فى حد زيي ولا كدا انا مش طايق نفسي

اتخنقت من لعب العيال فى الشارع ليل نهار , انا شقة دور اول علوي فى منطقة شعبية , طول النهار عيال وشباب وادامي محل بلاستيشن وكمان حاطط ادامه طرابيزة بنج بونج وطول النهار صريخ وشتيمه وصداع

الناس اللي فوقي على طول عندهم بت شقيه طول النهار بتهبد علي السقف عندي وصداع , دماغي ورمت منها , البت نازله هبد ورزع فى علي السقف

جيراني اللي جنبي ميعرفوش يتكلموا الا لما يصرخوا , دا غير بقي اللي طالع واللى نازل على السلم والاطفال

الباعة الجائلين وما ادراك ما البائع الجائلين , مره بتاع روبابيكيا ومره بتاع بطيخ ومره بتاع عيش بايت ومره بتاع خضار لما خلالالالالالالالالالالالا لالالالالالالالاص :untitled 1:

وغيره وغيره وغيره كتير


انا عايز اعرف بقي يا تري فى حد بيعاني زيي ولا انا لوحدي فى الحوار دا ؟

والله انا عندى نفس المشكلة ادامنا ارض فاضية والعيال مقضياها لعب كورة وطبعا أنا بمتحن غير بنت عمى الصغيرة ساكنة فوقينا ونازلة تنطيط ولعب وقرف
المهم أنا زعقت للى ف الشارع ودلقت عليهم ماية وخليتهم مشيو وبقالهم بتاع 4 ايام مش بييجو والحمد لله غيرو نشاطهم من كرة قدم للعب البلى بس بعيد عنى
وخليت بابا يكلم عمى على بنته دى خلاها هديت شوية بس بفكر أعمل أى حوار عشان اخليها تسكت خالص

دي مشكلة كل المصريين عدم احترام الناس ولا حقهم في الهدوء

أجر الشقة و اتأجر فى مكان تانى اريح هههههه :) بس ما تبعهاش إلا اذا كنت هتكمل و تشترى واحدة تانية

المشكلة انا اساسا شارعنا كان شارع هادئ جدا , كان يعتبر اهدى شارع فى المنطقة كلها , بس حالة اتقلب مره واحده , انا فعلا ناوي اعزل لان بجد اعصابي تعبت جدا ومش عايز اعمل مشاكل لاني عصبي وممكن اعمل مصيبة

البنت اللي فوقي كلمت امها مره وبعدين يومين ورجعت البت تتنطط تاني خايف اكلم امها تاني ولا ابوها يضربوها ودي فى النهاية طفله وبصراحة ضميري حيوجعني لما اكون سبب فى ضربها ومخلهاش تعلب براحتها , بس انا كمان تعبان

المشكلة مش بس فى الطفلة اللي فوق المشكلة بجد فى الشارع ككل والمنطقة , انا فعلا محتاج اعزل , بس انا مش عايز اعزل فى منطقة شعبية يبقي معملتش حاجة والفلوس اللي معايا حاليا متجبش شقه فى حته هادية

شكلي كدا حروح اقعد فى العباسية ولا مستشفي المعمورة اريح اعصابي هناك

اقتباس:

---

المشاركة الأصلية كتبت بواسطة زينة الله

أجر الشقة و اتأجر فى مكان تانى اريح هههههه :) بس ما تبعهاش إلا اذا كنت هتكمل و تشترى واحدة تانية

---

+1
ده حل سليم جداً أجر شقتك وخد الايجار كمل عليه واجر شقة في حتة اهدى وتبقى دخلت دي في دي ولا كأنك دفعت حاجة
انا عارف ناس كتير عاملين كدة

موضوع اني انقل اجر شقتي دي وانقل فى شقة تانية , مينفعش اولا الشقة بتاعتي ايجار قديم يعني مينفعش اجرها , تاني حاجة حتي لو تمليك انا شقتي متوضبه كويس ولو اجرتها حتتبهدل .

انا فعلا ناوي انقل بس الفلوس معجزاني دلوقت , بس انا كنت بسأل بس , انا كدا طبيعي فى خنقتي دي ولا انا خلقي ومش طايق دبان وشي


احلا حاجة وانا بكتب الرد دا تحت دلوقت بياع بصل وماسك المكرفون وبيلحن

لا خنقتك في محلها

انا ساكن في تالت دور و مش طايق نفسي من الزيطة ليل و نهار
:(

بياع البصل بيلحن هههههههههههه عادى عادى :) take it easy

أنا مرة كنت باتكلم فى الموبيل فى شغل مع مسئول من الشركات اللى بنتعامل معاها

و بعدين عربية كرو عدت فى الشارع و الحمار كان متنرفز على الآخر و نهيق فظيع فظيع :) مش عارفة كان شايف مارد جبار والا إيه !!!

