الموضوع: محتاج حد يساعدني بسرعه لاني خايف

السلام عليكم يارجاله
من غير كتر كلام
التكييف كان شغال عادي الصبح بدون ادنى مشاكل

نزلت من شويه
بفتحه
الكباس بيشتغل
انما جوه كأني مشغل مروحه بس

ببص عالعين الزجاجيه الفريون موجود بس في هيئة سائل ومش بيلف
يعني الدورة متوقفه والفريون مش بيخش جوه التلاجه غالبا

هل دي مشكلة اكسبانشن فالف ولا ايه؟؟؟
انا كده كده هروح للي ركب التكييف بس حد عنده فكره؟؟؟
انا اتخنقت جدا من كتر ما انا بروحله بكل يوم حاجه صغننه تنكد عليا ووقتي فعلا مبيسمحليش اني اروح وارجعله كل شويه

الخلاصه
بفتح التكييف
الكباس بيشتغل
الفريون مش بيمشي في الدوره
الهوا جوه كأنه مروحه فقط
الشحن سليم بدون اي تسريبات
بقالي اسبوعين مشتكتش من اي حاجه


افيدوني لاني متضايق فعلا واعصابي تعبانه


تحياتي للجميع

الحمد لله تم حل المشكله
رحت للي بتعامل معاه ولسا بنشوف لقينا الفريون بح
قلبنا الدنيا عالتسريب طلعت السربنتينه اتخرمت
فتم تغيير السربنتينه بواحده مختلفه والحمد لله من امبارح المغرب مفيش مشاكل ان شاء الله


شكرا للجميع


بالمناسبه
انا معنديش سخن في العربية لان التكييف متركب تركيب مش فبريكا


تحياتي