-
انا جيت ...
تحياتي لصاحب الموضوع الرائع ونرجو من منسق القسم تثبيته.
خواطري ناحيه الاوبل تتلخص في حاجتين ماحستهومش في اي عربيه تانيه.
1- الشعور التام بالامان وانت بتجري وبتاخد ملفات وغيره
2-يصعب علي جدا النهارده اني افرط فيها ولو هغير اتمني ان ربنا يوسع علي واجيب عليها من غير ماابيعها
-
يا طنانى يا حبيبى أولآ موضوع اكثر من كلمة رائع وجميل ومفيد
ويكيقى انى اقول الاوبل اوبل ولو جار عليه الزمن
وحتى الدول الاروبية مستكترة علينا ركوب الاوبل فهم يقولون العرب يركبون الاوبل بعد ان كانوا يركبون الابل
-
طنانى
هات بوسة على الموضوع الممتاز دة
فعلا تسلم ايدك على الكلام الحلو دة
-
فى يوم هابقى احكيلكم على عربية اخرى رائعة(رفاهية -اعتمادية-قطع غيار ) محدش يتوقعها ولا تخطر على بالة
الاوبل اكثر من رائع بس !!!!!!!!!!!!!!!!!!!!!!!!!!!!
عايزة واحد حابب العربيات وفاهم عربيتة كويس ليييييييييية؟
لان العربية لازم حد يفهمها وهو هنا مش الصنايعى
هاقولك عى مثال: سوستة تمنها 25 قرش كلفتنى حوالى 6 الاف جنية ( ايو 6000 ) ولف عدة شهور على حوالى 10 ميكانيكية وعمرة كااااملة ولسة العيب والموتور كان هايضرب زيت ويقفش( كلة بيقولى بيع واخلص بس انا كنت واخدها عند مع العربية ) اكتشفها سواق اتوبيس بالصدفة وانا بحكى معاة وغيرتها انا فى دقيقتين ودة طبعا مش عيب العربية دة عيب الزمان والمكان اللى فية العربية
الخلاصة ان العربية المفروض تسهلى الحياة مش العكس- حتى لو هية كويسة-- وحتى لو هية سوستة ..هههه :) _ ((((( ودة المعنى الحقيقى لكلمة اعتمادية))))
-
انا شخصيا بشكرك ياباشا ع الموضوع دا تاني مره
والله الموضوع دا كان نفسي يتعمل من زمان هنا عشان الناس اللى مش عارفه ايه هيا الاوبل تعرفها هنا بجد الله ينور علينا وعليك
ع فكره العربيه دي من اكتر العربيات محبوبه ف اوروبا والدول العربيه يا اخي في حاجه بتشدك ليها
-
طنانى فعلا تسلم ايدك على الكلام الحلو دة وكل واحد عنده حاجه يقولها انا مثلا فى رمضان الماضى خرجت من الاسماعيليه الى الاقصر وبلدنا بعدها ب35 كيلو مشيت الساعه 2 صباحا الى الساعه 11.3 ظهرا بدون توقف والحمد لله والعربيه بدون اى حركه قرعه وبيخه حوالى 900 كيلو وكنت ماشى براحتى علشان كان معايا فى العربيه 8 افراد غير 3 اطفال اقل من 6 سنوات (عمر 5 -يوسف 4- الاء 3) والله لو عربيه كورى او يبانى كانت ماتت منى فى السكه
انا معايا واحد من اسوان نسيب اخويا الكبير شغال فى الجامعه جه الى السويس والحمد لله عمل جوان وش سلندر واول ماروح راح باعها على طول وده الفرق بين اللمانى وغير من العربيات العتماديه هى شعار الاوبل
مع العلم انا باسافر باستمرار الصعيد واخر مره يوم 23/12/2010 والحمد لله العربيه معملتش اى حركه فى الطريق
-
شعار الاوبل الجديد
نحن نضمن سياراتنا مدي الحيااه
شوفو اد ايه الشركه واثقه من عربياتها
-
موضوع جامد يا طنانى باشا .... كالعادة يعنى مش جديد عليك
الأوبل من أكتر العربيات المظلومة ف البلد دى محدش عارف قيمتها غير اللى ركبها
ما شاء الله عليها عربية قوية و ثابتة و موتور حامى اوى و معمر جدا جدا
و تصميمات سابقة عصرها
انا كان معايا كورسا هاتشباك و كانت 1000 سى سى و كنت مطلع عينيها و عمرها ما قلت معايا
ف مرة كنت تعبان و واحد صاحبى ساق العربية و سرح و هو سايق راح خابط فى عربية اسبيرانزا اللى هى كبيرة ال 2000 سى سى نزلنا لقينا اكصدام الاسبرانزا متفتفت و عندى انا كان فيه تراب مكان الاحتكاك ده
و قبل ماجيب لانسر دورت كتير على فيكترا cd و مالقيتش خالص بس ان شاء الله الموضوع لسه ف دماغى
ع العموم مع انى مش معايا اوبل دلوقتى بس انا دائم التردد على منتدى الأوبل
و ان شاء الله المقابلة الجاية هكون معاكم باللانسر
تحياتى
-
السلام عليكم ورحمة الله
بص ياعم طنانى
الكلام دة السبب فيه الدعاية والتسويق سواء من الوكلا او من التجار
فمثلا انا كل لما اكلم حد عن الأوبل يقولى طب والسخونة دى عربيات بتسخن طب وقطع الغيار النار طب والصيانة الغالية
وهكذا
انا للأمانة ما كنتش باخد وادى فى الكلام ولا بتعب قلبى بس من مدة مش بسيطة لاحظت ان الاوبل بدأت تعلى تانى واسعارها زادت وكمان بقى عليها الطلب
الناس كان عندها قلق من اللى بيسمعوه فقط بس اللى يجرب العربية بجد اللى بيجربها بيذهل ومش بيصدق
وعموما ياطنانى موضوعك فوق الممتاز ومقارناتك واقعية وملموسة
-
موضوع هايل و مفيد جدا
شكرا
Content Relevant URLs by
vBSEO 3.6.0 PL2