لدرجة إن المسئول اللى على التليفون سمعه و بيقولى أنت فى الشغل والا إيه ؟؟ هههههههههههههه

كنت عايزة أقوله طبعا فى الشغل مش سامع رئيس مجلس الادارة هههههههههه :)

هدى بالك :: الجيرة دى أصلها أرزاق :) طيب أنا ساكنه فى مكان هادى و الحمد لله :) لكن يجى الليل تلاقى الناس نزلوا قعدوا فى الجنينة تحت الشباك

و هاتك يا حواديت للساعة 1 أو 2 قبل الفجر والعيال تلعب و تهيص لما يبقى الواحد هيجن ساعات :) لأنى متعودة أصحى من الفجر !!! :)

عندي مشكلة مماثلة لاني بنزعج من الدوشة قوي - بعد دردشة مع اكثر من شخص طلعت انا غلطان لاني مش مركب الومنيوم بزجاج مزدوج لمنع الصوت :Copy of majd(4):

و ده تعبير عن طريقة المصريين في التعامل مع المشاكل عن طريق تفاديها و الالتفاف حولها و محاولة التعايش و التعامل معها

طيب هو مفيش حلول عمليه لعمل عوازل للصوت؟

مش حكاية التفاف حول المشاكل والا حاجة يا عم احمد :)

لكن دول جيراننا كلمنهم بالحسنى مفيش فايدة :) اتخانقنا مفيش فايدة :) نعمل محضر فى القسم بقى !!! صدقنى يومين و هيرجعوا تانى

و ممكن الموضوع يقلب بقضايا !!! و أساسا مفيش احترام للقانون فى البلد و الاستثناءات و الرشوة سيدة الموقف :)

طيب الحمد لله يعني مش لوحدي يا جماعة اللي مخنوق من الدوشة , الكل بيعاني , طب ايه الحل من وجهه نظركم للمشكلة العامة دي

اقتباس:

---

المشاركة الأصلية كتبت بواسطة calipha3

طيب هو مفيش حلول عمليه لعمل عوازل للصوت؟

---

لو علي كدا الواحد يعمله صندوق زجاجي يمشي بيه يكون عازل للصوت ويمشي وسط الناس براحته بقي

هي وصلت اني حقفل عليا شقتي واخنق نفسي والمزعجين ينعموا بازعاجهم :untitled 1:

اقتباس:

---

المشاركة الأصلية كتبت بواسطة زينة الله

كنت عايزة أقوله طبعا فى الشغل مش سامع رئيس مجلس الادارة هههههههههه :)

---

جامده دي , طب خلي بالك ليكون رئيس مجلس الادارة مشترك معانا فى المنتدي :grin54:

بسيطة

عزَل

اقتباس:

---

المشاركة الأصلية كتبت بواسطة madyyuri

بسيطة

عزَل

---

+1

اقتباس:

---

المشاركة الأصلية كتبت بواسطة wa7d

طيب الحمد لله يعني مش لوحدي يا جماعة اللي مخنوق من الدوشة , الكل بيعاني , طب ايه الحل من وجهه نظركم للمشكلة العامة دي

---

الحل ممكن يكون :-

1- زيادة الوعى و الوازع الدينى عند الناس فى المعاملات و كف الأذى و الاحسان الى الجار

" من كان يؤمن بالله واليوم الأخر فلا يؤذى جاره " ،، " والله لا يؤمن من لا يأمن جاره بوائقه ( شروره) "

2- رجوع الأخلاق و القيم و أحترام الجار و الغير عموما و أخلاق ولاد البلد و اللى يصح واللى ما يصحش

3- سيادة القانون و تطبيقه على الجميع دون استثناء و تحقيق العدل و سرعة الفصل بين الخصوم

قولى بقى عشان نوصل للأهداف دى نعمل إيه ؟؟ :) :grin54:

اقتباس:

---

المشاركة الأصلية كتبت بواسطة wa7d

جامده دي , طب خلي بالك ليكون رئيس مجلس الادارة مشترك معانا فى المنتدي :grin54:

---

لا ما تقلقش أتغير أكتر من مرة :) لا أصل السؤال رخم :: هأكون فين يعنى فى العربخانه هههههههه

اقتباس:

---

المشاركة الأصلية كتبت بواسطة ahmed_lol2007

بس بفكر أعمل أى حوار عشان اخليها تسكت خالص

---

هطوخها ؟؟ :00020140:

اقتباس:

---

المشاركة الأصلية كتبت بواسطة sha2e

هطوخها ؟؟ :00020140:

---

تفتكر يكون دا قصده :grin54:

حنبقي قتالين قتله وقاتلي اطفال

اقتباس:

---

المشاركة الأصلية كتبت بواسطة tameraast

+1

---

سهله جدا :untitled 1:

[QUOTE=زينة الله;3873554801]الحل ممكن يكون :-

1- زيادة الوعى و الوازع الدينى عند الناس فى المعاملات و كف الأذى و الاحسان الى الجار

