الموضوع دا بيتعمل من غير تغيير اي حاجه بنفس اللمبات والدوايه وفكرته تافهه جدا انا عامله بنفسي من زمان وهو كالتالي:
اي لمبه ليها طرف موجب يعني كهرباء وطرف سالب يعني الارضي الاشاره بيكون الطرف السالب او الارضي متوصل باستمرار والطرف الموجب او الكهرباء متوصل على دراع الاشارات فمجرد انك تحرك الدراع يمين او شمال يبدا في توصيل الكهرباء للمبه بشكل متقطع بسبب الفليشر والنتيجه ان اللمبه بتنور وتتطفي
الفكره علشان نخلي اللمبه تشتغل مع النور الواطي باستمرار وتشتغل اشاره كمان ان الطرف السالب او الارضي بيتفصل ويتم توصيله بطرف موجب او كهرباء للنور الواطي بحيث انك لما تفتح النور الواطي يوصل كهرباء للمبه والطرف التاني اللي واصل على مفتاح الاشارات بيفضل بدون تغيير وفي الحاله دي بيؤدي دور الطرف السالب او الارضي للنور الواطي فالاشاره تفضل منوره باستمرار مع النور الواطي وعند تشغيل الاشارات يتم توصيل كهرباء للمبه من خلال طرفين وهما النور الواطي والاشارات مما يؤدي الى عدم توافر طرف سالب او ارضي فاللمبه تنطفي مش هتنور ومع تقطع الكهرباء بسبب وجود الفليشر اللمبه تنور وتطفي كانها اشاره عاديه جدا
ملحوظه في حالة عدم استخدام النور الواطي تعمل الاشاره بشكل طبيعي جدا على نفس التوصيلات السابق شرحها
الموضوع مجرب بنفسي على عربيتي مرتين وشوفت الكهربائي بيعمل الموضوع دا في اكتر من عربيه بنفس الطريقه
الموضوع سهل جدا مش معقد خالص واي حد يعرف يعمله بنفسه بدون اي مشاكل
المفضلات