الاخلاق و السلوك ... حرام والله

يعني بمنتهى الظرافه لما الاقي واحد رامي لي عقب سيجاره (مولع) جوا عربيتي ونص الكرسي محروق و الشرطه بتتصل بيا علشان عربيتي بتولع ... :mad:
ولما الاقي واحد صاحبي برضو اتعرض لنفس الظريف ورش على الصاج بتاع العربيه زيت باكم :mad:
ولما الاقي خالي لسا جايب عربيه دفع رباعي مبقلهاش اسبوع ويجي واحد ظريف تاني من مافيه الظرافه راسم بمسمار خط الاستواء بطول العربيه لدرجه انو مش خربش الصبغ ... لأ ... دا حفرها حفر على الصاج نفسو ...
وقمه حرقه الدم في الآخر ...

توقيع ... درش :mad::mad::mad::mad:
ان شاء الله هشوف فيك درش محترم يوم القيامه وانتا متعلم عليك زي ما علمت على عربيات الناس


حرام والله اللي بيحصل دا
حرااااااااااااااااااااااا ااااااااااااااام

حسبي الله ونعم الوكيل

الشعب بينتقم من بعضه
بس مافيش حاجة هتروح يوم الحساب لا صغيرة ولا كبيرة

حضرتك الاخلاق فى مصر فى انحدار مستمر يعنى انك تمشى فى الشارع و تسمع البنى ادمين اللى جنبك بيهزروا بألفاظ مينفعش انها تتقال فى اى مكان ده بقى شىء عادى وكمية الولاد اللى بيعكسوا البنات بقت رهيييييييبه جدا و بقت معاكسات بطريقه مستفزه و انا بضايق من الحاجات ديه جدا لأنى عندى اخوات بنات برضه و بخاف انهم يتحطوا فى مواقف زى ديه وحاجات تانيه كتيييييييييييييييير و توقع الاسوأ لأن الجيل بتاع الاطفال دلوقتى بقى بقت اخلاقه اهبب من كده

معلش يا باشا قدر الله ... و الحمد لله على كل شىء بس غريب اوى موضوع السجاير ده انا شفت العجب فى بلدنا لدرجة انى بقيت ما باستغرش حاجة يعنى موضوع المسمار ده بقى الطبيعى انا واحد صاحبى كان جايب بوينتر زيرو و لقيت و احد حافر له العلامة بتاعة فولكس على الشنطة شوفت المفوهومية يعنى عنده نظر و بيفهم محفرش ماركة تانية وشوه العربية....ناهيك عن عربيتى انا اللى عن قريب هتبقى معرض متحرك للعديد من اللوح السريالية قصدى فن النحت الحديث انا نفسى مابقتش احاول ابص عليها عشان لو حاجة جديدة ظهرت ما اتخنقش ...بس بجد موضوع السجارة ده غريب ربنا يعوض عليك ويسترها معاك.

لا حول ولا قوة الا بالله
قدر الله وماشاء فعل

ربنا يعطيك من فضله ويعوضك خير ان شاء الله

حسبنا الله و نعم الوكيل

ان ربك لبالمرصاد

واديك شايف موجات الغلاء ..مش يمكن لو الناس راعت ربنا شوية ربنا هايسر ليهم في حياتهم

علشان كده تجيب عربيه رخيصه و مستعمله بقالها 200 سنه و تظبط الات الجر و العفشه بتاعتها ....

قل دين وعدم تربية 000 لو كان اهلة علموة بأن ضر الغير حرام ما فعل ذلك ولكن فعلا مقولة ان الشعب بينتقم من بعضة صحيحة 100% ، اجارك الله كل خير وعوضك عما فقدته ، واصلح الله من فعل ذلك وهدى اهلة

انا كمان عربيتي اتجرحت نفس الجرح اللى بتقول عليه و تحس اللى حفره مغلووووول

و الله فى حتة مطولهاش عربية اصلا لدرجة ان البوية مش موجودة و الصاج بان !!!

حسبي الله و نعم الوكيل !!

و الله اللي أنتوا بتقولو عليه ده الواحد بيشوف كل شوية ...... يعني مثلا كنت راكب مع واحد صاحبي و ماشيين في امان الله ..... بصيت لقت عيال واقفع علي مطلع الكبري اللي جنبنا و رمت علينا طوب :mad::mad::mad: و جرحت الباب و الشنطة و كان واحد صاحبي اسة فبلها في نفس المكان اترمي عليه طوبة كبيرة و جت في القزاز .... بس متهيألي أن دي عيال اصلا متربية علي أنها تحقد علي الناس :mad: حسبي الله و نعم الوكيل فيهم و ربنا يعيين الناس اللي بتتضر بسببهم

بيتهيألى لو مسكت واحد من اللى بيشلفطوا العربيات دول أول حاجة تعملها تشلفطله وشه

هو فيه مشكلة تانية وهى العيال المساخيط اللى بيطلعو فوق العربية ، فوق الكبوت والسقف وينططوا.. مش هتكلم عن آثارهم على الزجاج والصاج اللى بتعوز بالتأكيد غسيل بمسحوق ، لكن على التخبيط فى الصاج