" من كان يؤمن بالله واليوم الأخر فلا يؤذى جاره " ،، " والله لا يؤمن من لا يأمن جاره بوائقه ( شروره) "

2- رجوع الأخلاق و القيم و أحترام الجار و الغير عموما و أخلاق ولاد البلد و اللى يصح واللى ما يصحش

3- سيادة القانون و تطبيقه على الجميع دون استثناء و تحقيق العدل و سرعة الفصل بين الخصوم

قولى بقى عشان نوصل للأهداف دى نعمل إيه ؟؟ :) :grin54:


الكلام دا جميل جدا ,,,
صعب جدا تنفيذه الايام دى مع العلم ان الناس هيه هيه حتى لما بتخرج بره مصر بتمشى على قوانين الناس اللى بره

اقتباس:

---

المشاركة الأصلية كتبت بواسطة زينة الله

أجر الشقة و اتأجر فى مكان تانى اريح هههههه :) بس ما تبعهاش إلا اذا كنت هتكمل و تشترى واحدة تانية

---

مفيش غير كدا

يا راجل قلبت عليا المواجع
يا ريتها تيجي على بتوع الخضار ولا الروبابيكيا وظيتة العيال وبس
لا دول كمان بيلعبو كورة وكل شوية اخرج من البلكونة على هبدة الكورة في العربية
وتمشيهم يرجعو تاني
والغريب ان الاهالي شايفين وجع القلب ده وسايبين عيالهم يقرفو الناس
وشكلي هعمل جناية قريب

انا زيك بالظبط و كنت ساكن فى العباسية و الشارع كان هادى جدا و للاسف فتح محل بلاى ستيشن و كانت دى نهاية الهدوء و زهقت و روحت فى مدينة الشروق , مش قادر أقولك على الهدوء الرهيب

اقتباس:

---

المشاركة الأصلية كتبت بواسطة زينة الله

مش حكاية التفاف حول المشاكل والا حاجة يا عم احمد :)

لكن دول جيراننا كلمنهم بالحسنى مفيش فايدة :) اتخانقنا مفيش فايدة :) نعمل محضر فى القسم بقى !!! صدقنى يومين و هيرجعوا تانى

و ممكن الموضوع يقلب بقضايا !!! و أساسا مفيش احترام للقانون فى البلد و الاستثناءات و الرشوة سيدة الموقف :)

---

انا بتكلم بشكل عام مش بس دوشة الجيران و اولادهم في الشارع

التكيفات العطلانة اللي عاملة زي وابور الطحين لو في اوربا و الدول المتقدمة-زي ما بيقولوا في الفيلم- كنت بلغت الشرطة و اجبرت الناس دي اصلاح او تغيير التكيفات - لكن هنا ان ردت عليا اصلا النجدة حيقولوا لي انت عبيط يا عم احمد

و كذلك في بناء العمارات بيشتغلوا تحت الاضواء الكاشفة ليلا للتحايل علي الحي و كمان علشان سيارات الاسمنت و السير ليلا تقولش بيبنوا السد العالي الجديد , احنا في منطقة سكنية مش في الصحرا و برضوا في اوربا و الدول المتقدمة بيخدوا تصريح بالازعاج ده في ساعات محددة من اليوم

بفكر ادور علي سرير مرتبته من المياه حتي تمتص اصوات دوشة التكييف اللي بتسمع في المخدة كل ما احط راسي عليها :36_1_50[1]:

و برضوا انا الغلطان في الاخر :B4_611: :grin54:

يا نهار مهبب , دا الناس كلها مخنوقة , خلتوني ارتاح شويا نفسيا

العيالاللى بيلعبوا فى الشارع دول بيخلبوا المنطقه امان
انا عندى كده برده

انا بعانى من نفس المشاكل دى كلها...

مش بعمل حاجة غير انى طول اليوم بقول حسبى الله ونعم الوكيل فى كل اب وام طالقين ولادهم فى الشارع زى الكلاب ويعملوا اللى

هم عايزينه...وحسبى الله ونعم الوكيل فى كل حيوان ماسك ميكروفون وعمال بيصرخ فيه وفاكر ان ده اكل عيش....

دى بلد بنت ستييييييييييييييييييييييي يييييييييييييييييييييييين فى سبعيييييييييييييييييييييي يييييييييييييييييين...

حسبى الله نعم الوكيل..

الشارع بقى صداع فعلا صوت العربيات والناس اللى بتتخانق كل شوية والموتسيكلات اللى ماشية بتفرقع ولا اللى معاة مسدس وبيضرب نار الفجر ولا اللى بيجرب رشاش المغرب انا حاسس ان الشارع بقى فية تجار سلاح ومفيش احترام للجيران كل شوية خبط ورزع وصوت عالى لنا الله على الدوشة اللى بتحصلنا بجد حاجة تقرف


حسبى الله ونعم الوكيل..