ماألت اليه الامور بعد الاجتماع مع الساده المديرين منذ 3 اشهر !

الأخوه الكرام الاعضاء

السلام عليكم ورحمة الله وبركاته

اغلبكم يعلم عن الجروب الموجود على الفيس بوك

( معا ضد غلاء قطع غيار سيارات بروتون في توكيل عز العرب )

واللذي انشيء من حوالي 4 اشهر ونصف واللذي كان من اهدافه الوقوف أمام غلاء قطع الغيار والمصنعيات وعدم توافرها احيانا في توكيل سياراتنا

واغلبكم يعلم انه تم عقد اجتماع بيننا وبين الساده مديري توكيل عز العرب وانهم وعدونا بتحقيق اهداف الجروب خلال 3 أشهر

ولكن المفاجأه سوف تستنتجوها مما دار في الحوار الاتي بيني وبين التوكيل وخاصة السيد الموقر البشمهندس أمير سابا بصفته مدير بروتون في مصر في توكيل عز العرب


اني من حوالي شهر اتصلت بالتوكيل لأسال على بلية الكاتينه وسير الكاتينه لسيارتي الجن 2 موديل 2008

وكان الرد انهم مش موجودين وهييجوا كمان اسبوع وانا كنت مش محتاجهم وقتها ولكن فقط لانني كنت داخل على صيانة ال 120000 كلم

ومن كام يوم قررت عمل الصيانه في مركز عصام وصفا التابع للتوكيل والمعتمد منه وذهبت الى المركز لعمل الصيانه وفوجئت بان البليه والسير غير موجودين ايضا فقلت اتصل بالتوكيل واشوفهم

وكلمت التوكيل قالي انهم مش موجودين وهييجوا كمان 10 ايام

قفلت واتصلت بالبشمهندس امير سابا وبلغته باللي حصل

وكان رده انها جات وخلصت

قلتله طيب يعني جات كميه قليله وانا وصلي كعميل انها مش موجوده
قاللي حصل عليها ضغط وخلصت فجاه !

طيب دي قطعه استهلاكيه وموجوده في جدول الصيانه ازاي اسال عليها والاقيها مش موجوده

يعني اسال على تيل فرامل مالاقيش !

المهم قاللي كنت حجزتها لما اتصلت اول مره

قلتله وهل اصبح من الطبيعي اني لما احتاج قطعه احجزها واستناها لما تيجي ولا الطبيعي تكون موجوده ؟

قاللي لو هتيجي الاجتماع القادم بالتفكير ده يبقى مش هنوصل لحل !

طبعا بعد كل ده انا ركنت عربيتي وغطيتها وبستعمل عربية اخويا

ولكن طبعا مش عاجبني اني اخد عربية اخويا وانا عربيتي واقفه عشان بليه وسير مش موجودين في التوكيل ومش بتتباع البليه دي تحديدا بره في اي مكان

وهل انا اشتريت عربيه عشان اركنها واركب عربية اخويا

والله مهزله !

ولكن صدقوني انا والله على اتم الاستعداد اني ابيع العربيه دي واشتري عربيه وكيلها بيحترم ملاكها وبيقدرهم ده ان وجد للاسف في مصر

والله ندمت للحظه اني اشتريت العربيه دي لما حصلي الموضوع ده ولكن بعد ماهديت لقيت ان العربيه محترمه وحلوه ولكن وكيلها مسوء سمعتها بسياسته واسعاره

المفاجاه التانيه من التوكيل بأه

انه غلى اسعار المصنعيات من 88 جنيه للساعه الى 100 جنيه للساعه من اول الشهر ده

يااااااااااه

هما طلبوا مننا نديهم مهله لتحقيق الاهداف !

صدقوني طول ماحنا كملاك واقفين نتفرج على التوكيل وهو بيعمل اللي هو عاوزه ومش بنعمل حاجه ولا هيتغير ولا مصر كلها هتتغير

انا اسف لو كلامي ضايق حد ولكن والله انا بعمل كده عشانكم وعشاني وعشان بلدنا اللي نفسي تبقى نضيفه

احنا راكبين عربيه بسعر عربيه الماني بره مصر وبردو التوكيلات بتبهدلنا

اخيرا
اتمنى نتغير ونبقى ايد واحده كلنا كملاك واخوه

انا مايهمنيش احنا على الجروب كام ولا هنا كام لانها مش بالعدد لأ

بالجديه والتعاون

اتمنى يكون كلامي ماضايقش حد ولكن والله من قلبي اتكلمت وكاني بكلم ناس عارفها من زماااان


تقبلوا تحياتي جميعا

أحمد الشاعر

وعليكم السلام ورحمة الله وبركاته

انا بصراحة ضد الاسعار العالية في التوكيل .. وقالوا هيديكوا وقت علشان يعيدوا النظر في اسعار قطع الغيار ويعلوا المصناعية ؟ ما هو كدا يبقي مافيش حاجة حصلت !!

اقتباس:

---

المشاركة الأصلية كتبت بواسطة nistelrooy

وعليكم السلام ورحمة الله وبركاته

انا بصراحة ضد الاسعار العالية في التوكيل .. وقالوا هيديكوا وقت علشان يعيدوا النظر في اسعار قطع الغيار ويعلوا المصناعية ؟ ما هو كدا يبقي مافيش حاجة حصلت !!

