اجمل صباح علي احلي قسم في المنتدي.......
ابتذة الحكايه بتاعتي لما اشتديت كورسا ٢٠٠٥ وكانت تحفه وكانت اول مره في حياتي اجرب الالماني (اصل انا علي طول بركب ياباني) بس عرفت ان الالماني تحفه بجد........
بعدها تعبني المانيوال فبعت العربيه وربنا رزقني ب استرا ٢٠٠٥ والحمدلله بس للاسف جبت العربيه من هنا ولبست عين جميله خلت عداد الحراره ماااااااات (مش شغال فصل لوحده) ناس في التوكيل يقولو الكمبيوتر باظ وناس تانيه في التوكيل برده يقولو الكنترول يونت بتاع الحراره باظ !!!!!
ناس تقول غير الكمبيوتر كلو وناس تقول صلح الكنترول ارخص !!!!!!!!
والعربيه بعد الحاجه دي مابطلت تشتغل وهيا متبرجله تحس ان ركبها عفريت صغير بقت ولا كاني قاعد في الملاهي ( العزم بقي وحش - العربيه متبرجله - بتاكل بنزين - بيدخلي سخونية الموتور جوه - التكييف بقي بطيخ ) حاسس والله اعلم اني بقيت راكب عربيه كارو........
وربنا كرم وفي اخر القصه اتخبطت امبارح تحت البيت
بالتالي هبقي محتاج فانوسين قدام وفجين وشبكه
ممكن حد يعرفني احل المشكله بتاعت الحراره ذي ازاي واعمل ايه ولو الموضوع غالي اوصفولي بالمره باب جامع اروح عندو علشان ابدا في رحلة اصلاح الكارو وابدا احوش من هناك..........
معلش هتعبكو معايا
اخوكو شربيني.....
المفضلات