الموضوع: هل الاوبتيكال كابل بتاع الانتر نت لمصر قطع تاني ؟؟؟؟؟

شكرا علي الاهتمام اهي كده ابتدت تندع :)
بس التيدا دي ما فكرتش فيها خالص وكنت مركز علي الصني علي شان رائ الاعضاء في المنتدي
ياريت توضح لي ايه اللي خلاك ترشح لي التيدا عن الصني و لوتكرمت هي فيها الحجات اللي انا كتبها فوق ولا لأ
متشكر تاني علي الاهتمام يا كبتن شوقي:)

الواضح فعلا ان النت قطع 40 عضو دخلوا ومحدش رد طيب حد يدخل ويقول معرفش اوحتي مش عاوز اقول اوحتي يرمي السلام ولا حتي يسب الرد فاضي اييييييييييييييه ده يا اعضاء متعودناش منكم كده ولا افهم ان السياره متنصحونيش بها بطريقه مش محرجه بالنسبه للماليكين طبعا
ولاا ايه
وانا في الانتظار

انا اسف بس ما باحبش اطول الموضوع بس باين عليا كتبت الغاز
اولا الزجاج يمكن التاكد منه بانك تفتح الزجاج للاخر وبعدين تقفله وتكون حاطت اديك فوقيه علي طول وتعترض طريقه هيرجع لتحت لوحده اذا كان فيه الخاصيه دي اذا مرجعش شيل ايدك بسرعه لايقفل عليها الازاز كمان اعتقد من سرعه قفل وفتح الازاز لو سريع يبقي فيه ,,,, لو بطيئ يبقي لا ,,,,, لو سريع ومافهوش دي تبقي كارثه صوابع كتير ها تضيع:)
ثانيا الاموبليزر ده جهاز الكتروني بيقراء شفره المفتاح اللي بتتبعت له من جهاز بيبقي في المفتاح وبيبقي مستحيل تدور السياره الا بمفتحها الاصلي (المفتاح المشفر)
بالنسبه للتكيف عادي هيتصلح باذن الله وده مش معناه العربيه وحشه العربيه المفروض يبقي فيها 18 ملاحظه ودي كده تعتبر ممتازه ولو جت في التكييف ت بس تبقي ممتازه للغايه طبعا وشكرا للصراحه
بالنسبه لقطع الغيار ربنا يبعدك عن شراها وتكمل 100 سنه متقربلاهاش:)
بالنسبه العفشه انا سمعت انها ليها تليين برضوا بس بياخد وقت فياريت حد صنياوي قديم يرد علي
وفي الاخر شكرا لردك واهتمامك اخوكم حسام

ازيك يا استاذ توت عامل ايه يا ريت اكون قدرت اجاوب علي استفساراتك السابقه وانا تحت امرك
الزجاج اللي بينزل لما بيعترضه حاجه ده موجود في الاوبل كمان وانا عرفته من هناك من اربع سنين من الكورسا سيدان الله اعلم بالباقي
و الازاز بتاع البوينتر 2006 الشكل القديم بينزل لوحده في حاله الاعتراض سواء من جوه او الريموت او حتي المفتاح و الحاله الوحيده اللي ما بينزلش فيها هي حاله لما يقفلها الانزار لما السينسور يحس بحركه مثلا
و الزجاج ده طالما نزل في البوينتر لازم يكون ف الجتا الجولف والبولو والبسات و التوارج بس الله اعلم
كمان كنت عاوز اعرف في الصني الزجاج وان تاتش يعني لما تجي تدوس الزرار ( تاتش بس )الزجاج ينزل او يطلع للاخر ولا لأ
ونقطه كمان لو تكرمتم الانزار فيه سينسور حركه يعني لو اللص دخل العربيه من غير ما يفتح الزجاج او الزجاج ما قفلش كويس اعترضه حاجه يعني الانزار بيدي سارينه
معلش اصل الصاني شعشعة:):):) في مخي اوي وكنت عاوز اعرف الحجات دي وشـــــــــــــــــــــــ ــــــكرا