---

ماهو ده اللي عاوز اوصلهولكم يااستاذي

انهم وعدونا بلاشيء

يبقى المفروض نقول خلاص بأه ونسكت ؟

ولا نبقى ايد واحده ونشوف هنعمل ايه مع بعض ؟

انا ليا واحد صحبي ساكن معايا في العمارة لسة جايب جين2 زيرو
والله لو كنت اعرف انه هيجيبها كنت قولتله بلاش لان ردي عليه ان العربية حلوة اوي بس لو اتعامل مع التوكيل انا حاسس انه هيدعي عليا خصوصا انه كان معاه نيسان قبل كدة واكيد اتعامل مع التوكيل بتاعها

اقتباس:

---

المشاركة الأصلية كتبت بواسطة eng f3lix

انا ليا واحد صحبي ساكن معايا في العمارة لسة جايب جين2 زيرو
والله لو كنت اعرف انه هيجيبها كنت قولتله بلاش لان ردي عليه ان العربية حلوة اوي بس لو اتعامل مع التوكيل انا حاسس انه هيدعي عليا خصوصا انه كان معاه نيسان قبل كدة واكيد اتعامل مع التوكيل بتاعها

---

لأ ياسيدي الفاضل ولا هيدعي عليك ولا حاجه

وان شاء الله مع بعض كلنا هنغير كل حاجه

بس خليه بس يتابعنا ويبقى معانا

ولا تقلق

ربنا معانا

ومبروك عليه العربيه الجديده

مافيش شك ان العربيه بروتون عربيه محترمه جدا جدا
بس موضوع التوكيل ده هو اللي عاملها زي الشوكه في الزور
مفروض نعد ونتكلم ونشوف هل التوزكيلات التانيه كدا برودو ولا احنا حاله خاصه عشان مانبقاش بنتكلم وخلاص
وبردو مفروض نعد ونتكلم عشان نلاقي حل للموضوع ده

للعلم بس امير سابا مدير مبيعات فقط لا غير اي حاجه ليها علاقه بقطع الغيار المسؤل عنها هو المهندس امر الكوافي

هل أكيد المعلومة بتاعة المصنعيات؟ لأنها لو غليت و بدون سبب جيد يبقى فعلاً التوكيل محتاج وقفة

مع كامل احترامي ياستاذ احمد

البشمهندس امير سابا مدير البراند

يعني المفروض يبقى على علم بكل حاجه وكل صغيره وكبيره

وموضوع المصنعيات ده في فاكس راح لكل مراكز الخدمه من يوم 1 - 6 بان المصنعيات تبقى 100 جنيه بدلا من 88 جنيه

والمعلومه دي من حد موثوق منه جداااااااا

وفي اكتر من عضو عارف الكلام ده وقالوا على الجروب غيري كمان

تقبلوا تحياتي

الحمد لله
انا لسه عامل صيانه ال1000 قبل الزياده

أحنا عاوزين نضع خطه لمواجهة هذا الوكيل - كل واحد عنده فكره يقولها وهنجمع الأفكار دى ونضع منها الخطه
يعنى مثلا فيه أخ زميل فى المنتدى بيقول انه موجود فى ماليزيا ومستعد يورد لنا قطع الغيار , ممكن نستعين بيه ونحاول مع بعضنا اننا نعمل ولو شركه صغيره كل واحد بالمبلغ اللى في استطاعته ونستورد قطع الغيار دى ونبيعها بسعر التكلفه لأصحابنا فى المنتدى وبكده تكون مشكله اتحلت

واللى عنده اقتراح أخر يقول من غير نقد للأقتراحات من فضلكم - فقط قول أقتراحك ومزاياه وعيوبه ومحاذيره وفى الأخر هنلخص الأقتراحات وننقحها و نسأل رأى الخبراء فى المجالات المختلفه
وشكرا

السلام عليكم،

طيب مفيش لها أي قطع بديلة في اللانسر أو أي شركة عربيات تانية ؟؟ أنا فاهم إن التوكيل ولازم يكون كلو عندو بس من باب العلم بالشيء.

اقتباس:

---

المشاركة الأصلية كتبت بواسطة ahmad alshaaer

مع كامل احترامي ياستاذ احمد

البشمهندس امير سابا مدير البراند

يعني المفروض يبقى على علم بكل حاجه وكل صغيره وكبيره

وموضوع المصنعيات ده في فاكس راح لكل مراكز الخدمه من يوم 1 - 6 بان المصنعيات تبقى 100 جنيه بدلا من 88 جنيه

والمعلومه دي من حد موثوق منه جداااااااا

وفي اكتر من عضو عارف الكلام ده وقالوا على الجروب غيري كمان

تقبلوا تحياتي

---

انا معلوماتي اكيده 100% Brand Manager صحيح بس ليس له علاقه بالـAfter Sales علي الاطلاق من الاخر كلم المهندس امر

موضوع المصنعيات فعلا سخيف وعندك حق وبطلوا تروحوا التوكيل و قضوها في عصام صفا و هو فعلا يستاهل

اقتباس:

---

المشاركة الأصلية كتبت بواسطة ahmed.ali

انا معلوماتي اكيده 100% brand manager صحيح بس ليس له علاقه بالـafter sales علي الاطلاق من الاخر كلم المهندس امر

