الترصيص ده قصدك عالجنط البايظ بعد الاستعدال ولا قصدك عالجنط الاستبن اللى لسه راكب جديد؟
وعاوز حد ياكدلى من خبراء الاوبترا:
فردة الاستبن اللى ف الشنطة بتختلف عن الاربعة اللى راكبين؟؟؟
عرض للطباعة
ياباشا ربنا يكرمك انا بس زعلان لك على الجنط والكاوتش و بعدين ممكن تعلم الوالد السواقة فى وسط القراطيس وتعمل له بوابات صعبة فى مساحة فاضية عشان العربية متتبهدلش
[mtohg=null]http://a4.sphotos.ak.fbcdn.net/hphotos-ak-snc6/200172_1033045636977_1550490190_30077008_4094665_n .jpg[/mtohg]
قدر الله ما شاء فعل
بص يا استاذى
اولا الجنط بيتعدل و دة طبيعى
حسب المكان و تاثير الخبطة
لو بسيطة بتاع الكاوتش بيستعدلة و بيرصص
لو جامدة واثرت علي الجنط يبقى لازم حد متخصص
الى مشهور فى موضوع استعدال وضبط الجنط للاسف فى القاهرة
بس بيستعدلة و يرجعه زى الاول
وبيقي تيوبلس عادى
لو نزلت القاهرة قول لى و انا ابعتلك عنوانة
عاوز الفت نظرك ان العربية ماشية عادى و مشيت بيه 100 كيلو داخل المدينة ولا كان فى حاجة
ميكانيكى مش بتاع كاوتش ساق العربية وقال مفهاش حاجة
بتاع الكاوتش قال يستعدل و تكمل عادى
حتة الجلدة دى سطحية و مش عميقة
بص الكاوتش من الحاجات الحساسة جدا يعنى لاقدر الله ممكن ينفجر مافيش فى الحاجات دى فتى الاحسن الحيطة
وطالما حصل قطع سطحى او عميق فكدة الكاوتش اصبح ضعيف من الجزء دة و بكدة ممكن لو طوبة صغيرة دوست عليها و انت ماشى بسرعة ينفجر الكاوتش
بالنسبة للكاوتش دة انتهى جيب فردة تانى نفس الناقشة و النوع و خليها استبن
وده يتجاب منين؟
ف التوكيل بكام و برة بكام؟
التوكيل مالوش فى الموضوع دة دة بيتباع فى محلات متخصصة فى بيع الكاوتش و البطاريات
بعد ضبط الجنط روح للمحل بتاع بيع الكاوتش و قول لة انا عايز كاوتش نفس النوع و الماركة و الناقشة بتاعة الكاوتش الى راكب فى العربية و طبعا قارن النوع و الناقشة كويس لان اغلبهم بيديلك نفس النوع بس مش نفس الناقشة فخلى بالك
لكن كحل مؤقت ركب الستبن فى الخلف
ليه اخلى الاستبن ورا
ماركبه بداله قدام
انا فعلا ركبته قدام بداله ( افكة تانى و ارجعه ورا؟)
حضرتك قدام حساس لانك بتتحكم فى اتجهات العربية منة و بالتالى لازم تكون الفردتين بنفس الحالة
و حضرتك عامل بتاع 500 كم و دة معناة ان الكاوتش الى راكب تعرض للشمس و استهلك اكثر من الاستبن
يبقى نحط الجديد ورا علشان يكتسب نفس العوامل بتاعة الفرد التانية و في صيانة ال 5000 تبقى تبدل هايكون الكاوتش ضبط و فى الحالة دى مش هايفرق ورا ولا قدام طالما ان فرق الكيلو متر بسيط جدا
هو فى اختلاف بين الاربعة اللى راكبين و بين الاستبن اللى ورا؟؟
لا فى الاوبترا زى بعض مافيش فرق
عموما انا حاسس ان الفديو عشان مضلم و مش باين الاراء كانت قاسية
هصوره تانى و هوريهولكو
مستنين الصور
بالتوفيق فى القرار السليم
السلام عليكم ,
انا حصل معايا نفس الموقف و شفة الجنط اتنت , بتاع الكاوتش عدلها و رصص و مفيش اى مشاكل الحمد الله و خليت الجنط دة ورا من باب الاحتياط .
قدر الله و ما شاء فعل
حصل خير
فداكم
طب يا استاذ ايمن
ايهما اخطر فى حالة النفجار
الكاوتش الامامى ولا الخلفى؟؟؟
سعر الكاوتش تقريبا كام؟؟؟
و سعر الاستعدال و الترصيص تقريبا كام؟؟
وده فالتوكيل ولا برة؟؟
و الكاوتش القديم هيترمى؟
ولا هيتركبله جوانى و يشتغل؟
و مفيش حاجة تكشف عالكاوتش تشوفه يتفع تانى ولا لأ؟؟
والسؤال مرة تانى:
افك الكاوتش ارجعه ورا ولا خلاص مش مستاهلة؟
هو راكب قدام من امبارح
معلش انا تايه حبه عشان اول مرة الواحد بيتعرض للمواقف دى
معلش يا جماعة بس انا شايف من خلال الفيديو ان الموضوع بسيط جدا جدا جدا
الكاوتش ده مافيهوش حاجة خالص وحتة الجلدة خارجية وماعتقدش انها تاثر في حاجة
والجنط ده 80% هايستعدل بمطرقة وهايرجع تاني زي الفل ولو في رعشة يبقى يتعمله ترصييص .
ومكان الاستبن مش هايفرق سواء قدام او ورا لان العربية جديدة والاستبن اول مرة يلمس الارض .
لو عايز تتطمن على الاخر اشترى فردة كاوتش جديدة وظبط الجنط .
وليك عندي يا عم جنط هدية
انا بدور على جنوط اسبور 15 ولما ربنا يوفقني هاديك جنط العربية الاصلي ( جيتز 14 ) ولونه اسود برده زي اللى عندك
ولا تقلق خالص يا برنس
وربنا يباركلك فيها