المشاركة الأصلية كتبت بواسطة wama00
السلام عليكم ورحمة الله وبركاتة
اولا احب اعرفكم بنفسى: اسمى محمد مختار,, مهندس ميكانيكا من القاهرة (انا عارف ان فيه حد تانى اسمة برضة محمد مختار وبرضة مهندس:bounty:)
ثأنيا: احب اشكر كل الناس اللى فى منتدى الاوبل فعلا ونعم الصحبة وشكر خاص لطنانى باشا, فادىز دكتور هلال وكل الناس اللى موجوده هنا ههههه,,, انا متابع صامت من فترة كبيرةوبجد استفدت كتيير من خبرتكم.
ثالثا: انا من عشاق الاوبل وعمال ادور على عربية نضيفة بقالى اكتر من 3 شهور لحد ما وقعت واحدة 96 -B1 - 2000 CC
بس للاسف لا افقه فيها شئ :majd(4): لا انى اسوق فقط
تفاصيل السيارة: 96 زى ما قولت 2000 سىسى فابريكة جوا بالكامل خلصت فيها على 49500 و500 بطارية جديدة علشان اللى كانت فيها تعبانة يعنى 50000 مقفولة,,,, ممكن يكون سعرها غالى شوية لكن بعد العربيات اللى شوفتها فى السوق, ديه تستاهل
المهم يا جماعة علشان ما اطولش عليكم ياريت تقبلونى عضو معاكم هنا فى منتدى الاوبلاوية وان شاء الله تبقى معرفة خير ,,,
وبعد اذنكم انا عايز اظبط العربية يعنى اعملها صيانة كاملة (هى الحمد لله مفيش حاجة بشتكى منها) لكن عايز اكشف على كل حاجة (للعلم لما اشترتها ما كشفتش عليها مجرد بصيت على الحوض والشنطة والاساسيات كله تمام الحمد لله وجربت العربية ودفعت فلوس)
فياريت تقولولى اول اخطوة اعملها ايه ؟ انا عايز طبعا اغير كل الزيوت والفلاتر واللى منه.
سامحونى على التطويل بقى