موضوع المصنعيات فعلا سخيف وعندك حق وبطلوا تروحوا التوكيل و قضوها في عصام صفا و هو فعلا يستاهل

---

مظبوط كلامك يااستاذ احمد ولكن قطع الغيار والمصنعيات وتحديد اسعارها كل ده داخل تحت سلطة مدير البراند


عموما احنا مقاطعين للذهاب لمقر التوكيل ابو رواش وبنروح مركز عصام - صفا وانا اخدت اول اجراء النهارده في خطوات الجروب عندي وان شاء الله لو مانجحتش الخطوه الاولى في خطوات كتير تانيه ولكن بالفعل احنا محتاجين نبقى كلنا ايد واحده

وان شاء الله قريب هنعمل مقابله للتحدث حول موضوع الشراكه ده اللي عرضوا احد الاخوه الافاضل

ومش هنياس مهما طال الوقت وكثرت الخطوات

تقبلوا تحياتي جميعا

اقتباس:

---

المشاركة الأصلية كتبت بواسطة sindibad

أحنا عاوزين نضع خطه لمواجهة هذا الوكيل - كل واحد عنده فكره يقولها وهنجمع الأفكار دى ونضع منها الخطه
يعنى مثلا فيه أخ زميل فى المنتدى بيقول انه موجود فى ماليزيا ومستعد يورد لنا قطع الغيار , ممكن نستعين بيه ونحاول مع بعضنا اننا نعمل ولو شركه صغيره كل واحد بالمبلغ اللى في استطاعته ونستورد قطع الغيار دى ونبيعها بسعر التكلفه لأصحابنا فى المنتدى وبكده تكون مشكله اتحلت

واللى عنده اقتراح أخر يقول من غير نقد للأقتراحات من فضلكم - فقط قول أقتراحك ومزاياه وعيوبه ومحاذيره وفى الأخر هنلخص الأقتراحات وننقحها و نسأل رأى الخبراء فى المجالات المختلفه
وشكرا

---

كلام منطقي جدا واحيي حضرتك عليه

وبالفعل هذا مايحدث

تقبل تحياتي

اقتباس:

---

المشاركة الأصلية كتبت بواسطة mustafa_farouk

السلام عليكم،

طيب مفيش لها أي قطع بديلة في اللانسر أو أي شركة عربيات تانية ؟؟ أنا فاهم إن التوكيل ولازم يكون كلو عندو بس من باب العلم بالشيء.

---

بص ياباشا

القطع البديله مش كتير

يعني كمثال
فلتر الزيت اللنسر بيركب على فلتر الزيت للجن 2 والبرسونا

فلتر البنزين مثلا بتاع النوبيرا بيركب على الجن 2 بردو

مثلا تيل الفرامل الامامي للافيو بيركب على الساجا


يعني هتلاقيهم كام بند بس

ولكن الحل الاصلح والامثل ان التوكيل يغير من سياسته واسعاره او يتغير الوكيل خالص من ماليزيا


وربنا يقدم اللي فيه الخير وانا بس باكد اننا كلنا نكون جادين ومتعاونين ومع بعض ايد واحده ومانياسش


وشكرا ليك اخي الكريم

رأيي نكتب ميل بشكل كويس بنشتكي فيه من رفع قيمة المصنعيات و عدم توافر قطع الغيار و نبعته كل واحد من ميله على بروتون ماليزيا لو مفيش نتيجة نفكر في حاجة تانية و هكذا

اقتباس:

---

المشاركة الأصلية كتبت بواسطة أبومعاذ

رأيي نكتب ميل بشكل كويس بنشتكي فيه من رفع قيمة المصنعيات و عدم توافر قطع الغيار و نبعته كل واحد من ميله على بروتون ماليزيا لو مفيش نتيجة نفكر في حاجة تانية و هكذا

---

أحيي حضرتك على الفكره دي استاذ ابو معاذ

وبالفعل النيه مبيته في الخطوه التانيه بعد يومين كده لما نشوف نتيجة الخطوه الاولى اللي قمنا بيها النهارده .

واللي هي زي ماحضرتك تكرمت وقلت ان كل الساده الاعضاء هيبعتوا ميل كل على حده وبرقم موتور عربيته ورقم الشاسيه الخاص بها واسمه

ولكن مش هنبعت باه على بروتون كير لانها ماردتش علينا في اول انشائنا للجروب

هنبعت لايميل المدير العام لبروتون ماليزيا

ويومها هبلغكم ان شاء الله بايميل السيد مدير عام بروتون ماليزيا لانه هو اللي رد علينا اول مره من رساله واحده فقط من ايميلي

وشكرا للتعاون من قبل الجميع وربنا يكرمنا ان شاء الله

عندك حق والله
الموضوع زاد عن حده

انا بقى هعمل موضوع ان شاء الله عن اللي حصل معايا

يعني انا من اشد محبي عربيات بروتون و اللي بيفكر يجيب عربية بقنعه بيها
ولكن عفوا

التوكيل مش بيعملي حاجة زيادة عشان اعمله دعاية
انا بصراحة عشان مبقاش بدخل في ارززاق حد اللي هيقولي عاوز عربية هقولوه معرفش ولو سالني اجيب بروتون هقوله هات موديلات قديمة عشان قطع غيارها لانسر و بالمرة التوكيل يدخل دايرة التشبع


