ضميرى معذبنى

**Mahmoud Nagieb** · 05-06-2011 02:01 PM

السلام عليكم يا شباب ,
والله انا لاقيت نفسى مخنوق فقولت ادخل افضفض مع اصحابى واخواتى الكبار .... بصراحة انا ضميرى مأنبنى جامد جدا من امبارح لان حصل معايا موقف زعلان عليه جدا .... امبارح كان اول امتحانات الكلية عندنا وللأسف صحيت متأخر فطبعا جريت ولميت حاجاتى وقولت لوالدى تعالى وصلنى لقبته بيقوله خد العربية ( اللوجان) .... وده كانت اول مرة من فترة اروح بيها الكلية

المهم خلصنا الامتحان وكان سهل الحمد لله والناس كلها كانت فرحانة .... والدفعة كلها واقفة فرحانة جدا وبتاع لاقيت كله راح سخن ومش عارف ايه وعاوزين يلعبوا بالعربيات اسناكات ودريفتات .... المهم انا كان اخر مرة كانوا بيلعبوا فيها مسكت واحد كان بيدرفت بالشيروكى بتاعته وقعدت اقلش عليه .... المرادى بقى كله كان مصمم انى اخش معاهم مع انى من ساعة لما عملت حادثة بالاكسيل وبطلت الكلام ده ... ومع انى عارف ان العربية لسة جديدة ومكملتش 20 الف بس للأسف كلهم سخنونى ودخلت معاهم وكنا كتير حوالى 8 بعربياتهم والناس واقفة بتتفرج .... وقعدنا كتير اوى ندرفت وزودناها اوى لحد لما الناس اشتكت وراحو رامين طوب فى نص الشارع علشان نمشى ..... وعلى قد ما كان احساس الادرينالين والباور ساعة الاسناكات والدريفتات بس بجد اتضايقت جدااااااااااا لما خلصت ومش عارف انا ازاى عملت كده .... ولاقيت نفسى نازل ببص على العربية والهلاوس اشتغلت بقى والحتة ده مكنتش كده والكاوتش ماله عامل كده .... طبعا العربية اتردمت تراب من بره ومن جوه واضطريت اروح اغسلها علشان والدى ميخدش باله من اللى حصل

من ساعتها والله وانا متضايق جداااااا ومش عارف اذاكر وعندى رغبة اقول لوادى علشان اريح نفسى بس عارف انه ساعتها احتمال ما اشوفش سواقة تانى

معلش خنقتكوا معايا بس ان كنت عاوز اقول اللى جوايا علشان ما افرقعش

**medododo** · 05-06-2011 02:29 PM

ولما تقول لوالدك تفتكر انت كده هتبسطه ؟؟
عاهد ربنا ثم نفسك انك متعملش كده تاني ولو أي حاجة ظهرت في العربية في الكام أسبوع اللي جايين دول تكفل بإصلاحها

**yassin_samir** · 05-06-2011 03:48 PM

كان فين الكلام دة كدة برضة دانا كونت عايز اتفرج هههههههههههههههه
ان شاء الله خير و متعملش كدة تانى اكيد العربية جاية من بعد شقى و تعب مش من الهوا و بالساهل
على العموم شوية و هتنسى الموضوع ركز بقى فيماهوا قادم و لا تنظر الى الوراء
كان فية جمله بتريحى لما بقولها لنفسى لما يكون فى مشكلة كبيرة ( ياما دقت على الراس طبول )

**MASERATI** · 05-06-2011 06:53 PM

السلام عليكم و رحمة الله و بركاته

هى فعلا حاجة تضايق جدا, لأنى بعتبر أن العربية دى فرد من أفراد الأسرة و بالذات لو العربية بقالها كتير معاك, زى البيجو اللى معانا بقالها 31 سنة, اللى لو كلت بيها مطب و لا نقرة, بحس أنها بتزعل منى و لازم أتأسفلها.

أنا لما شوفت الفيديوهات دى عالنت, كنت فى قمة الضيق, لمجرد أن العربية اللى فى الفيديو بيجو 505 زى اللى معانا, و بحس أنه بيبقى عامل زى اللى ماسك طفل و عمال يعذب فيه و الطفل ده لأنه طفل صغير, مش قادر يعبر و يشتكى و لكنه بيظل متحملا الألم و هو صامت.

