الموضوع: يا اهل المنتدي الكرام حد ينجدني

المشاركة الأصلية كتبت بواسطة ahmed a.maksoud

أعرف واحد كان ممتاااااااااز.......مهندس مش فنى

بس أخر تعاملى معاه كان من زمن

عموماً هوصفلك مكانه لأنه كان عنده ورشيتن فى نفس الشارع.

هتمشى فى جسر السويس من ألف مسكن لحد أول مزلقان قطر يقابلك....هتاخد أول يو ترن و ترجع.....و هتلاقى على يمينك بعد لما تعدى المزلقان تانى حديقة تبع الجيش على ما اذكر....هتاخد اليمين اللى هى على ناصيته ( الحتة دى بيسموها الموقف على ما أذكر و هى اللى بتدخلك على شارع 6 أكتوبر بتاع عين شمس ) بعد ما تدخل يمين هتلاقى غابة من الميكروباصات و الباعة الجائلين.....و لا يهمك منهم.....خد أول شمال بعد ما تدخل.....و هتمشى شوية حوالى 200 أو 300 متر هتلاقى على يمينك محطة كهرباء ضغط عالى....هتدخل الشارع اللى هى على ناصيته...هتلاقيه على شمالك....ورشته لو مكنش غير شلكها كانت مميزة بعلامة سكودا و تقريباً فولكس فاجن....و الورشة اللى قبله على طول كانت بتاع شكمانات.

كان أسمه المهندس عمرو......و أمين و شغله زى الفل.

لو فيه تصليح هيقولك......لو مفيش هيقولك.

ربنا يكرمك المهم يكون امين وفاهم لان بتوع التكييف خربوا بيتي ولما تقولهم علي العيب يبصولك من فوق لتحت ومابيسمعوش ..دكاترة نصب

المشاركة الأصلية كتبت بواسطة heshamzaky

أزيك يا باشا عامل أية عارف صنايعى ممتاز بس فى عين شمس ركبت عندة تكيف كامل من الالف الى الياء فى الفيات التيبو و هو حافظ التمبرا صم و عارف بيتعامل مع مين فى العزبة لو عاوز قولى و أنا أقولك علية
على فكرة دة ظبط ليا ضفيرة الكهرباء زى الفل بتاعت التيبو و العربية أنجيكشن لك أن تتخيل و الموضوع كان فى رابطة التمبرا لو عاوز تتفرج أعتقد كان فة نهاية الجزء الثالث

ازيك ياهشام بك اخبارك اية وربنا يباركلك في التمبرا مبروك علي تقدير المنتدي لرابطة الفيات وليك وفعلا تستحقها عن جدارة لانك بتكتب كتير قوي ومتابع جيد مش زينا علي سطر ونسيب سطر
قريت علي الراجل بتاعك اللي ظبط ضفيرة كهرباء الانجكشن عندك وواضح انة كويس بس المشكلة عندي في التكييف مش كهرباء المشكلة دراير للاسف داب من الداخل وانا كنت مهمل وسمعت كلام الدكاترة بتوع الفريون 134 بدل ال12 فخلص علية والاكسبانشن فالف اللي قبل التلاجة وطبعا بعد ما استدرجت نفسي كان فات الاوان ولازم تتغير الحاجة دي وللاسف مش لاقيها خالص واحد يقولك الماني والتاني ياباني لما الواحد قرف فبادور علي حد يغير الدراير انشالله يستبدلة بواحد كوري او اي ماركة ونخلص من وجع الدماغ ..المهم يكون جديد لان الاستيراد بيكون كون حمض وتاكل من الداخل ومش هيكمل معاك موسم صيف واحد ودة اللي حصل معايا وللاسف الكيلاني ماعندوش قطع تبديل تكييف والواحد داخ وانت عارف السواقة في الزحمة والحر خلصت علي العبدلله والزهايمر خلي الواحد مابيجمعش خالص الصبح
تحياتي لك

المشاركة الأصلية كتبت بواسطة kaza

ازيك ياهشام بك اخبارك اية وربنا يباركلك في التمبرا مبروك علي تقدير المنتدي لرابطة الفيات وليك وفعلا تستحقها عن جدارة لانك بتكتب كتير قوي ومتابع جيد مش زينا علي سطر ونسيب سطر
قريت علي الراجل بتاعك اللي ظبط ضفيرة كهرباء الانجكشن عندك وواضح انة كويس بس المشكلة عندي في التكييف مش كهرباء المشكلة دراير للاسف داب من الداخل وانا كنت مهمل وسمعت كلام الدكاترة بتوع الفريون 134 بدل ال12 فخلص علية والاكسبانشن فالف اللي قبل التلاجة وطبعا بعد ما استدرجت نفسي كان فات الاوان ولازم تتغير الحاجة دي وللاسف مش لاقيها خالص واحد يقولك الماني والتاني ياباني لما الواحد قرف فبادور علي حد يغير الدراير انشالله يستبدلة بواحد كوري او اي ماركة ونخلص من وجع الدماغ ..المهم يكون جديد لان الاستيراد بيكون كون حمض وتاكل من الداخل ومش هيكمل معاك موسم صيف واحد ودة اللي حصل معايا وللاسف الكيلاني ماعندوش قطع تبديل تكييف والواحد داخ وانت عارف السواقة في الزحمة والحر خلصت علي العبدلله والزهايمر خلي الواحد مابيجمعش خالص الصبح
تحياتي لك

الله يبارك فيك يا باشا و تسلم و تعيش .
بص الراجل دة كهربائى و بتاع تكيفات و أبن لذينة حافظ التمبرا بجد زى كف أيدة مش حا تخسر حاجة و سعرة مش رخيص و مش غالى بس استاذ بجد أتكيفت من الشغل بتاعة

لو النظام الى فى الكروما زى بتاع التمبرا يبقى محلولة
بص الصور كدة حا تفهم قصدى

قولت افرجك على دول بالمرة بقى ههههههههههههه