الواضح بس ان التوكيل بينسى ان ملاك العربية هم اللي بيعمل الدعاية و احنا اللي شهرنا العربية بتاعته

انا والله ندمان على ال 4 اللي افنعتهم يجيبو بروتون
خسارة ي التوكيل

اقتباس:

---

المشاركة الأصلية كتبت بواسطة msafa

انا بقى هعمل موضوع ان شاء الله عن اللي حصل معايا

يعني انا من اشد محبي عربيات بروتون و اللي بيفكر يجيب عربية بقنعه بيها
ولكن عفوا

التوكيل مش بيعملي حاجة زيادة عشان اعمله دعاية
انا بصراحة عشان مبقاش بدخل في ارززاق حد اللي هيقولي عاوز عربية هقولوه معرفش ولو سالني اجيب بروتون هقوله هات موديلات قديمة عشان قطع غيارها لانسر و بالمرة التوكيل يدخل دايرة التشبع


الواضح بس ان التوكيل بينسى ان ملاك العربية هم اللي بيعمل الدعاية و احنا اللي شهرنا العربية بتاعته

انا والله ندمان على ال 4 اللي افنعتهم يجيبو بروتون
خسارة ي التوكيل

---

مستنيين الموضوع بفارغ الصبر علشان يتقدم مع المشاكل لماليزيا

اقتباس:

---

المشاركة الأصلية كتبت بواسطة msafa

انا بقى هعمل موضوع ان شاء الله عن اللي حصل معايا

يعني انا من اشد محبي عربيات بروتون و اللي بيفكر يجيب عربية بقنعه بيها
ولكن عفوا

التوكيل مش بيعملي حاجة زيادة عشان اعمله دعاية
انا بصراحة عشان مبقاش بدخل في ارززاق حد اللي هيقولي عاوز عربية هقولوه معرفش ولو سالني اجيب بروتون هقوله هات موديلات قديمة عشان قطع غيارها لانسر و بالمرة التوكيل يدخل دايرة التشبع


الواضح بس ان التوكيل بينسى ان ملاك العربية هم اللي بيعمل الدعاية و احنا اللي شهرنا العربية بتاعته

انا والله ندمان على ال 4 اللي افنعتهم يجيبو بروتون
خسارة ي التوكيل

---

والله معاك حق
بروتون اكتر عربيه بتبيع نفسها واللي بيعملها دعايا هما ملاكها
فما بالك بقي لو التوكيل فقد وسيله الدعايه الوحيده للعربيه

اقتباس:

---

المشاركة الأصلية كتبت بواسطة ahmad alshaaer

الأخوه الكرام الاعضاء

السلام عليكم ورحمة الله وبركاته

اغلبكم يعلم عن الجروب الموجود على الفيس بوك

( معا ضد غلاء قطع غيار سيارات بروتون في توكيل عز العرب )

واللذي انشيء من حوالي 4 اشهر ونصف واللذي كان من اهدافه الوقوف أمام غلاء قطع الغيار والمصنعيات وعدم توافرها احيانا في توكيل سياراتنا

واغلبكم يعلم انه تم عقد اجتماع بيننا وبين الساده مديري توكيل عز العرب وانهم وعدونا بتحقيق اهداف الجروب خلال 3 أشهر

ولكن المفاجأه سوف تستنتجوها مما دار في الحوار الاتي بيني وبين التوكيل وخاصة السيد الموقر البشمهندس أمير سابا بصفته مدير بروتون في مصر في توكيل عز العرب


اني من حوالي شهر اتصلت بالتوكيل لأسال على بلية الكاتينه وسير الكاتينه لسيارتي الجن 2 موديل 2008

وكان الرد انهم مش موجودين وهييجوا كمان اسبوع وانا كنت مش محتاجهم وقتها ولكن فقط لانني كنت داخل على صيانة ال 120000 كلم

ومن كام يوم قررت عمل الصيانه في مركز عصام وصفا التابع للتوكيل والمعتمد منه وذهبت الى المركز لعمل الصيانه وفوجئت بان البليه والسير غير موجودين ايضا فقلت اتصل بالتوكيل واشوفهم

وكلمت التوكيل قالي انهم مش موجودين وهييجوا كمان 10 ايام

قفلت واتصلت بالبشمهندس امير سابا وبلغته باللي حصل

وكان رده انها جات وخلصت

قلتله طيب يعني جات كميه قليله وانا وصلي كعميل انها مش موجوده
قاللي حصل عليها ضغط وخلصت فجاه !

طيب دي قطعه استهلاكيه وموجوده في جدول الصيانه ازاي اسال عليها والاقيها مش موجوده

يعني اسال على تيل فرامل مالاقيش !

المهم قاللي كنت حجزتها لما اتصلت اول مره

قلتله وهل اصبح من الطبيعي اني لما احتاج قطعه احجزها واستناها لما تيجي ولا الطبيعي تكون موجوده ؟

قاللي لو هتيجي الاجتماع القادم بالتفكير ده يبقى مش هنوصل لحل !

