الاخ العضو amahmed جابلك الفايدة وكلامه كله انا متفق معاه فيه
بص يا تايوي سيبك من الشرطة خاااالص
فلنفرض ان مهندسين البترول قالوا لا مش حينفع نشتغل في الصحرا عشان الجو حر ومليانه الصحرا تعباين
حتبقي ايه النتيجة علي اقتصاد البلد؟؟؟؟؟؟؟؟؟؟؟؟
واكيد زي ما في عناصر مش كويسة اكيد في عناصر مميزة في كل قطاعات الشرطة
يبقي المفروض صاحب الكفاءة يستمر واللي خايف يقدم استقالته بس مش قصة يعني
حقولك علي حاجة يمكن انت متعرفهاش بعد نكسة 67 وعودة جمال عبد الناصر عن قرار تنحيه واعادة بناء القوات المسلحة عمل ايه؟؟؟؟
قرر احالة كل الرتب الكبيرة والقيادات الي التقاعد لانهم تسببوا بشكل مباشر او غير مباشر وخلي بالك من عبارة غير مباشر دي
في النكسة وبعدها تمت اعادة البناء والنصر والحمد لله
يبقي ليه منعملش كدا؟؟؟؟؟؟
كل القيادات تحال الي التقاعد ويقبضوا معاش كمان يعني مش حنقفل بيوت بالعكس حنفتح بيوت
واللي شايف نفسه مش في حجم تلك المرحلة الحساسة من تاريخ مصر يسيب مكانه لمن هو اكثر منه استحقاقاً او بالبلدي كده الاكثر منه رجولة
لان المفروض هو دخل الكلية دي وعارف او علي الاقل حد قاله وظيفته هي حماية أمن الوطن وسلامه اراضيه
وانا مستمتع بالحوار معكم لاننا بنتكلم بموضوعيه وباسلوب راقي جدا
تحياتي للجميع