الموضوع: صاحب مؤسسة وكنت محتاج حد يساعدنى فى الحصول على قرض

باشا هو انت عملت ايه مع الراجل اللى اديتك رقمه وقولتلى انك كلمته؟

المشاركة الأصلية كتبت بواسطة dx322

يا اخى ابتعد عن الرشوه تحت اى مسمى واتقى الله فى نفسك ومالك وعملك وفى مصر

نصيحه لوجه الله تعالى انت سلكت الطريق الخطأ ان تفكر فى الرشوه احنا نفسنا مصر تكون احسن بلد فى الدنيا وعلى العموم فى واحد اعرفه لسه واخد قرض بعد الثوره والى اعرفه منوه انه مدفعش ولا مليم رشوه او عموله
بس توجهه الى محاسب ومراجع قانونى فى مكتب حسابات

أولا وقبل اى حاجة أشكرك على حرصك على مصلحتى والمصلحة العامة بشكل عام

ثانيا أحب اقول لحضرتك القصة مش رشوة ولا حاجة إحنا دلوقتى فعلا فى حرب معلومات اللى انا اقصده انى روحت مثلا مع بنك التعمير والاسكان وعملت ميزانيات وحوارات عند المحاسب بتاعى وورقى قعد فى البنك كام شهر وفى الأخر قالولى الدنيا واقفة عندنا معلش وإتضح بعد كده أن الفرع اللى انا كنت مقدم فيه ده بيتعامل مع محاسب معين بنظام معين ومش كل الفروع فى البنك ده شغالة وبتدى قروض وهوه ده اللى انا كنت اقصد ان الراجل اللى يحب يساعدنى يدينى المعلومة اللى اتحرك بيها على طول بدون اى عطلة او اجراءات ملهاش لازمة يعنى بمفهوم الثورة يدينى خارطة طريق كده على طول إنما انا والله مقصدتش لا رشوة ولا حاجة أنا كل اللى انا عايزه يا صديقى اساعد والدى بأى طريقة وربنا يقينا جميعا

المشاركة الأصلية كتبت بواسطة dx322

انا موش معايه اسم ولا رقم المحاسب القانونى بس لو تحب اسالوه واقولك

ياريت طبعا اكون شاكر جداااااااا

المشاركة الأصلية كتبت بواسطة م/محمد صلاح

باشا هو انت عملت ايه مع الراجل اللى اديتك رقمه وقولتلى انك كلمته؟

معلش يا باشمهندس انا كنت هرد عليك والله بس كنت منتظر اشوف الحوار هيخلص على ايه اللى تم ان الراجل الطيب بتاع البنك ده طلع البنك عندهم بيدى لعملائه اللى بقالهم مش اقل من 6 شهور معاه مفيش مشكلة وعلى فكرة يا جماعة انا بتكلم عن بنك العربى الافريقى علشان اللى بيدور فى نفش مشكلتى يبقه فاهم معانا وميضيعش وقت ويبقه عارف يروح فين على طول المهم الراجل صاحبك ده جزاه الله كل خير قاللى هسألك صاحبى فى بنك بلوم وفعلا كلمه النهارده وقاللى هيرد عليه بكره بإذن الله

وألف شكر مرة تانية على متابعة حضرتك معايه

والله العظيم يا جماعة أنا مش عارف أشكركم كلكم إزاى اللى راسلنى على الخاص واللى حتى شاف موضوعى وقراه وادعى لى بظهر الغيب ربنا يجازيكم جميعا خيرا

الناس على الخاص بعتولى اكتر من رقم لكذا واحد فى كذا بنك وجارى مراسلتهم واكيد لما يبقه فى جديد هبلغكم علشان الموضوع هنا يبقه زى مرجع كده للى بيخوض نفس التجربة علشان ميكررش الخطوات

ومرة تانية جزاكم الله كل خير

المشاركة الأصلية كتبت بواسطة tarekzein

بنك بلوم للأسف إجراءات أصعب وأعقد

ضمانات أكتر

القروض للعملاء القدامى بالمقام الأول

فعلا معاك حق اخى ده واضح انه نظام كل البنوك الاستثمارية

المشاركة الأصلية كتبت بواسطة dx322

يوم الخميس الجاى باذن الله هقابل صاحبى الى معاه رقمه وربنا يسهلك الحال يارب

جزاك الله كل خير أخى الكريم ومعش لو كنت تقلت عليك