طبعا بعد كل ده انا ركنت عربيتي وغطيتها وبستعمل عربية اخويا

ولكن طبعا مش عاجبني اني اخد عربية اخويا وانا عربيتي واقفه عشان بليه وسير مش موجودين في التوكيل ومش بتتباع البليه دي تحديدا بره في اي مكان

وهل انا اشتريت عربيه عشان اركنها واركب عربية اخويا

والله مهزله !

ولكن صدقوني انا والله على اتم الاستعداد اني ابيع العربيه دي واشتري عربيه وكيلها بيحترم ملاكها وبيقدرهم ده ان وجد للاسف في مصر

والله ندمت للحظه اني اشتريت العربيه دي لما حصلي الموضوع ده ولكن بعد ماهديت لقيت ان العربيه محترمه وحلوه ولكن وكيلها مسوء سمعتها بسياسته واسعاره

المفاجاه التانيه من التوكيل بأه

انه غلى اسعار المصنعيات من 88 جنيه للساعه الى 100 جنيه للساعه من اول الشهر ده

يااااااااااه

هما طلبوا مننا نديهم مهله لتحقيق الاهداف !

صدقوني طول ماحنا كملاك واقفين نتفرج على التوكيل وهو بيعمل اللي هو عاوزه ومش بنعمل حاجه ولا هيتغير ولا مصر كلها هتتغير

انا اسف لو كلامي ضايق حد ولكن والله انا بعمل كده عشانكم وعشاني وعشان بلدنا اللي نفسي تبقى نضيفه

احنا راكبين عربيه بسعر عربيه الماني بره مصر وبردو التوكيلات بتبهدلنا

اخيرا
اتمنى نتغير ونبقى ايد واحده كلنا كملاك واخوه

انا مايهمنيش احنا على الجروب كام ولا هنا كام لانها مش بالعدد لأ

بالجديه والتعاون

اتمنى يكون كلامي ماضايقش حد ولكن والله من قلبي اتكلمت وكاني بكلم ناس عارفها من زماااان


تقبلوا تحياتي جميعا

أحمد الشاعر

---

السلام عليكم ,

و الله انا داخل بس أهنئك على الايجابية و فعلا العربيات بروتوت من أجمل العربيات و خسارة فى عز العرب ياخد توكيل عربية محترمة زى دى , أنا كنت بشترى عربية فى 2008 و كان نفسى أجيب جين 2 بس موضوع قطع الغيار دة كان مخوفنى جدا دة غير انى ساكن فى الشروق و مكان التوكيل بعيد .

عموما اتمنى انكم توفقوا فى الموضوع دة

السلام عليكم
فيه كذا محل قطع غيار متخصص بروتون فى أكتر من مكان - ممكن نجمع عناوين المحلات دى من الأخوه الأعضاء - ويروح لهم مجموعه مننا ونعمل معاهم اتفاق بأنه يجيب لنا قطع الغيار مجمعة بسعر مخفض - يعنى لما يكون فيه اكتر من واحد عنده صيانات لسيارته متشابهه زى ال60 او 120 الف نجمع توقيتهم فى اسبوع واحد ونطلب قبلها بمده كافية قطع الغيار بتاعت الصيانات دى مجمعة من المحل اللى هنتفق معاه بسعر وليكن بتخفيض 15% مثلا لأنهم أكتر من حته زى نصف جمله كده.
فيه محلات فى المنصوره لكل ملاكى بروتون فى الدلتا وفيه محلات فى الأسكندريه لكل ملاكى البروتون فى الناحيه دى وطبعا فى القاهره
ممكن كل مجموعة ساكنة قريب من بعضهم يتجمعوا فى يوم ويروحوا للمحلات دى ونحاول ونشوف , أنا ساكن فى المحلة الكبرى ومستعد نروح المنصوره ونشوف
ايهههههه رأيكووووووووم؟

اقتباس:

---

المشاركة الأصلية كتبت بواسطة sindibad

السلام عليكم
فيه كذا محل قطع غيار متخصص بروتون فى أكتر من مكان - ممكن نجمع عناوين المحلات دى من الأخوه الأعضاء - ويروح لهم مجموعه مننا ونعمل معاهم اتفاق بأنه يجيب لنا قطع الغيار مجمعة بسعر مخفض - يعنى لما يكون فيه اكتر من واحد عنده صيانات لسيارته متشابهه زى ال60 او 120 الف نجمع توقيتهم فى اسبوع واحد ونطلب قبلها بمده كافية قطع الغيار بتاعت الصيانات دى مجمعة من المحل اللى هنتفق معاه بسعر وليكن بتخفيض 15% مثلا لأنهم أكتر من حته زى نصف جمله كده.
فيه محلات فى المنصوره لكل ملاكى بروتون فى الدلتا وفيه محلات فى الأسكندريه لكل ملاكى البروتون فى الناحيه دى وطبعا فى القاهره
ممكن كل مجموعة ساكنة قريب من بعضهم يتجمعوا فى يوم ويروحوا للمحلات دى ونحاول ونشوف , أنا ساكن فى المحلة الكبرى ومستعد نروح المنصوره ونشوف
ايهههههه رأيكووووووووم؟

---

المشكله ياافندم ان كل المحلات اللي بره ماعندهاش قطعة غيار واحده اصليه

وكمان في بعض القطع غير موجود منها بره التوكيل

والتوكيل بيعمل اللي هو عاوزه عشان السبب ده

والسبب التاني انه عارف حب الملاك للعربيه وعارف انهم وسيلة دعايه ليها حتى لو عمل فيهم ايه مش هيغيروا كلامهم عنها وهيفضلوا وسيلة دعايه !

