معلش هتقل عليك شوية ممكن لو فكيت المسورة تصورلي حساس الأكسجين وهل المسوره إنت مركبها دي مديئة في الكبوت وإنت بتقفل ولا لأ؟
عرض للطباعة
معلش هتقل عليك شوية ممكن لو فكيت المسورة تصورلي حساس الأكسجين وهل المسوره إنت مركبها دي مديئة في الكبوت وإنت بتقفل ولا لأ؟
فناااااااااااااااان
مبرووووووووووك ياكبيير
مبروك يا معلم
انا عاوز اجيب الماسوره دى
اجيبها منين ؟؟؟؟
مستنى أشوف اختراعك, يمكن أعمل زيك, لأنى حاسس ان جدار الماسورة مش انسيابي كفاية
هات انت الموتور الأبارث بس و هتبقى برنس بجد :049:
الله يبارك فيكوا, شكرا
الله يبارك فيك, عقبالك
أسألى براحتك خالص, أنا دكتور أصلا بس بحب الحاجات دى جدا و واخدها هواية
فعلا صوته بيخلينى عايز أدوس بنزين أكتر:glasses12:
حساس الأكسجين أنا مبينه مخصوص فى أخر صورة , الخرطوم الاسود اللى عملتله فتحة فى الhose اللى لونها أزرق, طبعا حشرت جواه خرطوم صغير علشان أزود طوله(من محل قطع غيار ردياتير و تكيف و كدة)
و بقفل الكبوت عادى على الوضع دة
موجودة كتير عن محلات الاكسوارات, أنا لاقيتها فى طنطا عادى, هتلاقيها غالبا فى ش دمشق
ألف مبروووك يا باشا .. وتقرير جامد ..
بس ياريت نشوف طريقه تانيه لتثبيت الفلتر غير ال tie rap الابيض ..
اللي عنده فكره للتثبيت يبعت ويقول عليها ... انا شوفت علي اليوتيوب طريقه كويسه .. بس للاسف الموارد هنا محدوده قوي ..
الله يبارك فيك, لو احتاجت حاجة تانية للبونتو قول
مش مشكلة لو الtie rap شكلها مش حلو , المهم الفايدة و الأداء بتاعها
أنا عارف ان فى منها لون اسود, بس اشتريت البيضاء من المحل اللى جنب بيتى و خلاص
هو الفلتر ده اوريجنال ؟
اصلى عاوز اجيب فلتر كويس يزود الاداء و مايعملش العكس بس يكون فى الحنين
المفروض إنه أوريجنال, لأن توكيو أوبشنز واخدين التوكيل من فترة (بس اسمهم مش موجود فى سايت k&N حاليا, مش عارف ليه)
و نفس الفلتر موجود فى السايت بالكود و شكل العلبة و كل حاجة
دة غير إنه مش رخيص برضو, الفلتر الصينى ب80 جنيه تقريبا
يا راجل مش تقولى من الصبح
انا اصلى نسيت ان النهارده الحد و نزلت لحد هناك و رجعت قفايا يقمر عيش ههههههههههههه
بس هو شكله محترم - هو ده يتنضف ازاى - ولو جه عليه ميه هايبقى ايه النظام ؟؟
وانا لاقيت موضوع اشد من الخرطوم السوسته هابقى اقولك عليه - اقوى و شكله فابريكا
قولى انت انجيكشن ولا عاده ولا هاف انجيكشن ؟؟ عشان هتفرق