اعراض بداية تلف البطارية او الدينامو اكشف عليهم
المساعدين الفابريقة بتوع النوبيرا تعبانين أصلا ، انا غيرت الأربعة بمونرو ، الجوز بحوالى 700 فى حين الكورى بيبدأ من 350 حتى 500 ، الفرق شاسع بكل ما تعنيه الكلمة فى معظم أشكال وألوان الطوب والحفر
انت قلت بنفسك المساعدين ، غيرهم بقا ، وبعدين لو العربية بتميل أوى لقدام اعمل رجلاش الفرامل اللى ورا عشان ممكن يكون الخلوص بتاعها زاد فالعربية شبه مش بتفرمل من ورا فترمى لقدام وكمان تاكل التيل الأمامى أسرع
انا الحاجات دى بتجننى وبتحسسنى انى راكب كارو ، بس لو عادية تعايش معاها لأن لازم يبقا شوية زقزقة دى دايو برضه ، لو عالية أوى يعنى فيه حاجة غلط ممكن تروح لواحد بتاع فرش
لو خفيف أوى وانت لسة ظابط زوايا ممكن يكون الهوا مش مظبوط فى الجنبين مش زى بعض ، والأفضل ابقا اظبط عند حد عنده جهاز نضيف زى بتوع فيت أند فيكس
مش فاهم أوى الصراحة ، انت تقصد حاجة تانية غير ان العربية بتتقل التقل الطبيعى مع تشغيل التكييف ؟ ده طبيعى - وعموماً هى العربية فايقة ولا مكتومة ؟ بمعنى انت بتغير فلتر الهوا والبنزين وبتغير زيت الموتور والبلى بتاع الكاتينة فى مواعيده ولا لأ ؟ كل دى حاجات بتتقل العربية لو طنشتها ، وكمان بلى العجل الفابريقة بيتقل ويخشن على 80 الف كدة ولما بتغيره بتلاقى العربية كأن كان حد ماسكها عشان ماتجريش وبعدين سابها
علبة البيئة صوتها خشن فى النوبيرا شوية ، تعايش معاها أحسن لو الصوت فى الحدود الطبيعية مش بايظة يعنى
مش عارف دى الحقيقة ، بس هو الدبرياج زيت مش سلك يا ريت تشوف الزيت بتاعه الأول على سبيل التجربة كحل أسهل وأرخص ، لو الديسك فيه مشكلة كانت الإسطوانة تعبت الأول وكنت عرفت من سحب العربية فى المطالع
غالباً كلامه صح اصل هى كدة مش محروقة ولا الفيوز محروق ، أنا عندى لمبة مروحة التكييف بتعمل زيك كدة بتنور و تطفى برضه بس انا مطنشها !! لو مضايقاك خليه يفك ويعملها عشان تستريح نفسياً وماتبقاش قرفان من العربية
طبيعى جداً يا باشا ومش هتعمل أحسن من كدة ، ده يدخل فيه تصميم نقلات الفتيس ومقاس الكاوتش ، لو لقيت عربية نوع تانى موتورها مريح أكتر من كدة ما تحاولش تعمل حاجة عشان مافيش حاجة تتعمل أصلاً
؟؟؟؟؟؟
ياجماعة الراجل معاه نوبيرا ...يعنى احتمال بنسبة 99.9% المشاكل اللى فى الاول دى تكون بسبب الجلب لان كان عندى المشكلة الاولى والتانية والرابعة وراحوا مع تغيير الجلب..... والمشكلة الرابعة هى الدليل ان الجلب هى اللى تعبانة...لان (كلام فى سركوا) الجلب اللى انا غيرتها شكلها مضروبة وبقت بتعمل معايا التعويمة دى اوحش من الجلب الاصلية لما كانت بايظة هههه
نصيحة لوجه الله اكشف عليها عند اى عفشجى وبعد كدة حاول حضرتك توديها توكيل فى اى حاجة تخص العفشة
لان الميكانيكية وشهم فقر وفى اول مرواح ليهم العربية بتفتح بوقها على طول كل شوية...والله مابهزر ...فيه فرق شاسع بين الميكانيكية والتوكيل
حضرتك هتصرف على العربية شوية فى التوكيل بس هتطلع مظبوطة وهتبقى ماشى براحتك عالطريق ومطمن
واوعى حضرتك تسمع كلام فلول الدايو لانوس وتبيعها(حلوة فلول دى؟؟):ma:...لان مافيش عربية فى الفئة دى برفاهية النوبيرا فى صالونها وثباتها على السرعات العالية
أنا العربية ماشية دلوقتي 54000 كم و شاريها من 11000 كم و غيرت لها سير التقسيمة و البيل ساعتها و طبعاً الزيت بغيره مع الفلتر بـإنتظام