الموضوع: المال الحرام بالكنيسه ودولة الفقيه - مقالة تهمك

معرفش ليه الموضوع طلع برة اطاره خالص و حاسس ان بقى الهجوم عليا شخصيا

المشاركة الأصلية كتبت بواسطة wa7d

علي فكرة انا لا بهاجمك ولا بهاجم اشخاص ولا حتي دين ولا كنيسة ولا مسجد ولا شيخ

انا فقط مبحبش التفكير الخطأ

حضرتك بتقول ايه اللي انا قلته غلط وناقشني فيه , كل اللى حضرتك قلته غلط فى غلط , من اول كامليليا شحاته لغاية البنت بتاعه اليوتيوب , دا من وجهه نظر محايده لا مسلمه ولا مسيحية

انا اقلك قصة كاميليا شحاته من الاخر

كاميليا زميلاتها المسلمات عملولها غسيل مخ , وكلموها فى الدين الاسلامي وانتي حتروحي النار والكلام دا , يعني اثروا عليها , كانت النتيجة ان الست فعلا قررت انها تسيب بتها واهلها وتدخل الاسلام , وفعلا راحت واسلمت بالفعل , الكلام وصل لقساوسة الكنيسة , الدماغ بقي بص , ازاي ياخدوا واحده من عندنا مسيحية وكمان زوجة قسيس دا غلط , طب الحل نقوم انها اتخطفت ونهيج الناس ونعمل مظاهرات ودا اللى حصل العامة من المسيحيين انضحك عليهم بالكلمتين بتوع الدين وكاميليا شحاته خطفوها السلفيين والسلفيين بيخطفوا المسيحيات علشان يأسلموهم بالعافية , وانفخ يا ريس فى النار واحنا شعب يسخن فى موضوع الدين اوي

الموضوع كبر والدنيا ولعت وتهديدات صريحة بتدخل اجنبي وحوارات تدور خلف الكواليس بن كبار رجال الكنيسة وكبار مسئولي الدولة , فى النهاية امن الدولة يجيب كاميليا شحاته غصب عنها ويسلمها لاهلها وتتاخد وتتسحب فى دير علشان تتعاقب على انها اسملت , اخوانا مشايخ المسلمين يسكتوا لا طبعا اذا كان قساوسة الكنيسة مسكتوش يلا احنا كمان نعمل مظاهرات عايزين اختنا كاميليا دي بقت مسلمة , وتسخن المواضيع وتظهر كاميليا بعد ما اتعملها غسيل مخ من اول جديد لغسيل المخ الاولاني وتطلع تقول انا مسيحية وطول عمري مسيحية وهكذا وتتكرر الحكاية يوميا

فى النهاية انا لا يهمني كاميليا او غير كاميليا , اللي يهمني ان الناس تفهم الموضوع بشكل منطقي , رجال الدين سواء مسيحي او مسلم بينفخوا فى النار وبيحركوا العامة وفى النهاية احنا اللى بندفع الثمن

اخي مينا حسألك كام سؤال وتجاوب بصراحة

انت بتدخل على موقع الاقباط متحدون ؟
بتتكلم انت واصحابك المسيحيين عن اوضاعكم باستمرار ؟
بتدخل على موقع صوت المسيحي الحر ؟
بتدخل على موقع الحق والضلال ؟

اعتقد الاجابة نعم

مبدئبا قبل ما ننقاش الكلام اللى حضرتك كاتبه انا عاوز اعرف مصدر معلوماتك منين