اخيرا انا على الجروب جبت عرض من محل مكه اللي في شارع دمشق لعمل تخفيض لاعضاء الجروب

ودي اول خطوه ان شاء الله

وانا مازلت مستني نتيجة الخطوه الاولى اللي عملتها امبارح وهوافيكم بالمستجدات ان شاء الله اول باول

ولكن رجااااااااء نكون ايد واحده وماننساش ابدا ولا نهمل حقوقنا

تحياتي للجميع

انا عاوز اساعدك بأفكارى و أفكار الناس - احسن حاجه انك تشتغل تيم وورك - خد رأى الناس هتلاقى أفكار ممتازه , ومنها نتحرك
قطع الغيار الأصليه ممكن تيجى بالطلب و اللى مش موجود نجيبه مش مشكله - ولما يكون فيه اكتر من مصدر أفضل علشان الأحتكار
بس انت مقولتش ايه هى الخطوه الأولى؟

اقتباس:

---

المشاركة الأصلية كتبت بواسطة sindibad

انا عاوز اساعدك بأفكارى و أفكار الناس - احسن حاجه انك تشتغل تيم وورك - خد رأى الناس هتلاقى أفكار ممتازه , ومنها نتحرك
قطع الغيار الأصليه ممكن تيجى بالطلب و اللى مش موجود نجيبه مش مشكله - ولما يكون فيه اكتر من مصدر أفضل علشان الأحتكار
بس انت مقولتش ايه هى الخطوه الأولى؟

---

وأنا ياستاذي اتمنى اننا نسمع بالفعل افكار جديده من كل الناس لان لو كل واحد لوحده مش هنعمل حاجه بالفعل وبشكر حضرتك جدا على تفاعلك وتعاونك والله

اما بالنسبه للخطوه الاولى سامحني مش هقدر افصح عنها لأنها ان شاء الله هتكون مفاجاه للتوكيل ولينا

يااارب

تقبل تحياتي

اخوك احمد الشاعر

واتمنى الكل يشرفنا على الجروب بردو على الفيس بوك عشان نبقى فريق واحد ولسهولة الحوار ايضا

الاخوه الكرام

قد كنت بلغتكم بأنه بالفعل أخذ اول خطوه من اتجاهنا في الجروب على الفيس بوك وذلك من بعد ما تجاهل التوكيل اهداف الجروب وبالعكس بدأ انه يحققها بطريقه سلبيه وتتمثل كمثال في غلاء المصنعيات اللي اساسا كنا بنقول غاليه


المهم

كنا قد ارسلنا رساله الى المدير العام لبروتون ماليزيا بها كل ماتتخيلوا من مشكلات موجوده في التوكيل وقد تم ارسال اهداف الجروب بالكلامل

وقد تم ارسال ماحدث في الاجتماع السابق وماوعدونا به ولم يفعلوه

وبالفعل قد رد علينا اليوم

السيد المدير العام لخدمة مابعد البيع

وخمس من الساده المديري في ماليزا وكان نص الرساله كالاتي



اخباااااااااااااااااااااا ااااااااااار هاااااااااااااامه جداااااااااااااااااا

تم الرد على رسالتنا الى ماليزيا

والرد أهو
...
Dear Ahmed Abd El Rahman,



I refer to your recent communication concerning Proton in Egypt .



Firstly thank you for taking your time to contact us with your concerns and your continued support for Proton cars.



I have recently been appointed at Proton to review and assist Export market Aftersales support improvements.



Please be assured I will follow up on your concerns with the Egypt Distributor and will be responding to you at the earliest opportunity once I have identified the issues and solutions.



I have started a review of parts supply and of all items on back order for your market.



If you have details of the parts you are waiting on for your car please let me know and I will chase delivery on your specific requirements.



Thank you and I will be back in contact shortly.



Best Regards



Brian Collier,

General Manager,

Aftersales,

Proton Export Division.



عاوز اوضحل لحضراتكم حاجه ان احنا بعتنا للمدير العام
ولكن مين اللي رد علينا ؟


يعني ماليزيا كلها عرفت المشكلات في توكيل عز العرب مع الملاك


تقبلوا تحياتي جميعا ولكم كل الشكر والتقدير


احمد الشاعر

رسالة بكل اللى بيحصل للشركة الام

التوكيلات اللي زي دي ما سابتش حاجة للميكانيكي اللي بيبقى تحت السلم .. اللي تدخل عنده زي ما تطلع من عنده .. اي توكيل تدخل عنده بعطل وميعرفش يحله يبقى ما يستاهلش انه يبقى التوكيل .. الناس دي دمها تقيل و باردة و بصراحة كده الحل الوحيد اللي ينفع معاهم واللي يخليهم يدورو علينا واحد واحد ومش احنا اللي نتصل ونتعب ونحجز والكلام الفارغ ده هو اعلان في الاهرام بتاع يوم الجمعة .. وبحق ربنا الكلام يتقال والمشاكل تتعرض والتوكيل من حقه ينفي الاتهامات

