان ماعرفش ينصب عليا ,, قلتلة ولا اقولاك انا عندي فكره احلي خد راكبلي الاربع فرد الجداد دوول وامري لله , وطلعتلة الاربع فرد من الشنطة وساعتها بقي ,, لاقيتة مسك في خناقي ويقولي انت جاي تستعبط علينا وتعطلنا عن اكل عيشنا , الناس اتلمت وفصلت بينا وانا اللي عمال اقولهولة يا نصااب يابن التييت انت واللي جابوك , في الاخر الواد اللي عندة ربطلي العجل القديم مكانة ومشيت ركبت الكاوتش الجديد عند واحد جنبية وبعتلة الكاوتش القديم كمان الفرده ب30 جنية ,,,, الموضوع اللي حصل ده كلة عشان حس اني انا غريب عن منطقتة ولقي العربية ملاكي الفيوم فا قالك اللي نطولة من قفي الصعايده فايده.

فكرة تجنن والله ضربة معلم
ده المفروض يتعمل مع الاشكال الزبالة دى
ربنا ينتقم منهم ومن اللى بينصب زيهم