[youtube]http://www.youtube.com/watch?v=2opTiTAj5mU[/youtube]
[youtube]http://www.youtube.com/watch?v=2opTiTAj5mU[/youtube]
الفيديوهات اللي من النوع ده أكبر دعاية للبرادعيبصورة غير مباشرة...بالذات لما يكون فيها شتيمة ليه من ناس كانت بتتظاهر في ميدان التحرير
و شرحه الكلام عن بنته و جوزها و الخمرة و كده
هو حضرتك من مؤيدى صفحة (احنا اسفين ياريس) ؟؟؟؟؟؟؟
اصل الفيديوهات ديه.... بتفكرنى بصفحة احمد شبايدر (الرجل العنكبوت)
والكلام بتاع ان البرادعى ووائل غنيم ماسونيين امريكيين وحشين هههههههه
هى الموضة الشهر ده على البرادعى علشان الناس متملش
اشمعنا كل الفيديوهات دي ظهرت دلوقتي؟؟؟
بقى العراق دخل البرادعى علشان عربى زيهم، ولا فى مؤسسات دولية ولا قرارات ولا بتاع كانوا قاعدين على باب العراق وقالولوا اتفضل فتش فاتفضل
البرادعى بينفذ ارادة المجتمع الدولي فى التفتيش على الدول اللى وقعت على منع انتشار اسلحة الدمار الشامل
اللى ادى لوقوع العراق فى الماساة الرؤساء العرب اللى بدون اى مؤهلات وراحوا يوقعوا ويصدقوا على المعاهدة والبروتوكول الاضافى من غير ما يعرفوا اثرها او يشترطوا خطوات جادة من اسرائيل
لواحد بيشتغل فى جهاز المحاسبات شغلته يفتش على المؤسسات ينفع تقولوا ما كنش العشم ده انا ابن عمك ما تفتش عليا
تعرف مين اللى المفروض يعيط على العراق مبارك اللى سمح للسفن الامريكية اللى هتضرب العراق بالمرور من قناة السويس فى حين رفضت تركيا حتى استخدام المحال الجوى
اللى كان عايز رضا امريكا وكان بيبعت ابنه يحج هناك وةاللى بيايدوه لازم يتكسفوا على دمهم
انا فخور بالثورة المصرية الرائعة واللى تسبب فيها وجود شخص غير مؤهل فى موقعه لمدة تلاتين سنة وكان بيرضى غروره سماع النفاق عن الحكمة وحسن اتخاذ القرار
هههههههه كلام فاضي و امريكا عمرها ماحبت البرادعي , الخوف من البرادعي لسبب الوحيد القادر علي عمل ثوره حقيقيه بعد فشل ثوره يناير في تطهير البلاد فأنصار الفساد و النظام الذي لم يسقط و مؤسساته لن تقبل بوصول رجل من خارجها ولذلك حملات التشويه مستمره. و اكبر دميه لامريكا كان مبارك. و الفيديو الفاشل ده بيدعي ان ثورتنا كانت بتمويل خارجي و تامر بتاع غمره و الكلام ده :))
خد بالك من التقرير اللى قاله البرادعى قبل الاحتلال وقال ان العراق ما عندهاش اسلحة دمار شامل ولا القدرة على تصنيعها وكان كولين باول قاعد جنبه ومفقوع
القيديوهات للبرادعى سليمة وفى شهر نوفمبر 2002 ولما العراق ابتدى يتعاون طلع التقرير النهائى فى مارس 2003
شكرا للاخ الكريم صاحب الموضوع
و شكرا لكل من له رأي حر
و اتمني ان احد المدافعين عن د.البرادعي يمسك كلامه نقطة نقطة و يرد علي اسألتك
و مستغرب اوي من ردود مثل هوه انته من اتباع مبارك و الا غيره
هذه حقائق تحتاج لاجابات
موضوع تعاونه مع المخابرات الامريكية
و هو لا يخجل ان يقول انهم بيحركوه زي الطرطور و يقولو له روح فتش في المكان الفلاني
بالله عليك الا تخجل من نفسك يا رجل
و ارجو ان تتسع الصدور و اللي ينتقد يرد الاول علي ما نقله الفيديو غير المزيف
و لن نقبل الا بردود عما حمله الفيديو من فضائح
م.حاتم السباعي
و عاوز اضيف حاجة مهمة جدا
بعد هذا الاعتراف الساحق منه المسجل صوت و صورة
فأنا ادعو شعب العراق لرفع قضيه دوليه عليه
و سببها انه تعاون مع المخابرات الامريكية في التجسس علي العراق لصالح امريكا
و هو معترف انهم كانو يحركوه و يطلب منهم ان يقولو له نفتش فين علني
و لما انتهت حرب العراق و تم الغزو و بعد كام سنة اعترفت امريكا نفسها ان مخابراتها
امدتها بمعلومات مغلوطة عن و جود اسلحة دمار شامل بالعراق