YouTube - ‫ظٹظˆط³ظپ .. ط¨ظٹط¬ظˆ 505 ---- YoYo Peugeot 505‬&lrm;

YouTube - ‪Peugeot ط¨ظٹط¬ظˆ 505 طھظ…طھط¹ ظپظٹ ط§ظ„ط²ط§ظˆظٹط© ظ„ظٹط¨ظٹط§‬&rlm;

YouTube - ‫ظ„ط¹ط¨ ط´ط¨ط§ط¨ ط§ظ„ظ‚ظˆظ…ظٹط©‬&lrm;

YouTube - ‫ظ„ط¹ط¨ ظپظٹ ط§ظ„ط²ظ‚ط§ط²ظٹظ‚ 2‬&lrm;

ربنا ييسر الأمور و يصلح الأحوال

**OmaR_FekrY** · 05-06-2011 08:19 PM

و بحس أنه بيبقى عامل زى اللى ماسك طفل و عمال يعذب فيه و الطفل ده لأنه طفل صغير, مش قادر يعبر و يشتكى و لكنه بيظل متحملا الألم و هو صامت.

اجمل تشبيه شفته فى حياتى من واحد شكله بيحب عربياته اوى .... ربنا يحفظهالك لو بتحبها اوى كده

**MASERATI** · 05-06-2011 09:39 PM

المشاركة الأصلية كتبت بواسطة OmaR_FekrY

اجمل تشبيه شفته فى حياتى من واحد شكله بيحب عربياته اوى .... ربنا يحفظهالك لو بتحبها اوى كده

السلام عليكم و رحمة الله و بركاته

يا باشا, كله من كرمك و ذوقك.

أنا فعلا بتضايق جدا لما ألاقى واحد عمال يبهدل و يحرق فى عربيته و يحرق كاوتش و موتور و فتيس و عفشة و بنزين, عشان أعجب شويه ناس واقفة تتفرج عليا و تسقف و خاصة أن العربيات عندنا هنا بفلوس و بفلوس كتير مش قليلة, مش ببلاش زى بره و أغلبنا بيبقى, لو مش هوا اللى تعبان فى العربية, بيكون فعلا شايف أبوه طافح الكوتة ازاى, عشان يجيب عربية ترحمه هوا و أسرته من ذل سؤال اللئيم (سواق التاكسى) .

**د.أحمد السعيد** · 05-06-2011 11:07 PM

بسيطة يا حوده
و يا ريت تذكر ان العربيه هى نعمة من الله عليك و ان العمايل دى مش من صيانة النعمة و انما من العبث بها
و موضوع والدك بسيط خالص .... ابعتله لينك الموضوع على الايميل و هو هيقوم بالازم ....ها ها هاه هاهاه
و ربنا يكرمك فى الامتحانات و لو ان الحاجة الساقعة بتاعة التيرم الول مشربنهاش ...بس خليها حاجتين ساقعة و ربنا يوفقك
و موضوع ........... لسه و لا بعت القضية

**aminibrahim** · 06-06-2011 01:50 AM

عادي الموضوع عدي وما تعملهاش تاني

**OmaR_FekrY** · 06-06-2011 03:54 AM

المشاركة الأصلية كتبت بواسطة MASERATI

السلام عليكم و رحمة الله و بركاته

يا باشا, كله من كرمك و ذوقك.

أنا فعلا بتضايق جدا لما ألاقى واحد عمال يبهدل و يحرق فى عربيته و يحرق كاوتش و موتور و فتيس و عفشة و بنزين, عشان أعجب شويه ناس واقفة تتفرج عليا و تسقف و خاصة أن العربيات عندنا هنا بفلوس و بفلوس كتير مش قليلة, مش ببلاش زى بره و أغلبنا بيبقى, لو مش هوا اللى تعبان فى العربية, بيكون فعلا شايف أبوه طافح الكوتة ازاى, عشان يجيب عربية ترحمه هوا و أسرته من ذل سؤال اللئيم (سواق التاكسى) .

كلام مظبوط جداااااا

**evram** · 06-06-2011 06:24 AM

يا عم عادي بس متعملهاش تاني انا كنت زيك و معيا اسب رانزا 516 كانت مبقلهاش 20 الف برضوة و كنت فاحته تسخين كاوتش و دريفتات و خمسات و تسخين عجل علي زيت و علي رمل بجد بجد مكنتش بهمد دة غير بقي اي حاجة تتخيله و ماتتخيلهاش انا عملته بعربيتي و الحمد لله دلوقتي عرفت ايمته و محافظ عليه و هي صيناني و انا صاينه و ربنا يدمة عليا نعمة يارب و عليك و علي كل شخص معاة عربية بيحترمة