الموضوع: 35 ثقب و ثقب هدية

(تكملة)

ذهبت الي بتاع الكوتش بتاعي طبعا مشيي و ابلغته بما حدث المهم ارسل معي سيارته بعدد 2 كوتشة قديمة و ذهبت بالسيارة اليه كشف علي الكوتش وجده طبعا من كثرة الخوابير الكوتشتين باظو و قالي ان السلوك بتاعت الكوتش اتدمر لازم علشان تمشي بيهم مؤقتا اركب داخلي المهم ركب لهم داخلي و نقلتهم في الخلف و قالي ده مؤقتا لازم تغيرهم في اسرع وقت
دفعت 65 جنيه

طبعا حسبي الله و نعم الوكيل
ده انا اسميه ازي مش عارف اعمل ايه بس ان شاء الله ربنا ح ينتقم منه
بتاع الكوتش بتاعي قالي ان الكوتش لم يكن به اي شيء و لكن مع سخونة الكوتش و الحرارة و هو استعمل صابون حراق فعمل الفقاقيع اللي تهيء لي ان الكوتش مخروم

(الجزء الثاني)

سافرت و رجعت الاسبوع الماضي في مصر و زهبت الي برجستون اللي في احمد سعيد قالي طبعا مفيش كوتش زي بتاع المصنع لان النقشة دي بتأتي من برة للنيسان فقط
قالي الكوتش اللي عنده طبعا ياباني و اصلي بس النقشة مختلفة و قال علي فكرة اشعار الكوتش ح تزيد 5 % الشهر القادم المهم غيرت الكوتشتين الواحدة عملت 550 جنيه يعني دفعت 1100 جنيه
و الحمد لله علي كل شيء

(الجزء الثالث)

وجدت في بنزينة موبيل في المقطم حملة نيسان للكشف المجاني طبعا كشفوا علي السيارة و اعطوني كوبون مجاني للفلتر

و حجزت في نفس اليوم لليوم التالي في توكيل السبع لصيانة ال 5000 و تركيب الفلتر

طبعا ذهبت الي السبع كان يوم الثلاثاء الماضي ذهبت الساعة 12:30 قلت قال لي ح تستلم الساعة 3م المهم حتي الساعة 3م لم تدخل السيارة الي داخل الصيانة قلت للمهندس اعطيني السيارة و الفلتر و انا احضر وقت اخر حيث ان كده انت لم تلتزم معي بالموعد

قالي معلش اعطيني ساعة كمان المهم العربية دخلت الساغة 3:10 و طلعت الساعة 3:30 و اتركنت بالخارج بدون ان يكلمني احد زهبت للمهندس تامي الساعة 3:45 قالي خلاص كله تمام انتظر الفاتورة

المهم دفعت بعد الانتظار فترة 70 جنيه ده طبعا بعد الخصم

بس الصراحة لم احس بالاهتمام و حاسس ان الوضع و الخدمة في السبع اصبحت متدنية و مش عارف هما فعلا ركبوا الفلتر ام لا و هما فعلا عملوا صيانة ال 5000 ام لا

علي العموم العوض علي الله

لا حولة ولا قوة الا بالله
اولا ياباشا ربنا يعوض عليك في موضوع الكاوتش والحمد الله انها جت علي اد كدة
اما عن موضوع الوكيل الي هو السبع فهو اي كلام ودة عن تجربة لان الشركة الي انا بشتغل فيها تمتلك اكتر من 30 عربية نيسان صنى وكلة بلا استثنى بيشتكى من الوكيل
وحسبي الله ونعم الوكيل ف كل قرش بيدفع
سواء توكيل السبع او غيرة

السبع مش وحش بالمقارنة بأخرين بس مستواه نزل مش عارف ايه السبب

المشاركة الأصلية كتبت بواسطة ahmedaglan

لا حولة ولا قوة الا بالله
اولا ياباشا ربنا يعوض عليك في موضوع الكاوتش والحمد الله انها جت علي اد كدة
اما عن موضوع الوكيل الي هو السبع فهو اي كلام ودة عن تجربة لان الشركة الي انا بشتغل فيها تمتلك اكتر من 30 عربية نيسان صنى وكلة بلا استثنى بيشتكى من الوكيل
وحسبي الله ونعم الوكيل ف كل قرش بيدفع
سواء توكيل السبع او غيرة

ألف شكر يا باشا المهم الكل يستفيد علشان الموضوع ده لا يتكرر مع اي احد من الاخوة بالمنتدي