و انسحبت كذا دولة اوربية نتيجة هذه الفضائح العلنية
و لو سلمنا بأنه كان ضحية و انه ( انضحك عليه ) و بأن الامريكان ( نصبو عليه يا حرام و خدعوه )
الا يخرج هذا الرجل علي و سائل الاعلام ليعتذر عما بدر منه تجاه شعب العراق
م.حاتم السباعي
فين الاعتراف ده؟
وبعدين انا ملاحظ ان اللي عمل الفيديو ده ذكي جدا
مشغل التراك بصوت عالي مع كلامه في المؤتمر ومترجم ترجمة الله اعلم صح ولا لا
كلام صح والمذيع كمان رايه متجزئ يعنى ممكن انا اقولك انصار مبارك بيقولوا ككذا كذاك تسيب كلامى وتقول احمد كمال بيقول .... وتاخد الحتة اللى عجباك
وبعدين البرادعى مش بيفتش علشان امريكا قالتله بيفتش علشاتن المجتمكع الدولى قالوه
على اى حال اقروا الاهرام قبل ما البرادعى يعلن ترشيحه للرئاسة واعرفوا كان بيتحدى امريكا ولا لا، وممكن تقروا اعتذار رئيس اللجنة الالكترونية لدكتور البرادعى
واعرفوا مين اللى كان بيعارض ترشيح البرادعى لرئاسة الوكالة
انا على اى حال رديت على النقط اللى فى الفيديو رد موضوعى فى مشاركات سابقةعلى الموضوع وكل واحد مسؤول عن قناعاته وكويس ان الفيديو ده ينتشر وهو يقدر يدافع عن نفسه ويفند اللى فيه
لكن ما ينفعش اخد جزء من كلامك وفى وقت معين واحكم عليك وعندك التقرير اللى قاله البرادعى فى مجلس الامن اعتقد يوم 9 مارس مش الكلام القديم اللى كان قبله اللى حضرتك جايب أجزاء منه
قلاده النيل عشان جائزه نوبل.....فكرونى هوا حد سلفى او أخوان خد جايزه نوبل؟؟؟؟؟؟؟؟؟؟؟؟؟
الاجابه لا .
أنا الصراحة ما سمعتش الفيديو
بس بغض النظر
أنا نفسي نحدد نقطة واحدة وهي
إزاي الحاكم يلتزم باللي إحنا عاوزينه مش اللي هو مقتنع بيه
يعني جه عبد الناصر قال يا اشتراكية الشعب كله قال الإشتراكية هي الحل
السادات قال الرأسمالية
كل الناس قالت تحيا الرأسمالية
مبارك قال الفساد هو الحل لقينا أغلب الناس سمعت الكلام
عايزين رئيس يشوفنا عايزين إيه ويعرف إن هو ده الحل معانا
ذكرتوني بواحد أفغاني عايش أغلب عمره في الإمارات قاللي حكمة رهييييييييييييييييبة
الرئيس في الغرب بيقعد على الكرسي ويبص للشعب
والرئيس العربي بيقعد على الشعب ويبص للكرسي
إحنا عاوزين بقى نغير القاعدة دي وبعد كده ييجي اللي ييجي حتى لو كان شارون والعياذ بالله
تقبلوا تحياتي
على فكرة من غير زعل تصنيفك عنصري والسبب هو:-
أنا مش هارشحه وظني بيه أنه مش وطني كمان
وأنا لا عضو في الدعوة السلفية ولا في جماعة الأخوان أنا مصري مسلم
وبعدين هو ماخدش جايزة نوبل على بحث علمي موثق ومحسوس قاطع لأي جدال خول ملابسات وظروف أعطاءه الجائزة
ماهو خد قلادة النيل ماحدش سأل نفسه ليه كان مبارك راضي عليه وبعد كده الدنيا أتقلبت عليه؟
انا كنت مش مقتنع بالبرادعي تماما بس لما فتحت مخي و قلت اسمع من كل الجهات و اللي اقتنع بيه هو اللي هيمشي رأيي حاجتين
الحاجة الاولى ان لسة بدري على اختيار الرئيس القادم و مقدرش احكم الا لما اسمع البرنامج الانتخابي لكل واحد و لو قدامي المرشحين الحاليين بس يبقى هختار البرادعي بدون تفكير نظرا لانو عندو نظرة صح قوي و الثورة اثبتتلنا الكلام ده بالرغم من انو محتاج بس يعرف يتكلم بثقة مش اكثر
الحاجة الثانية ان البرادعي الناس بهدلته و طعنت في شرفوا و قالوا عنو كلام ميستحملوش بشر و ده نتيجة حملة تشويه كبيرة هسيبكم تقولوا مين اللي مسئولين عنها
بالنسبة للحرب على العراق ادي فيديو بيوضح الراجل قال ايه مش فيديو ماشي بمدأ ولا تقربوا الصلاة و يسكت
[youtube]http://www.youtube.com/watch?v=WSEmDYvPZUs[/youtube]
العنصريه حاجه تانيه خالص .
