العربية بتعووووووووووووم

**omar128** · 05-06-2011 06:48 PM

العربية كانت بتحدف لما بدوس فرامل فرحت عملت صيانة كاملة لجهاز الفرامل و الحمد للة العربية مبئتش تحدف رحت ضبط زوايا و بعدين اول طلعة لية على طريق طويل لائييت العربية بتعوم و مبئتش زى الاول

الشاسية سليم 100 %
المقصات سليمة
علبة الدركسيون سليمة

مش عارف العيب من اية باضبط .
الميكانيكى بيجرب و بيئول دا كذا بايظ و بيغير و فى الاخر العربية زى ما هية و طبعا هوة مش غرمان حاجة.

و كمان لما باجى اقرص على اى نقلة العربية بدبدب من عند الكاوتش الامامى شمال زى ما يكون الكوبلن بيلف عالفاضى و مش عارف دا بقى كوبلن ولا اية مع العلم ان مفيش اى طقطقة فى الملفاات.

نوع العربية / فيات 128

**eslamspirit** · 06-06-2011 11:05 AM

احتمال او انت مزود الهواء في الكاوتش العربية تعوم و كمان الدبة دي اللي في العجل
حاول تظبط ضغط الهواء و ان شاء الله تفرق معاك

**mrastra** · 06-06-2011 12:27 PM

انا هاخد الموضوع التانى من المشكلة وهى دبدبة فى الفردة شمال اكن الكوبلن بيلف على الفاضى
اعتقد المكشلة دى ممكن تكون فى الصليبة الموجودة بداخل الفتيس ودى بتكون وظيفتها نقل الحركة من كارونا الفتيس ( عارف انها 128 ) فتيس مدمج معاة كارونا الى الاكس ثم الكوبلن وعادة العيب دة موجود فى الـ 128 وحلها اما اننا نغيرها او فى حل عملى تانى وهو نعملها جلبة عند الخراط بتعيش وبتكون احلى من البلية ونعمة اكتر كمان
بالنسبة للمشكلة الاولى عومان العربية
انت قفلتها فى وشنا صدقنى لانك بتقول ان كل حاجة عندك سليمة شاسية ومقصات وعلبة دركسيون طب هايكون فى اية تانى يخلى العربية تعوم
بس انا لاحظت انك بتقول الميكانيكى بيغير والشغل دة مافهوش ميكانيكى فى عفشجى لان دى شغلتة
اخر حاجة بقى ممكن تخلى العربية تعوم هى بلية الشمعدان لو مبوشة او مش مربوطة كويس تخلى العجلة تلعب فى مكانها لازم تكشف عليها وتربط صامولة الكونتر كويس
لو كولة تمام وعملت كل حاجة والعربية لسة بتعوم هاؤلك على عيبها بس انت الاول اطمن على اللى قولناة

**omar128** · 06-06-2011 12:55 PM

شكرا اوى على اهتمامكم و ردكم

لسة جى من عند العفشجى الى عايزة جلب مقصات تتعمل عند الخراط من التيفلون.

هل فعلا دى ممكن تبقى مقصات انا شاكك فى الحوار دة و خايف اغير و فى الاخر المشكلة زى ما هية .

**mrastra** · 08-06-2011 02:31 PM

نعم
جلب المقصات من التيفلون؟؟؟؟؟؟؟؟
لا طبعا جلب المقصات حديد واساسا بتتباع جهزة وبعدين جلب اية دة المقص كولة على بعضة بـ 30 التركى يبقى هاعمل جلبة تيفلون لا طبعا
الحاجة الوحيدة اللى بتتعمل تيفلون هى جلبة السكاترا