مش هشارك تانى لاسباب معينه متدايق منها جدا جدا جدا
عرض للطباعة
مش هشارك تانى لاسباب معينه متدايق منها جدا جدا جدا
فى ايه يامحمد .......وياريت ....ياريت ونصيحة اخويا
طول ما انت منفعل بلاش تتكلم ولا تاخد قرارات
ممكن نعرفها يمكن ما نشاركش إحنا كمان
ايه اللى حصل يا كبير منتا كنت كويس مين زعلك بس ؟
اية الى حصل يا محمد قولى مين زعللك بس :@@@@
ايه اللي حصل يا محمد خير انشاء الله
ايه اللى حصل يا معلم فى ايه ؟؟؟؟
طيب بغض النظر عن الاسباب ذنب الناس هنا ايه
عادة الحاجات دى بتحصل لما يكون حد مضايق من الاداره أو الاشراف وما شابهه
لو كان زى كل مره أنا بقولك الناس الى بتدخل تقرا مواضيعك ملهاش علاقه بمشاكلك ومشاكلى
فكر فيهم والحاجات الجانبيه دى نقدر نتعامل معاها
مواضيعك مهمه ومفيده متعاقبش ناس ملهاش علاقه بحاجه
أما لو ظروف خاصه ربنا يعينك
بلاااااااااااااش تزعل
{ليه يا معلم انت منور المنتدي اهدي كده وبعدين اتخذ القرار
وتقبل تحياتي}
فى ايه ياباشا قلقتنا كده خيييييييير؟؟؟
روق بس كده مافيش حاجة تستاهل
ممكن تشاركنا بالاسباب علشان الناس متفهمش غلط؟
حصل اية ؟؟؟؟؟؟؟؟؟؟؟؟؟؟؟؟؟؟؟؟!!!!!!!!!! !!!!!!
مالك يا معلم اهدى كدة وروق
ايه يا محمد مالك ياعم متروق كده ,نصيحة من اخوك مافيش حاجة فى الدنيا تستاهل انك تحرق دمك علشنها و لو حصل حاجة ديقتك فزعلك غالى عندنا
ليه كدا ياباشا دا انت من الناس المحترمة جدا اللى الواحد عرفها من المنتدى و ميحبش ميشوفش موضيعك
اتمنى ان محدش يكون زعلك نمن القسم عندنا و لو فى قول انا زعلت من كذا و كذا و حضرتك عارف ان زعلك غالى علينا
هادى نفسك كدا ياباشا المنتدى كله مستنى الجزء التالت (بهزر طبعا معاك )
حد يعرف مكانه
علشان يتخطف وييجى المنتدى تانى
و اللة بما ان الموضوع اتفتح انا كمان عايز اسجل انى زعلان من الناس اللى فى قسم كيا لانى لا احس بالتعاون فيما بينهم فى حل المشاكل على عكس قسم نيسان اللى لما كنت بافكر اشترى تيدا لقيت منهم مساعدة جبارة
ده علي اساس ان السيراتو زيستافا مثلا .. مع احترامي لمالكي الزيستافا..
انا مش فاهم ليه الناس مش بتبص علي المبيعات؟! و انا كان معايا فلوس الالنترا و الانسر و التيدا و الفلوانس و الكروز.. و اخترت السيراتو في الاخر بعد دراسة عدة شهور.. و لا انا عندي قصور في التفكير؟!