بفكر ونفسى أجيب بطارية تانية يكون الهدف منها هو كهربة العربية كهربة بسيطة تمنع الكائنات الحية من ملامسة الصاج .. ينفع وللا خيال علمى وجيمس بوند بس؟

عادي
انا واحد عملي خط حلو كده في شنطه الياريس و الاكصدام :(
و واحد اظرف منه جاب شويه رمل و حطهم علي شنطه السويفت و خربشها :(:(
بس دا بقي مسكته و مش حقولكم انا عملت فيه ايه هو و اهله
ربنا يصبرنا ........

انا برضة عندى جرح كدة فى الباب برضة معمول بمفتاح

و اوحش حاجة شفتها ان عربية ليجانزا كانت لسة مدهونة و لقيتها بعدين معمولها موجة بطول العربية من اول الشنطة لغاية الكابوت فى الجمبين و X على الشنطة :( مش عارف دة من اية يعنى ؟؟؟؟؟؟؟؟؟؟؟؟؟؟

يا جماعة حكاية التجريح دة بينرفزني جداَ جداَ على الآخر و لمل بشوف الموضوع دة بتعصب و أبقى نفسي أضرب اللي بيعمل كدة مع إن شخصيتي هادئة جداَ ..
و للأسف في حكاية الجلوس على العربيات برضه يعني عندنا يوم الجمعة على الصلاة الشباب بيلاقوا أي عربية و يقعدوا عليها مش مراعيين إن صاجها بيطبق و كل شوية أنزل ألاقي عربيتنا معجنة بمعنى الكلمة في الكابوت و غطاء الشنطة .. :mad::mad:

طيب انا يا جماعة عربيتي فى الجراج !

و كمان خربشوهالى النهاردة تانى و حاطة الغطا بتاع العربية !!!!!!!!

اعمل ايه تانى ! اطلعها معايا البيت ؟

اقتباس:

---

المشاركة الأصلية كتبت بواسطة onna

طيب انا يا جماعة عربيتي فى الجراج !

و كمان خربشوهالى النهاردة تانى و حاطة الغطا بتاع العربية !!!!!!!!

اعمل ايه تانى ! اطلعها معايا البيت ؟

---

فعلاَ طلعيها معاكي البيت و نيميها جنبك على السرير .. و ما تنسيش تفطريها الصبح و أنت نازلة الشغل .. :D:D

ههههههههههههههه

ماشي يا كاماروووو اتريق ياخوياااااا ههههههههههههه

ازاي حتخدي العربيه البيت يا نهي هو دا كلام برضه.
انت تنامي جوه العربيه اسهل ههههههههههههه

هما دول بقى الجياع اللى حايطلعوا علينا البيوت و يقتلونا و ياخدوا كل حاجة ذات قيمة و موضوع العربيات ده هو مجرد بداية للناس دى:ثورة الجياع الحاقدين و كل ده من افراز انقلاب يوليو و سلم لى على شعار ارفع راسك يا اخى

اقتباس:

---

المشاركة الأصلية كتبت بواسطة gemino

هما دول بقى الجياع اللى حايطلعوا علينا البيوت و يقتلونا و ياخدوا كل حاجة ذات قيمة و موضوع العربيات ده هو مجرد بداية للناس دى:ثورة الجياع الحاقدين و كل ده من افراز انقلاب يوليو و سلم لى على شعار ارفع راسك يا اخى

---

انا كنت هارد على الموضوع بس تعليقك يا اخى الفاضل فصلنى خالص
ايه اللى جاب ثوره يوليو 52 لثوره الجياع 2008 :confused:

يعجبنى وصفك اللى كنت فاكر إنى الوحيد اللى بقوله (إنقلاب يوليو) لأن اللى حصل فى التاريخ ده كان انقلاب عسكرى مش ثورة ولا يحزنون

اقتباس:

---

المشاركة الأصلية كتبت بواسطة mada121977

انا كنت هارد على الموضوع بس تعليقك يا اخى الفاضل فصلنى خالص
ايه اللى جاب ثوره يوليو 52 لثوره الجياع 2008 :confused:

---

علشان نفس اللى بيحصل دلوقتى حصل فى 52 و لكن على مستوى اكبر من حيث قرارات التاميم و المصادرة،و طبعا من المعروف الحاجات اللى اتصادرت دى راحت فين،و السياسة المصرية من 52 الى الان هى السبب فى افراز الحقد و الغل و الكراهية و الانقلاب اللى حصل علشان يلغى الطبقية هو اللى سببها دلوقتى و طبعا ده واضح
و اسف على قطعى لحبل افكارك

عليه العوض علي الاخلاق وربنا يسترها الايام اللي جاية لانها واضح حتكون 000