+1111111111111111111111111111
عرض للطباعة
عيب ايه اللى عندى؟؟ هو اللى مش بيشوف سلفيين يبقى عنده عيب؟ ولا اللى مش بيحتك بيهم فى حياته يبقى ناقص حاجه ولا ايه قصد حضرتك؟؟اقتباس:
مش معنى انك مش بتشوفهم يبقى مش موجودين العيب عند حضرتك مش عندهم
انا مش مستغرب انك بتدافع!! انا مستغرب انك فاكر انك المفروض تدافعاقتباس:
الأغرب انك بتستغرب ان احنا ندافع عن نفسنا وعن التهم التى توجه الينا وبعدين احنا والحمد لله مش محتاجين نكون فى بؤرة ضوء ولا الكلام ده نحن نبتغى وجه الله ومش لازم اقولك كده
ده انت كمسلم لازم تحسن الظن فى اخيك المسلم
ماله الكاركتير لو فرضنا ان ديه وجهه نظره فعلا رغم انى اختلف
بس ديه وجهه نظره و هو شايف كده
هل ده تهكم على الدين؟؟ حضرتك ممكن تقاطعه و ممكن ترد عليه برضه من غير كل شويه مانحس ان فيه ناس مستنيه اى حد يقول كلمه سلفيين عشان يهبوا للدفاع
بجد الموضوع زايد شويه
و بعدين مين قالك انى مش بظن فيك خيرا!!
ده انا مش عاجبنى انكم تدافعوا عشان اصلا مش مطالبين انكم تدافعوا
كل ما تدافعوا تنشروا الموضوع اكتر
كل ما تدافعوا بيتم الغلط اكبر
ده شويه ممكن توصلوا الناس احساس ان اللى يغلط فى سلفى ممكن يبقى كفر مثلا
انا بقول كده بكل حب عشان بجد التوجه ده اللى يتاخد عليه اكتر من اللى ليه
يعنى دايما هيسبب اثر عكسى
ما الاخوان ليل و نهار بيتهاجموا و لو فكروا يردوا شوفوا بيبقى رد الفعل ازاى
مافيش حد بيتبع تعاليم الدين و نبينا محتاج انه يدافع عن نفسه اصلا
اللى عايز يفكر ان اللى بجلابيه و دقن هو شر يتقاله انصرف ماعتقدش ان الموضوع ده ممكن يغير رأيه - صح ولا غلط؟؟ و اللى مش بيحكم على الناس بالزبيبه و الدقن اكيد الموضوع ده مش هيغيره برضه
يبقى ايه لازمه كل شويه نزود البوق الاعلامى و نسلط الضوء اكتر
اللى انا شايفه ان ده اثره العكسى اكبر
1-انا متفق إن صورة الرجل السلفى مش حلوه او مبالغ فيها شويه, يعنى كان ممكن يطلعه احسن بكتير, بس على الجانب الأخر هو لازم يدى مبرر للراجل الساذج انه يفتكره عفريت, وده مش معناه تقليل او تريقه على الراجل السلفى.
2- هو عشان الراجل متدين او سلفى لازم يطلعو وجهه سمح وبيضحك وقاعد على سجادة صلاه, يعنى انت عمرك ما شفت فى الشارع واحد بدقن وجلبية شكله مش حلو او مكشر!!!
3- هل انت معتقد ان مصطفى حسين بخبرة كل السنين دى, ممكن يبقى بالسذاجة و الغباء انه يطلع كاركاتير يشبه الرجل المتدين او السلفى بعفريت وشرير و ان احنا كلنا بنخاف منهم! -(حتى لو كانت دى قناعته الشخصية )- ما هو ده البديل الأخر لو مش بيتريق على الناس الى بيخافو من السلفيين يبقى بيتريق على السلفيين نفسهم وهم فعلا عفاريت!
4- ايام جمال عبد الناصر وفى عز ماكان فى السلطة و الشعب بيحبه و الناس معتبراه الزعيم الأوحد وهامش الحرية فى عهدة يكاد يكون معدوم و كان مصطفى حسين بيرسمه مناخيره قدامه مترين, هل ده كان إحتقار للرئيس عبد الناصر, ولا الناس طلعت وقالت دى صورة مسيئه للريس, و إستهزاء برئيس الدولة, على العكس ده ممكن يكون مصطفى حسين كان بينافقه او يجامله فى محتوى الكاركاتير بس طبيعة رسم الكاركاتير انه بيرسم صور مبالغ فيها وده مش معناه تقليل من الشخص.
5- برغم إن انا معنديش ادنى شك إن انا فاهم الكاركاتير صح, بس لو الكاركاتير زى مانتو فهمتوه دى متبقاش إساءه دى تبقى مصيبه لأن كده يبقى استهزاء بقطاع كبير من الشعب بل بخيرة قطاعات الشعب, اللى هم القطاع المتدين الملتزم, وصدقونى مصطفى حسين مش بالغباء ده, , انا اول ما شفت الكاركاتير ومن الوهلة الاولى مجاش على بالى إطلاقا الفكره الى انتو اقتنعتو بيها وشايفه بمنتهى الوضوح, حاولو تبصو على الكاركاتير من وجهة النظر التانيه وتقبلو تحياتى.
ياجماعة مين مصطفى حسين يعني بالله عليكم ماتجوش على حاجة هايفة زي دي وتدوها أكبر من حجمها دة مهما كان مجرد كاريكتير ومش هو ده اللي يشغلكم .
والله انتم عالم فاضية ... شوفولكم حاجه نافعه اعملوها بدل ده سوي وده عمل .. هو ده اللي جايبنا ورا ... فوقوا بأه
مرة واحدة كدة بقي مسئ للأسلام !! ومرة واحدة واحدة بقي في زي إسلامي !!!!!
دة نزل في أنهي حتة الزي الإسلامي دة !!!! إذا كان الناس في الجاهلية كانت بتلبس نفس اللبس بعد الإسلام !!!
وبعدين هو أنتوا لية محسسني أن السلفيين ماشاء الله طيبين وحلوين وماشيين جنب الحيط ؟؟!!!
متشوف مواقعهم يا عم في اية؟
بيتريقوا علي غير المحجبة وحتي المحجبات مترحموش منهم، وتريقة علي الناس اللي مش بدقون او المسلمين المعتدلين .. حتي الأفراح والعادات الإجتماعية بما فيها الزغاريد في الأفراح حرموها .. أما بقي في شيوخ الدعوة السلفية فحدث ولا حرج .. من أول أبو إسحق الحويني بتاع الإقتصاد والغزوات .. لحد حازم سوبر مان بتاع مدنية يعني ايييييييييييييييييييية وليبرالية يعني ايييييييييييييييييييييية
الغم متبادل يعني
انا سمعت مثل قبل كده بيقول ان صدر العيب من أهل العيب ميبقاش عيب