الجمعه الجايه مظاهره ف التحرير تنديدا بقمع و زعل محمد باشا بوب السيراتو :p ايوا مين يشارك هههههههههههه
صلى على النبى واهدى
وان شاء الله كل حاجه وليها حل
3 صفحات الناس كلها عمالة تقولك مالك يا باشا و مالك يا بوب و مالك يا كبير و نادوك بكل الالقاب الارستقراطية و المعظمة اللي في البلد
عاوز دلع اكتر من كدا ايه بس
ما تقول مالك بقى سيادتك حضرتك خير ايه اللي مزعل نيافتك بس ؟؟
انا لسه سامع بالموضوع من عمدتنا ( ابو ليلي )
و احنا ان شاء الله بنحاول نوصل ليه و ان شاء الله نطمنكم كلكم عليه
و ان شاء الله يكون بخير
و يرجع تاني ينور مكانه
م.حاتم السباعي
الاخوة الاعزاء
بحمد الله اتصلت بالاخ الفاضل ( محمد مصطفي ) مخترع قسم كيا الملقب ب ( moha4tec ) و هو بخير و الحمد لله و هو اخبرني ان ما دفعه لكتابة الموضوع ليس بسبب شئ في المنتدي و انما هو بيمر بحالة من الضيق العام من السيارات و الظروف التي تمر بيها البلد حاليا و شوية تعب جسدي كده علي الماشي و هذه الحالة كثيرا ما نمر بها احيانا و اظن انه كان في هذه اللحظة بيشارك في موضوع في القسم فعبر عما احس به و سط اخوانه ( لا اكثر و لا اقل )
و ان شاء الله يخرج سريعا من هذه الحالة العارضة و هو بيعتذر لكل الاعضاء اللي شاركو في الموضوع لانه اغلق النت مباشرة بعد ان كتب الموضوع
لما اخبرته ان الناس كانت عاوزة تطمئن عليه و وعدني انه ان شاء الله يعود لنا و لمحبيه في المنتدي سريعا و هوه بقي هيجكي احسن مني و قتها بأذن الله
فأرجو ان ندعو له بأن يجعل له من كل ضيقا مخرجا
و تحياتي للجميع
م.حاتم السباعي
بص هقولك على كلمة من الاخر
الواحد للاسف مع مرور الوقت وظروف انشغال اصحابه وتلاهى الدنيا خسر اصحاب كتير مازال يتمنى لقاهم بس نظرا لظروف السفر والسواح اللى بقا كل واحد فيها وظروف جواز وظروف اخرى كلنا عارفينها
كل واحد بقا وادى نلتقى ف المناسبات الحزينة اكتر من السعيدة .
ده سبب يخلى الواحد ساعة صفا يكتأب
بس لما الواحد بيتعرف فى زمانا الاسود ده على ناس محترمة ويحسهم اخواته بيبقا سعيد سعادة الغريق لما يلاقى طوق نجاه (حلوة دى ) ?
بصراحة هبقا حزين انك تسيب المنتدى لانك كنت معرفة طيبة ليا وكنت سبب انى اتعرف على شخصيات فى غاية الاحترام من قسم كيا ف المقابلة الاخيرة والرباعية اللى قبلها اللى مازلت سر من اسرار الحرب وبندور على صندوقها الاسود حتى الان
المهم حتى لو كان سبب ادارى ف المنتدى متغيرa رقمك ياحلو علشان بردو معانا معانا ابيت ام رفضت حتى لو
ركبت توكتوك ولا انتا ناوى تفيم طيارة وتحط بادج نسر علشان الكماين ومتعرفناش تانى ؟
+11
انا بصراحه مش عارف اقول اه بس
انا مكنتش عارف ان كل الناس دى بتحبنى كده و ان انا ليا اصحاب كتير و غالى عند ناس كتير فى المنتدى بالصوره غير المتوقعه و بالكتره دى
الحمد لله على كل شىء و كانت شوية ظروف شخصيه بس كمية مشاكل و مصايب بالهبل مكنتش ملاحق والله
و الحمد لله على كل شىء
و انا كانت نفسى اتقفلت من كل حاجه و دماغى كمان قفلت و الدنيا قلبت وشها
بس ان بعد العسر يسر
و فى ناس كتير من المنتدى كلمونى يطمنوا عليا و الله حسات ان انهم اكتر من اخواتى
و فى منهم على الفاس بوك كمان بعتولى رسايل و على الموقع رسائل كمان و على الموضوع ده كمان تعليقات كتير جدا
انت كانت تدل على شىء فهى تدل على مدى حب الناس لي بفضل الله انه عوضنى بيهم يفرجوا همى
و اشكرك مرتين يا استاذ ابو ليلى على مكالمتك لى و معاملتى كاخ ليك و على كلامك و نصايحك لى
و السلام ختام
مفيش حاجه تخص الموقع او اى حد من الاعضاء او الاداره عمل او لمح او قال حتى تعليق وحش
كانت ظروف خاصه و انا من كتر الهم اللى كنت فيه كرهت نفسى و كرهت اى حاجه بحبها حتى العربيات و الموقع و كل حاجه بجد . و كانت تفكيرى خلاص انتهى و كمنتش عارف افكر اصلا
فياريت تسامحونى على الموضوع ده اللى ممكن حد يفهمه انه من الموقع و كده
و السلام ختام
الحمد لله على سلامتك يا محمد