السلام عليكم و رحمة الله و بركاته
السادة أعضاء أحلي منتدي في الدنيا إليكم الحكاية للعبرة
يوم جميل, الشمس مشرقة, الساعة تقريبا الواحدة و النصف ظهرا,
المكان طريق مصر اسكندرية الصحراوي, الصحبة زميل سوداني و زميل مصري
الاتجاه احدي الاقاليم في مهمة عمل
قبل كوبري بنها, قررت التوقف عند أحد محلات الكاوتش للاطمئنان علي ضغط الهواء في الاطارات حيث كانت السيارة مرفوعة لبضعة شهور قليلة جدا
كانوا اثنين في المحل, اصغرهم سناُ قال لي ادخل يا بيه بسرعة تعالي تعالي اطلع امام المحل, قلت ماشي, ثم قال لي اكسر الدركسيون يمين علي الاخر
قلت له ايه الموضوع, قالي الكوتش مريح الامامي قلت مفيش مشكلة انا عاوز ازود و اطمئن
رفع العربية من الامام و نزلت انا طبعا انا و زميلي المصري
ثم احضر هذا الشخص زجاجة صابون سائل مخففة بالمياه و رش علي اول كاوتشة و ظهرت فقاقيع كتير قال لي يوجد خرم انت شكلك كده يا بيه مشيت علي زجاج
طيب خير الحم الخرم مع ان العربية مشيت 4000 كيلو بس يعني الكوتش لسه جديد
احضر لي انواع خوابير بني و احمر و و ثم قال لي علي نوع منهم ده ب 15 جنيه و كان اغلاهم
قلت طبعا الحم بأحسن نوع مفيش مشكلة
احضر دستيتين منهم و هاتك يا تخريم في الكوتشة و يقول لي بص يا بيه هنا خرم و هنا خرم و هنا خرم
عمل حوالي 36 خرم و بعدين راح عامل كمان خرم قالي ده هدية
انا الصراحة مش فاهم انا قلت اكيد يعني كله ب 15 جنيه لاقيته بيقولي الحساب 540 جنيه
يا نهار ابيض ليه قالي الخرم ب 15 جنيه ازاي يا عم الكلام ده قالي ما هو امامك الاخرام و الفقاقيع اللي بتخرج
قالي اما اشوف الكوتشة الثانية انت دست علي زجاج يا بيه بهدلك الكوتش المهم عمل في الكوتشة الامامية الثانية 33 خرم
المهم الحساب عدي ال 1000 جنيه
طبعا انا اتعصبت و زميلي المصري زعق و قاله ايه النصب ده ده احنا نشتري كوتش جديد احسن قلت انا خلاص انا ح اروح القسم الصنيعي الاكبر سن اللي مع الولد ده قال خلاص خلاص مفيش داعي المهم توصلت اني دفعت 250 جنيه
و اخذت الغربية و مشيت و انا في حالة زهول
عملت مشواري و رجعت باليل مريت علي بتاع الكاوتش بتاعي قالي انت اتنصب عليك انت لازم ترجع للراجل ده و اعطاني 4 دست من الخوابير دي و قالي اعطيلوا الخوابير دي و خذ فلوسك طبعا انا وقتي كان محدود فرفضت
ركنت العربية و نزلت تاني يوم وجدت المفاجأة العربية علي الارض
(أسف علي الاطالة)
المفضلات