أرجو الإفادة فى شراء كليو 2008

**kemo** · 25-04-2008 07:21 AM

اشتري كليو2008 ولا اجيب عربية كوري و خلاص و اية مشاكل الكليو اللي ممكن تواجهني ؟,يا ريت تساعدوني انا محتاااااااار

........................................
تم تعديل العنوان لمخالفته لقواعد المنتدى
برجاء مراجعة قوانين المنتدى

الإدارة - 3

**limo** · 25-04-2008 12:03 PM

ايه الكورى الى هتشتريه بدل الكليو ؟

**kemo** · 25-04-2008 04:21 PM

لانوس او ممكن فيات سينا (ايطالي) بس انا عجباني الكليو اوي بس الناس مخوفاني منها,انهي احسن واحدة فييهم و لية و شكرا

**fahd_628** · 25-04-2008 04:44 PM

على فكرة الفيات سينا صينى

انا رأى ممكن تشوف الجيتز او تزود سنة بسيطة و تجيب سيريون او افيو

بس انا مبحبش الكليو لأنها ضيقة من جوة و كمان قطع غيارها غالية و صيانتها كمان

**limo** · 25-04-2008 06:24 PM

المشاركة الأصلية كتبت بواسطة kemo

لانوس او ممكن فيات سينا (ايطالي) بس انا عجباني الكليو اوي بس الناس مخوفاني منها,انهي احسن واحدة فييهم و لية و شكرا

لو االاختيارات ده بس ارشح الكليو او لانوس
الفيصل بين الاثنين يرجع ليك انت
يعنى عاوز عربيه سواقه ممتعه جدا واداء وكماليات اعلى من سعرها يبقى الكليو بس ضريبه كده صيانه عند اماكن معينه +سعر قطع الغيار اعلى من الانوس +اعاده بيع وحشه
لو عايز عربيه اداءها كويس يعنى معقول يبقى لانوس اسعار قطع غيار فى المعقول +نطاق الناس الى بتصلحها اوسع من الكليو +اعاده بيع كويسه جدا
وراى انك تشوف النيو اكسنت 1600 لو الامكانيات تسمح

**kemo** · 26-04-2008 05:39 PM

انا مش برتاح للهيونداي بحس انناها مش قوية يعني الكليو اقوى منها ولا ايه رأيك؟ ومن حيث قطع غير الكليو هل هي معمرة ولا لأ؟

**limo** · 26-04-2008 07:28 PM

المشاركة الأصلية كتبت بواسطة kemo

انا مش برتاح للهيونداي بحس انناها مش قوية يعني الكليو اقوى منها ولا ايه رأيك؟ ومن حيث قطع غير الكليو هل هي معمرة ولا لأ؟

انا حاسس ان الاثنين زى بعض فى العمر الافتراضى والاثنين قطع الغيار زى بعض فى الغلو
بس التاريخ بيقول ان مواتير الرينو اكثر عمرا عن مواتير الهيونداى
ده غير توكيل رينو الى بيحترم العملاء وبيقدم لهم افضل صيانه

**MRIFKY** · 27-04-2008 07:19 AM

السلام عليكم الأعضاء الأفاضل
عزيزى كيمو
ان كنت عاوز تفاضل بين الكليو او اخريات فى نفس الفئة فعندك كالتالى
كورى(الانوس-الأفيو-الجيتس-النيو اكسنت-الفيرنا)
اليابانى مع ارتفاع الفئة السعرية بعض الشىء(السيريون-السنى)
الكورى يمتاز برخص قطع الغيار و الصانة بكافة فئاته
ويعيبه انها سيارات غير معمرة كذلك قطع الغيار

و اليابانى يمتاز بالمتانة نسبياُ وقطع غيار معمرة اكثر من اخواتها الكورى ولكن يعيبها غلو السعر نوعاً مقارتنها بنفس الفئة

من ناحية الثبات فالكورى فالمرتية الأخيرة ثم اليابانى ثم الكليو و احسنهم السنى
وكي لا أطيل عليك عزيزى كيمو ان امكنك اضافة 10000 جنيه فبلا شك السنى ثم بعدها الكليو بلا منازع
و شكراً

**عمرو عمارة** · 27-04-2008 12:29 PM

المشاركة الأصلية كتبت بواسطة kemo

انا مش برتاح للهيونداي بحس انناها مش قوية يعني الكليو اقوى منها ولا ايه رأيك؟ ومن حيث قطع غير الكليو هل هي معمرة ولا لأ؟

السلام عليكم

طبعا الكليو اقوى.....
بص يا باشا واضح ان الكليو عجباك بس عاوز تكون مقتنع.......لو مش فرءة معاك غلو قطع غيارها يبقى عليك وعلى الكليو فعلا عربية ركوبة.....بس متجبش الـ2008 ...موتورها 8 صباب و75 حصان وتقفيلها مش عالي اقوي زي الي قبلها.....دور على واحدة موديل 2005 وتكون 1400 سي سي 16 صباب ( دي بتكون 100 حصان ) ومتكونش عاملة اكتر من 40-45 الف كيلو...هاتلقيها مانيوال في حدود 55 -58 الف ...العربية دي حكاية :D

لو مصر على زيرو يبقى هات دايهاتسو سيريون ....انا مش هاقولك على امكانيات العربية دي بس يكفي اني اقولك خش على قسم دايهاتسو وشوف السيريون عاملة ايه مع الناس الي اشتروها (وانا واحد منهم:D)

عمرو عمارة

**عمرو عمارة** · 27-04-2008 12:34 PM

[quote=MRIFKY;242787]

من ناحية الثبات فالكورى فالمرتية الأخيرة ثم اليابانى ثم الكليو و احسنهم السنى

السلام عليكم

هي السني (الصني) الي عند حضرتك مش ياباني برده ولا ايه؟؟;)

عمرو عمارة