الموضوع: مشكلة ارجو الافادة من اصحاب الخبرة

عندى تقطيع فى الشاهين بيظهر الصبح او لما تكون باردة عموما بتفضل تقطع كتير والاقى الموتور بيرتعش وتبطل لوحدها وبتفضل على الحال دة حوالى ربع ساعة لحد ما تسخن بتبدأ تروح المشكلة.مع العلم ان حصلت معايا قبل كدة بس كانت نتشة وانا ماشى غيرت مشط الاسبراتير راحت.روحت للميكانيكى جبت طقم بوجيهات بيرو وقالى المشط سليم وظبط الاسبراتير والهوا.تانى يوم رجعت المشكلة تانى هل دة عيب كاربيراتير ولا اغير الاسبراتير كلة والمشط ولا اعملها اية انا زهقت منها خالص .

المشاركة الأصلية كتبت بواسطة saadelden

ظبط الكربراتير لان كدا تقريبا الهوا قليل

العربيه اما بتسخن بيبقى فيها رعشه مش منتظمه ولا لا ؟

متشكر لرد حضرتك جدا
العربية فيها رعشة وصوت تقطيع وهيا باردة وبتبطل لوحدها ولما بتسخن وبتبدأ المروحة تشتغل التقطيعة بتروح وبتبقى طبيعية واول ماتبرد بترجع التقطيعة دى تانى.
الميكانيكى بيقوللى الهوا مظبوط والكهربا بتاعة العربية سلمية بس انا عارف ان فيها تقطيعة لانى لما بروحلة العربية بتكون سخنة فبيقوللى سليمة ومش مقتنع باللى انا بقولة اعمل اية ؟؟ اسف للاطالة