يا سيدي الفاضل انا من ساعت ما ركبت عربيات ودخلت توكيلات عمري ما شوفت توكيل بيخيرك بين قطعة غيار صادرة من جهتين تصنيع زي تيل الفرامل بتاع الجين 2 .. انتم تعرفو ان ده في حد ذاته اذعان بانه بيبيع قطع غيار غير اصلية

انا بحس انه متآمر وفي نفس الوقت اهبل ... والله شكله هيروح منه قريب ويحصل ميتسوبيشي

دولة قطر يا جماعه اي مصنع سيارات في العالم بيخشاها بمعنى الكلمة وبيورد لها انضف دفعة سيارات عنده لانه عارف ان مكتب حماية المستهلك القطري صعب جدا .. المكتب ده بيرجع دفعة السيارات كلها لو وجد ان عربية واحدة في الدفعه فيها عيب..

التوكيلات هنا ماشية ب شعار عك وليّس وكله كويس

حابب بس اعرف ربع صفحة في اهرام الجمعه تعملها كام

رسالة مبشرة بالخير .. بس غالبا هو اتكلم علي عدم توافر قطع الغيار اكتر من الاسعار ؟! والراجل شكلة لسة متعيين وهيعمل شغل :)

مين اللي متعيّن ومين هيعمل شغل ؟ .. بجد مش فاهم انت تقصد ايه!!

اقتباس:

---

المشاركة الأصلية كتبت بواسطة ahmad alshaaer

الاخوه الكرام

قد كنت بلغتكم بأنه بالفعل أخذ اول خطوه من اتجاهنا في الجروب على الفيس بوك وذلك من بعد ما تجاهل التوكيل اهداف الجروب وبالعكس بدأ انه يحققها بطريقه سلبيه وتتمثل كمثال في غلاء المصنعيات اللي اساسا كنا بنقول غاليه


المهم

كنا قد ارسلنا رساله الى المدير العام لبروتون ماليزيا بها كل ماتتخيلوا من مشكلات موجوده في التوكيل وقد تم ارسال اهداف الجروب بالكلامل

وقد تم ارسال ماحدث في الاجتماع السابق وماوعدونا به ولم يفعلوه

وبالفعل قد رد علينا اليوم

السيد المدير العام لخدمة مابعد البيع

وخمس من الساده المديري في ماليزا وكان نص الرساله كالاتي



اخباااااااااااااااااااااا ااااااااااار هاااااااااااااامه جداااااااااااااااااا

تم الرد على رسالتنا الى ماليزيا

والرد أهو
...
Dear ahmed abd el rahman,



i refer to your recent communication concerning proton in egypt .



Firstly thank you for taking your time to contact us with your concerns and your continued support for proton cars.



I have recently been appointed at proton to review and assist export market aftersales support improvements.



Please be assured i will follow up on your concerns with the egypt distributor and will be responding to you at the earliest opportunity once i have identified the issues and solutions.



I have started a review of parts supply and of all items on back order for your market.



If you have details of the parts you are waiting on for your car please let me know and i will chase delivery on your specific requirements.



Thank you and i will be back in contact shortly.



Best regards



brian collier,

general manager,

aftersales,

proton export division.



عاوز اوضحل لحضراتكم حاجه ان احنا بعتنا للمدير العام
ولكن مين اللي رد علينا ؟


يعني ماليزيا كلها عرفت المشكلات في توكيل عز العرب مع الملاك


تقبلوا تحياتي جميعا ولكم كل الشكر والتقدير


احمد الشاعر

---

تحياتى لحضرتك استاذ أحمد

إيجابيتك مثال لكل الناس

ياريت الكل يبعت مع حضرتك ...كل واحد بأسلوبه

حتى تصل الرسالة ولا تفهم انها من شخص واحد

تحياتى لحضرتك

وانا ممكن ابعت معاكم شكوى وابدى تخوفى فيها من سياسة الوكيل

لانى كنت ناوى اجيب الساجا وابتديت أقلق الصراحة من عدم توافر قطع الغيار وإرتفاع اسعارها واسعار المصنعية

اقتباس:

---

المشاركة الأصلية كتبت بواسطة redbull_30

مين اللي متعيّن ومين هيعمل شغل ؟ .. بجد مش فاهم انت تقصد ايه!!

---

قصدي علي الراجل الجنرال مانجر الي رد

اقتباس:

---

i have recently been appointed at proton to review and assist export market aftersales support improvements.

---

اقتباس:

---

المشاركة الأصلية كتبت بواسطة mshaheen1

تحياتى لحضرتك استاذ أحمد

إيجابيتك مثال لكل الناس

ياريت الكل يبعت مع حضرتك ...كل واحد بأسلوبه

حتى تصل الرسالة ولا تفهم انها من شخص واحد

تحياتى لحضرتك

وانا ممكن ابعت معاكم شكوى وابدى تخوفى فيها من سياسة الوكيل

لانى كنت ناوى اجيب الساجا وابتديت أقلق الصراحة من عدم توافر قطع الغيار وإرتفاع اسعارها واسعار المصنعية

---

دى فكرة كويسة أوى ....
ياريت يا جماعة اللى ناوى يشترى أى عربية بروتون ....
يستنى شوية لحد مانشوف أخرتها مع التوكيل دة ....
أنا شخصيآ مش شارى لحد ما أحس أن أعضاء المنتدى راضيين عن مستوى التوكيل ....
ولو فضل مستوى التوكيل زى ماهو ....
يبقى أنا مش شارى بروتون ....

