الموضوع: هو فى فرق بين السيراتو الخليجى السعودى والكويتى

شوف يا مان :
أنا اشتريت هاى لاين من سمير ريان على أنها سعودى وده بالفعل الى كان مكتوب على القايم الأيسر جنب كرسى السائق (طبقا للمواصفات الخليجية السعودية ) وبعد حوالى شهرين كشفت عنها بالفين كود لاقيتها عمانى مش سعودى ... بس عاوز أقولك أننى مش بشتكى من حاجة ... ولو فيه حد يعرف الفرق بينهم يا ريت يقول .... إعمل صيانة ال 1000 عند عيسى فى المنصورة بياخد حولى 500 جنيه .

بشكر كل الردود يا جماعة بس يا استاذ ميدو يعنى اية ال 10 ايرباج ملهمش مفتاح يقفلهم

المشاركة الأصلية كتبت بواسطة abouleila

العربية بتكون متصدرة لمجلس التعاون الخليجى ( السعودية - الامارات - عمان - الكويت - قطر - البحرين )

نفس الموصفات اللى بتروح السعودية هى اللى بتروح باقى دول مجلس التعاون ...بس علشان احنا بنسمع من غير
بحث الكل بيجرى على السعودى والتجار ما صدقو وخلوها ميزة فى العربية وخلو سعرها اعلى

لاازم تشترى ضمان ضرورى جدا جدا حتى لو لمدة سنة 1000 ج مش هتفرق معاك ( احيانا بيكون فى عيوب صناعة - اسال مجرب )


كلام جميل مقدرش اقول حاجه عنه

شكرا على الرد يعنى الى فهمتو ان مفيش فرق بين السعودى والكويتى يعنى اتكل على الله واخلص

المشاركة الأصلية كتبت بواسطة baher79

السلام عليكم يا رجالة كيا الأعزاء... الحقيقه أنا معايا سيراتو سعودي من سمير ريان (فول أوبشن جنط 16) بس بعد ما دورت بالفين بتاعها طلعت فعلا سعودي.. اللي أعرفه أو خلينا نقول ان الكلام الشائع إن الخليجي معدل ليتحمل حرارة لحد 60 مئويه وده بيبان في دورة تبريد الموتور و نوعية دهان الصاج وأداء التكييف وكمان العفشة بتبقى معموله لتحمل الظروف الصحراويه فيمكن تلاحظ ان العربيات الخليجي أوطى شويه صغيرين (هذا والله أعلم بمدى صحة الكلام ده) لكن الأكيد ان اللي بيشتري خليجي بيجيب أوبشنز بالهبل بنفس الفلوس المدفوعه ... حاجه كمان بين السعودي والكويتي أن العجل الخلفي في السعودي على طنابير والكويتي على ديسكات وده أحسن بالطبع وفي السعودي مفيش تعتيم ذاتي في المرايه الداخليه مع الجنط 16 لكن موجود في الكويتي (طبعا موجود في الأتنين لو هتجيب الفول أوبشن جنط 17)

(العجل الخلفي في السعودي على طنابير والكويتي على ديسكات وده أحسن )احسن فى مين فيهم ارجو التوضيح واية الفرق