ثانيا من حق حضرتك ان يكون لك رأى مستقل ولاكن مش من حق حد انوا يفترى على الراجل ويتهموا بالباطل .
ثالثا جايزه نوبل شرف لمصر قبل البرادعى ولما استلمها قال انا مصرى مسلم.....يعنى ممكن يكون هوا شرف المسلمين اكتر من مدعى السلفيه الى عمالين يسبوا فيه.
بيريز قال انها غلطة؟؟؟؟
يابني البرادعي وبيريز أصلا مشاركين في منظمة واحدة
International Crisis Group - Wikipedia, the free encyclopedia
الجهل نورون
انا نفسي الاقي سؤالي اجابة
ليه المحترمين في مصر بيبقو في نظر الشعب المصري خاينين وعملاء زي زويل او البرادعي؟؟ وناس زي شهداء الثورة بقو فجأة بلطجية وعملاء وتبع اجيندة ؟؟ وليه الناس اللي زي حسني مبارك لسة في نظر الناس ان هو بطل قومي وبريء من تهمة قتل الثوار وملايين المصريين ؟؟ مع ان اللواء عمر سليمان شهادته تثبت كدة
انا متهيالى فيديو استاذ جبريل رد على الفيديو المهلهل اللى فبداية الموضوع
وعندك حق يا فيليكس على اى حال
الاحرار يبكون شهائهم والعبيد يبكون جلاديهم
الناس دى عاشت فى وهم ان اى تغيير عن اللى بيعملوا مبارك هنضيع وكمان هو ابونا وما يصحش نرفع صوتنا وسموا التكلس والركود ده استقرار واى محاولة للتغيير بتهدد امنهم الشخصى
أنا شايف إن فيه ناس دايما بتحاول تفترض إن المجرم أكيد له عذر وغصبن عنه وتوجدله ألفين مبرر وتعمل عليه القاعدة الفاسد بريييييييئ حتى لو ثبتت إدانته
وعلى العكس
لو واحد كويس تحاول تشكك في نيته وتشكك في ولاؤه وإنتماؤه وهكذا
بس على فكره طريقة التفكير دي مش موجهة فقط ضد الدكتور البرادعي ولا أحمد زويل ولكن ضد عمرو خالد وقيادات الإخوان بردو وبعض قيادات السلفيين المعتدلين وخصوصا بتوع إسكندرية وناس منهم من القاهرة وكمان بعض المسيحيين الأحرار
فنلاقي التهم والتشكيك في النيات والاتهام بان لهم مآرب أخرى
ونطلع فيهم ما لم يدعيه مالك في الخمر من مساوئ
والحرامي والفاسد واللي سرق الناس عيني عينك ومص دمهم بنحوله للجنة الحكماء والجهابذة ونقول فيه ما لم يقله عنتر على عبله ولا قيس على ليلى
وتحياتي
[youtube]http://www.youtube.com/watch?v=j_8ZCn_PSEM&feature=player_embedded#at=101[/youtube]
1- بالنسبة للفيديو ... هو ظريف .... و بيكرس وجهة النظر اللي بتقول ان لو المية قطعت و انت بتستحمي و الصابون علي عنيك يبقي المخابرات الامريكية هي السبب ..... بس النظرية دي بتفشل قدام ازاي المخابرات الامريكية الجامدة اللي مالهاش حل ....معرفتش تغير النظام في كوبا اللي هي يادوب فركة كعب
2- وجع الدماغ بقي البرادعي عميل .. وطني , عمرو موسي .. وطني لا حزب وطني .... شكلنا داخلين علي جمهورية برلمانية
و الحكومة هتتشكل من الحزب اللي هياخد الاغلبية و سلملي علي الرئاسة
3- فكروا في اللي جاي احسن و يا ريت نخطط لقدام ... انا قصدي كافراد مش بس كحكومة ..... ده عيبنا كمصريين مابنعرفش نخطط لقدام ..... ربنا سبحانه و تعالي بعتلنا سيدنا يوسف عليه السلام عشان يعلمنا كمصريين يعني ايه نخطط ل 14 سنة قدام .... الكلام ده حصل من كام الف سنة و برضه مصممين نبص تحت رجلينا و اللي عملناه امبارح مستغربين ان ازاي نتيجته لسه مابنيتشي النهارده