اقتباس:

---

المشاركة الأصلية كتبت بواسطة nistelrooy

قصدي علي الراجل الجنرال مانجر الي رد

---

يا عم الناس بتوع ماليزيا دول بيستهبلو .. انا اعرف انهم بيزورو التوكيل بشكل دائم واعتقد انهم على علم بحجات كتير بتحصل .. اعتقد ان ماليزيا فهمت سياسة اليابان في ما بعد البيع بالنسبة لتجارة السيارات بشكل غلط

هي حبط تطبق السياسة دي ومش عارفة.. اليابان بتديك عربية نضيفو و رخيصة وبعد كده بتاخد تمنها منك مرة كمان عن طريق قطع الغيار .. بس بتديك قطعة غيار مفهاش كلام..
بروتون بطبق الكلام ده بشكل غريب او يمكن سمحت للتوكيل بانه يطبق الكلام ده وهي هتعمل نفسها مش واخدة بالها..
انا شايف ان توكيل عز العرب مش مرتاح معانا وكانت غلطة منه انه اخد توكيل بروتون للعربيات اللي بيركبها عامة الشعب .. هو راجل بيحب البي ام والكرايزلر .. واصحاب العربيات دي مش بتقول ولا بتفاصل على قطعة غيار ولا بترجعله بعربية وتقوله انت عملت فيها ايه..

بصراحة كتر الف خير عز العرب انه مستحملنا .. هو بس يطلع جدع و يسيب التوكيل ده لحد تاني يقدره

انا متأكد ان فيه ناس في مصر تقدر ترفع الماركة دي لفوق اوي وتعرف تحترمنا وتعرف احنا تعبنا ازاي في الفلوس اللي جبنا بيها عربية زي دي ..

انا بشكر كل الناس اللي تعاونت

وسيبونا نديهم اسبوع فرصه عشان يردوا علينا ونشوف ولو ماحصلش انا هبدأ في الخطوه التانيه

وعموما انا لما بعت الماسيج بعتهالهم من اكتر من 390 مالك لسيارات بروتون واديتهم لينك الجروب ليتأكدوا بنفسهم

اننا ملاك عن طريق ارقام الموتور والشاسيه وعشان كده كنت حابب ان الجميع ينضم ونبقى ايد واحده

ونبقى جميعا كلمتنا واحده امام اي خطا او استغلال من اي طرف كان

وربنا معانا

تقبلوا جنيعا تحياتي وكما اعلنت ان في مقابله يوم الجمعه القادمه في نادي المهندسين في 6 اكتوبر لو حد من الساده الملاك او محبي بروتون عاوز يشرفنا

والسلام عليكم ورحمة الله وبركاته

اقتباس:

---

المشاركة الأصلية كتبت بواسطة redbull_30

يا عم الناس بتوع ماليزيا دول بيستهبلو .. انا اعرف انهم بيزورو التوكيل بشكل دائم واعتقد انهم على علم بحجات كتير بتحصل .. اعتقد ان ماليزيا فهمت سياسة اليابان في ما بعد البيع بالنسبة لتجارة السيارات بشكل غلط

هي حبط تطبق السياسة دي ومش عارفة.. اليابان بتديك عربية نضيفو و رخيصة وبعد كده بتاخد تمنها منك مرة كمان عن طريق قطع الغيار .. بس بتديك قطعة غيار مفهاش كلام..
بروتون بطبق الكلام ده بشكل غريب او يمكن سمحت للتوكيل بانه يطبق الكلام ده وهي هتعمل نفسها مش واخدة بالها..
انا شايف ان توكيل عز العرب مش مرتاح معانا وكانت غلطة منه انه اخد توكيل بروتون للعربيات اللي بيركبها عامة الشعب .. هو راجل بيحب البي ام والكرايزلر .. واصحاب العربيات دي مش بتقول ولا بتفاصل على قطعة غيار ولا بترجعله بعربية وتقوله انت عملت فيها ايه..

بصراحة كتر الف خير عز العرب انه مستحملنا .. هو بس يطلع جدع و يسيب التوكيل ده لحد تاني يقدره

انا متأكد ان فيه ناس في مصر تقدر ترفع الماركة دي لفوق اوي وتعرف تحترمنا وتعرف احنا تعبنا ازاي في الفلوس اللي جبنا بيها عربية زي دي ..

---

مش عارف بس لو فعلا اسعار قطع الغيار غالية هنا ورخيصة في ماليزيا هيكون في اكثر من سبب :

1. الي انتا ذكرتة في الرد
2. ان بطبيعة ان ماليزيا الدولة المصنعة للعربية فابالتالي قطع الغيار منتشرة ورخيصة
3. السبب عز العرب عايز يكسب جامد علي حسابنا !!!


اما لو قطع الغيار غالية في ماليزيا يبقي فعلا زي مانتا ذكرت في الموضوع دي سياسية وعايزيين يجيبوا تمن العربية ف قطع غيارها

لية مركز كبير زى مركز عصام و صفا مايستوردش كل قطع غيار البروتون الأصلى مباشرة من ماليزيا ؟